<p style="text-align: left;">திருப்பத்தூரில் பைக் ரேஸில் ஈடுபட்ட இளைஞர் டிராக்டரில் மோதி உயிரிழந்தது அதிர்ச்சியை ஏற்படுத்தியுள்ளது.</p>
<p style="text-align: left;"><br />கிருஷ்ணகிரி மாவட்டம் மத்தூர் பகுதியைச் சேர்ந்த திருப்பதி மகன் கார்த்திக் (26) ஊத்தங்கரை பகுதியில் செல்போன் கடையில் வேலை செய்து வருகிறார். </p>
<p style="text-align: left;">இந்த நிலையில் இன்று கார்த்திக் தனது இருசக்கர வாகனத்தை எடுத்துக்கொண்டு திருப்பத்தூர் நோக்கி வந்தார். அப்போது மற்றொரு இருசக்கர வாகனத்தில் தனது நண்பர்கள் இருவர் வந்தனர். அப்போது வக்கீல் ஐயர் தோப்பு பகுதியில் யார் முந்தி செல்வது என்பது குறித்து அதிவேகமாக ரேஸில் ஈடுபட்டனர். </p>
<p style="text-align: left;"> </p>
<p><iframe title="YouTube video player" src="https://www.youtube.com/embed/sw8gqA2SGeY?si=93uavMGROBhWbyPe" width="560" height="315" frameborder="0" allowfullscreen="allowfullscreen"></iframe></p>
<p style="text-align: left;">அப்போது கார்த்திக் நண்பர்கள் முந்தி சென்றனர். அவர்களை முந்தி செல்ல கார்த்திக் அதிவேகமாகச் சென்ற ‌அடுத்த கனமே வலது திசையிலிருந்து டிராக்டர் ஒன்று வந்துள்ளது. கட்டுப்பாட்டை இழந்த கார்த்திக்கின் இருசக்கர வாகனம் நேராக டிராக்டரின் ட்ரெய்லரில் அதிவேகமாக மோதியது. இதில் சம்பவ இடத்திலேயே கார்த்திக்கின் தலை நசுங்கி உயிரிழந்தார். இதன் வீடியோ அருகே இருந்த கடையில் பொருத்தப்பட்டிருந்த சிசிடிவி பதிவாகி பரபரப்பு ஏற்படுத்தி உள்ளது </p>
<p style="text-align: left;">இதை அறிந்த கந்திலி போலீசார் சம்பவத்திற்கு விரைந்து வந்து சிறிது நேரம் போராடி ட்ரெய்லரிலிருந்து உடலை மீட்டு திருப்பத்தூர் அரசு மருத்துவமனைக்கு பிரத பரிசோதனைக்காக அனுப்பி வைத்தனர்.</p>
<p style="text-align: left;">மேலும் இதுகுறித்து வழக்கு பதிவு செய்து விசாரணை மேற்கொண்டு வரும் நிலையில் தனது நண்பர்களுடன் ரேஸில் ஈடுபட்டு அதிவேகத்தால் ஒரு நொடியில் வாலிபர் உயிரை விட்ட சம்பவம் அப்பகுதியில் ஆழ்ந்த சோகத்தை ஏற்படுத்தி உள்ளது.</p>
<p style="text-align: left;"><iframe class="vidfyVideo" style="border: 0px;" src="https://tamil.abplive.com/web-stories/auto/top-7-seater-cars-for-middle-class-families-266690" width="631" height="381" scrolling="no"></iframe></p>
3 months ago
5 
