விஸ்வநாத் அண்ட் சன்ஸ் முன்பதிவு மந்தம்..தமிழ்நாட்டில் மட்டும் இத்தனை கோடி வசூல் தேவையா!

<p class="p1">&nbsp;</p> <p class="p1">சூர்யா நடிப்பில் உருவாகியுள்ள விஸ்வநாத் அண்ட் சன்ஸ் திரைப்படம் நாளை திரையரங்குகளில் வெளியாக உள்ள நிலையில்<span class="s1">, </span>படத்தின் முன்பதிவு எதிர்பார்த்த அளவுக்கு விறுவிறுப்பாக நடைபெறாதது ரசிகர்களிடம் கவலையை ஏற்படுத்தியுள்ளது.<span class="s1">&nbsp;</span>குறிப்பாக<span class="s1">, </span>பல முக்கிய திரையரங்குகளில் முன்பதிவு தாமதமாகத் தொடங்கியதே இதற்கு முக்கிய காரணமாக பார்க்கப்படுகிறது<span class="s1">.</span></p> <h2 class="p1">பெரிய ரிஸ்க் எடுத்த பிரீமார்க் புரொடக்ஷன்ஸ்</h2> <p class="p1">விஸ்வநாத் அண்ட் சன்ஸ் படத்தை பிரீமார்க் புரொடக்ஷன்ஸ் நிறுவனம் தமிழ்நாட்டில் வெளியிட இருக்கிறது <span class="s1">. </span>சமீபத்தில் சூர்யா நடித்த கருப்பு திரைப்படம் மிகப்பெரிய வெற்றியைப் பெற்ற நிலையில்<span class="s1">, </span>அதே நம்பிக்கையில் இந்தப் படத்திற்கும் பெரிய அளவில் முதலீடு செய்யப்பட்டுள்ளதாக திரையுலக வட்டாரங்களில் பேசப்படுகிறது<span class="s1">. </span>ஆனால்<span class="s1">, </span>கருப்பு படத்தின் வெற்றியைப் போலவே இந்தப் படமும் வசூல் செய்ய வேண்டிய கட்டாயம் ஏற்பட்டுள்ளதால்<span class="s1">, </span>விநியோகஸ்தர்களுக்கு இது மிகப்பெரிய ரிஸ்க்காக மாறியிருக்கிறது<span class="s1">.</span></p> <h2 class="p1">ரூ<span class="s1">.40 </span>கோடி<span class="s1"> MG.. </span>ரூ<span class="s1">.150 </span>கோடி வசூல் தேவை<span class="s1">?</span></h2> <p class="p1">விஸ்வநாத் அண்ட் சன்ஸ் படத்தின் தமிழ்நாடு விநியோக உரிமை சுமார் ரூ<span class="s1">.40 </span>கோடி<span class="s1"> MG </span>அடிப்படையில் வாங்கப்பட்டுள்ளதாக கூறப்படுகிறது<span class="s1">. GST, </span>பிரிண்டிங்<span class="s1">, </span>பப்ளிசிட்டி உள்ளிட்ட செலவுகளையும் சேர்த்தால் மொத்த முதலீடு சுமார் ரூ<span class="s1">.46 </span>கோடி வரை செல்லும் என கூறப்படுகிறது<span class="s1">. </span>இதனால் விநியோகஸ்தர்கள் லாபம் பார்க்க<span class="s1">, </span>படம் சுமார் ரூ<span class="s1">.120 </span>கோடி அளவுக்கு வசூல் செய்ய வேண்டிய நிலை இருப்பதாகவும்<span class="s1">, </span>அதற்கு மேல் லாபம் கிடைக்க ரூ<span class="s1">.150 </span>கோடியை நெருங்க வேண்டும் என்றும் தகவல்கள் வெளியாகியுள்ளன<span class="s1">.</span></p> <h2 class="p1">கருப்பு கொடுத்த நம்பிக்கை</h2> <p class="p1">கருப்பு திரைப்படத்தின் வெற்றி விநியோகஸ்தர்களுக்கும் திரையரங்க உரிமையாளர்களுக்கும் சூர்யா படங்கள் மீது மிகப்பெரிய நம்பிக்கையை ஏற்படுத்தியுள்ளது<span class="s1">. </span>அந்த நம்பிக்கையிலேயே விஸ்வநாத் அண்ட் சன்ஸ் படத்திற்கும் நல்ல திரையரங்குகள் ஒதுக்கப்பட்டுள்ளதாக கூறப்படுகிறது<span class="s1">. </span>ஆனால்<span class="s1">, </span>அதிக சதவீதம் மற்றும் பல்வேறு விநியோக நிபந்தனைகள் தொடர்பாக ஏற்பட்ட பேச்சுவார்த்தைகள் வெளியீட்டுக்கு முன்பான சூழலை சிக்கலாக்கியுள்ளதாக தெரிகிறது<span class="s1">.</span></p> <h2 class="p1">புக்கிங் தாமதம் ஏற்படுத்திய பாதிப்பு</h2> <p class="p1">இந்தப் பிரச்சினைகளின் காரணமாக பல இடங்களில் விஸ்வநாத் அண்ட் சன்ஸ் படத்தின் முன்பதிவு மிகவும் தாமதமாகத் தொடங்கியதாக தெரிகிறது<span class="s1">. </span>இதனால் வெளியீட்டுக்கு முந்தைய நாளான இன்றுவரை பல திரையரங்குகளில் முன்பதிவு எதிர்பார்த்த அளவில் வேகம் எடுக்கவில்லை என கூறப்படுகிறது<span class="s1">. </span>இதன் காரணமாக படம் மீதான ஆரம்பகட்ட வரவேற்பு குறைவாக இருப்பது போன்ற தோற்றமும் உருவாகியுள்ளது<span class="s1">.</span></p> <h2 class="p1">நாளை தெரியும் உண்மையான நிலவரம்</h2> <p class="p1">விஸ்வநாத் அண்ட் சன்ஸ் படத்தின் மீது விநியோகஸ்தர்களும் திரையரங்க உரிமையாளர்களும் மிகப்பெரிய எதிர்பார்ப்பை வைத்திருக்கின்றனர்<span class="s1">. </span>கருப்பு படத்தின் வெற்றிக்குப் பிறகு வெளியாகும் சூர்யாவின் படம் என்பதால்<span class="s1">, </span>அதன் வசூல் மீது கூடுதல் கவனம் உள்ளது<span class="s1">. </span>முன்பதிவு மந்தமாக இருப்பது கவலையை ஏற்படுத்தினாலும்<span class="s1">, </span>படம் வெளியாகிய பிறகு ரசிகர்களின் வரவேற்பு மற்றும் முதல் நாள் வசூலே இந்த கணக்குகளை மாற்றுமா என்பது நாளை தெரியவரும்<span class="s1">.</span></p> <p class="p1"><span class="s1"><iframe class="vidfyVideo" style="border: 0px;" src="https://tamil.abplive.com/web-stories/lifestyle/how-to-eat-apple-peeled-or-with-peel-270965" width="631" height="381" scrolling="no"></iframe></span></p>