நாய் வளர்ப்பவர்களே உஷார்! செப்டம்பருக்குள் உரிமம் பெறாவிட்டால் ரூ.2,000 அபராதம்!

<p>புதுச்சேரி: புதுச்சேரி உழவர்கரை நகராட்சிக்கு உட்பட்ட பகுதிகளில் வீடுகளில் வளர்க்கப்படும் நாய்களுக்கு கட்டாயமாக உரிமம் பெற்றிட வேண்டும் என, உழவர்கரை நகராட்சி தெரிவித்துள்ளது</p> <h2>நாய்களுக்கு கட்டாயமாக உரிமம் பெற்றிட வேண்டும்</h2> <p>புதுச்சேரி உழவர்கரை நகராட்சிக்கு உட்பட்ட பகுதிகளில் வீடுகளில் வளர்க்கப்படும் நாய்களுக்கு கட்டாயமாக உரிமம் பெற வேண்டும் என்று நகராட்சி நிர்வாகம் அதிரடி உத்தரவைப் பிறப்பித்துள்ளது. இது தொடர்பாகப் பொதுமக்கள் தங்களின் வளர்ப்புப் பிராணிகளுக்கு உடனடியாக உரிமம் பெற்றுக்கொள்ளுமாறு அறிவுறுத்தப்பட்டுள்ளனர்.</p> <h3>ஆணையரின் செய்திக்குறிப்பு:</h3> <p>இது குறித்து உழவர்கரை நகராட்சி ஆணையர் அருண் அய்யாவு வெளியிட்டுள்ள செய்திக்குறிப்பில் தெரிவித்துள்ளதாவது:<br />உழவர்கரை நகராட்சி எல்லைக்கு உட்பட்ட பகுதிகளில் வசிக்கும் பொதுமக்கள் தங்களின் வீடுகளில் வளர்க்கும் நாய்களுக்கு நகராட்சியிடம் கட்டாயமாக உரிமம் பெறுவது அவசியமாக்கப்பட்டுள்ளது.</p> <h2>உரிமம் வழங்கப்படும் இடம் மற்றும் விபரம்:</h2> <p>பொதுமக்களின் வசதிக்காக, நகராட்சி சார்பாக மேட்டுப்பாளையம் பகுதியில் உள்ள கால்நடை மருத்துவமனையில் ஒவ்வொரு வாரமும் புதன் கிழமையன்று வளர்ப்பு நாய்களுக்கான உரிமம் வழங்கும் பணிகள் நடைபெறுகின்றன.</p> <h2>கட்டண விபரம்:</h2> <p>புதிய உரிமம்: வளர்ப்பு நாய்களுக்குப் புதிதாக உரிமம் பெற நாய் ஒன்றுக்கு ரூ.200 கட்டணமாக நிர்ணயிக்கப்பட்டுள்ளது.</p> <p>உரிமம் புதுப்பித்தல்: ஏற்கனவே உரிமம் பெற்றவர்கள் அதனைப் புதுப்பித்துக் கொள்ள ரூ.150 கட்டணம் செலுத்த வேண்டும்.</p> <h3>செப்டம்பர் மாதமே கடைசித் தேதி:</h3> <p>பொதுமக்கள் இந்த நல்வாய்ப்பைப் பயன்படுத்தி, தங்களின் வளர்ப்பு நாய்களுக்கு வரும் செப்டம்பர் மாதத்திற்குள் தங்கு தடையின்றி கட்டாயம் உரிமம் பெற்றுக் கொள்ள வேண்டும் என காலக்கெடு விதிக்கப்பட்டுள்ளது.</p> <h2>ரூ.2,000 அபராதம் மற்றும் வீடு வீடாகக் கண்காணிப்பு:</h2> <p>குறிப்பிடப்பட்ட இந்த செப்டம்பர் காலக்கெடுவிற்குள் உரிமம் பெறாமல் வீடுகளில் விதிகளை மீறி நாய்களை வளர்ப்பது கண்டறியப்பட்டால், சம்பந்தப்பட்ட உரிமையாளர்களுக்கு ரூ.2,000 அபராதம் விதிக்கப்படும் என தினசரி நாளேடுகள் வாயிலாக ஏற்கனவே எச்சரிக்கப்பட்டுள்ளது.</p> <p>இதனைத் தொடர்ந்து, நகராட்சி மூலம் நியமிக்கப்பட்டுள்ள சிறப்புக் குழுவினர் நகராட்சிக்கு உட்பட்ட பகுதிகளில் வீடு வீடாகச் சென்று தீவிரக் கண்காணிப்புப் பணிகளை மேற்கொள்ள உள்ளனர். இந்த ஆய்வின் போது விதிமுறைகளை மீறி உரிமமின்றி நாய் வளர்ப்பது கண்டறியப்பட்டால் உடனடியாக அபராதம் விதிக்கப்படும்.</p> <p>எனவே, உழவர்கரை நகராட்சிப் பகுதிக்கு உட்பட்ட பொதுமக்கள் அனைவரும் இந்த அறிவிப்பைப் பின்பற்றி, தங்களின் வளர்ப்பு நாய்களுக்கு எவ்வித தாமதமும் இன்றி உடனடியாக உரிமம் பெற்றுக்கொண்டு நகராட்சி நிர்வாகத்திற்கு ஒத்துழைப்பு நல்குமாறு கேட்டுக்கொள்ளப்படுகிறார்கள்.</p>