<p style="text-align: justify;"><strong>பெரம்பலூர்:</strong> பெரம்பலூர் மாவட்டம் பாடாலூர் மற்றும் அதனைச் சுற்றியுள்ள பகுதியில்ல் 17 வயதுடைய பள்ளி மாணவி மற்றும் கல்லூரி மாணவி என இருவர் அடுத்தடுத்து மாயமான சம்பவம் அப்பகுதியில் பெரும் பரபரப்பையும் அதிர்ச்சியையும் ஏற்படுத்தியுள்ளது.</p>
<p style="text-align: justify;"><strong>12-ம் வகுப்பு மாணவி மாயம்</strong></p>
<p style="text-align: justify;">பெரம்பலூர் மாவட்டம், ஆலத்தூர் வட்டத்திற்குட்பட்ட பாடாலூர் கிராமத்தில் பெரியார் நகரைச் சேர்ந்த 17 வயது சிறுமி ஒருவர், பாடாலூரில் உள்ள தனியார் பள்ளி ஒன்றில் 12-ம் வகுப்பு படித்து வந்தார்.</p>
<p style="text-align: justify;">கடந்த ஜூலை 20ம் தேதி அன்று இரவு, துவைத்த உடைகளை உலர்த்துவதற்காக வீட்டின் வெளியே சென்றுள்ளார். வெளியே சென்ற மாணவி நீண்ட நேரமாகியும் வீட்டிற்குத் திரும்பவில்லை. இதனால் அதிர்ச்சியடைந்த பெற்றோர் இரவு முழுவதும் பல இடங்களில் தேடியும் மாணவியைக் கண்டுபிடிக்க முடியவில்லை.</p>
<p style="text-align: justify;">இதனைத் தொடர்ந்து, நேற்று பெற்றோர் பாடாலூர் காவல் நிலையத்தில் புகார் அளித்தனர்.</p>
<p style="text-align: justify;"><strong>கல்லூரி மாணவி மாயம்</strong></p>
<p style="text-align: justify;">இதேபோல, பாடாலூர் அருகே காரை கிராமத்தைச் சேர்ந்த மாணவி சிறுவாச்சூர் பகுதியில் இயங்கி வரும் தனியார் கல்லூரியில் இளங்கலை B.C.A இரண்டாம் ஆண்டு படித்து வந்துள்ளார். இந்த மாணவியும் நேற்று இரவு (21.07.2026) திடீரென மாயமாகியுள்ளார். காணாமல் போன தனது மகளை மீட்டுத் தருமாறு மாணவியின் பெற்றோர்கள் பாடாலூர் காவல் நிலையத்தில் புகார் அளித்துள்ளனர்.</p>
<p style="text-align: justify;"><strong>போலீசார் தீவிர விசாரணை</strong></p>
<p style="text-align: justify;">அடுத்தடுத்து பெறப்பட்ட இரண்டு புகார்களின் பேரில் பாடாலூர் காவல் துறையினர் வழக்குப் பதிவு செய்து தீவிர விசாரணை மேற்கொண்டு வருகின்றனர்: </p>
<p style="text-align: justify;">சிசிடிவி ஆய்வுகள்: மாயமான மாணவிகளின் தோழிகளிடம் விசாரணை நடத்துவதுடன், அவர்கள் வசிக்கும் பகுதிகள் மற்றும் முக்கியச் சாலைகளில் பொருத்தப்பட்டுள்ள கண்காணிப்பு கேமராக்களின் (CCTV) காட்சிகளைப் போலீசார் ஆய்வு செய்து வருகின்றனர்.</p>
<p style="text-align: justify;">சமூக வலைதளக் கண்காணிப்பு: மாயமான மாணவிகளின் செல்போன் தொடர்புகள், முகநூல் (Facebook) மற்றும் இன்ஸ்டாகிராம் (Instagram) கணக்குகளை சைபர் கிரைம் (Cyber Crime) போலீஸார் உதவியுடன் ஆய்வு செய்து, அவர்களிடம் தொடர்பில் இருந்த நண்பர்கள் குறித்துத் தீவிரமாக விசாரித்து வருகின்றனர்.</p>
<p style="text-align: justify;"><strong>பெற்றோர்கள் கலக்கம்</strong></p>
<p style="text-align: justify;">மாயமான இரண்டு மாணவிகளுமே 18 வயது நிரம்பாத சிறுமிகள் என்பதால், அவர்களுக்கு ஏதேனும் அசம்பாவிதம் நிகழ்ந்து விடுமோ என்ற அச்சத்தில் பெற்றோர்கள் பெரும் கலக்கத்தில் ஆழ்ந்துள்ளனர். ஒரே பகுதியில் அடுத்தடுத்து பள்ளி மற்றும் கல்லூரி மாணவிகள் காணாமல் போயுள்ள சம்பவம் பாடாலூர் வட்டாரத்தில் பெரும் பரபரப்பை ஏற்படுத்தியுள்ளது.</p>
<p style="text-align: justify;"><strong>சிறுமியை பாலியல் வன்கொடுமை செய்த சிறுவன் கைது</strong></p>
<p style="text-align: justify;">தஞ்சாவூர் மாவட்டம் கும்பகோணம் அருகே ஒரு கிராமத்தை சேர்ந்தவர் 14 வயது மாணவி. இவர் அரியலூர் மாவட்டத்தில் உள்ள ஒரு பள்ளியில் 9-ம் வகுப்பு படிக்கிறார். இவருக்கு திருவிடைமருதூர் பகுதியை சேர்ந்த 17 வயது சிறுவனின் பழக்கம் ஏற்பட்டுள்ளது. </p>
<p style="text-align: justify;">தொடர்ந்து இருவரும் காதலித்து வந்ததாக கூறப்படுகிறது. இந்நிலையில் சிறுமியை அந்த சிறுவன் சுவாமிமலை அருகில் உள்ள ஒரு தோப்பு பகுதிக்கு அழைத்துச் சென்று பாலியல் வன்கொடுமை செய்துள்ளார். இதனால் அந்த சிறுமி தற்போது 6 மாத கர்ப்பிணியாக உள்ளர். இதுகுறித்த புகாரின் பேரில் கும்பகோணம் அனைத்து மகளிர் போலீசார் விசாரணை மேற்கொண்டனர். </p>
<p style="text-align: justify;">இதில் நடந்த சம்பவங்கள் உண்மை என்று தெரிய வந்தது. இதையடுத்து அனைத்து மகளிர் போலீசார் போக்சோ சட்டத்தின் கீழ் வழக்குப்பதிவு செய்து சிறுவனை கைது செய்து சிறுவர் சீர்த்திருத்த இல்லத்தில் சேர்த்தனர். இந்த சம்பவம் கும்பகோணம் பகுதியில் பரபரப்பை ஏற்படுத்தி உள்ளது.</p>
3 months ago
7 
