காதல் தோல்வி சர்ச்சை.. முதல் முறையாக மனம் திறந்த துருவ் விக்ரம்!

<p class="p1">நடிகை அனுபமா பரமேஸ்வரனுடனான காதல் தோல்வி தொடர்பாக தன்மீது வைக்கப்பட்டு வரும் விமர்சனங்கள் குறித்து நடிகர் துருவ் விக்ரம் தற்போது மனம் திறந்து பேசியுள்ளார்<span class="s1">. </span>நடிகர்களின் தனிப்பட்ட வாழ்க்கை தொடர்ந்து விமர்சனத்துக்கும்<span class="s1">, </span>கண்காணிப்புக்கும் உள்ளாகும் நிலையில்<span class="s1">, </span>இதுபோன்ற விஷயங்கள் தங்களை மனதளவில் பாதிக்குமா என்ற கேள்விக்கு அவர் பதிலளித்துள்ளார்<span class="s1">. </span>தனது தனிப்பட்ட வாழ்க்கை தொடர்பான விஷயங்கள் தன்னை ஒருபோதும் பாதிக்கவில்லை என்று கூற முடியாது என்றும் துருவ் தெரிவித்துள்ளார்<span class="s1">.</span></p> <p class="p1">அனுபமா பரமேஸ்வரனும் துருவ் விக்ரமும் காதலித்து வந்ததாக கடந்த சில ஆண்டுகளாக தகவல்கள் வெளியாகி வந்தன<span class="s1">. </span>இருவரும் இணைந்து சுற்றும் புகைப்படங்கள் மற்றும் வீடியோக்கள் வெளியான நிலையில்<span class="s1">, </span>அவர்களது காதல் குறித்து ரசிகர்கள் மத்தியில் எதிர்பார்ப்பும் இருந்தது<span class="s1">. </span>ஆனால்<span class="s1">, </span>பின்னர் இருவரும் பிரிந்துவிட்டதாக தகவல்கள் வெளியாகின<span class="s1">. </span>சமீபத்தில் தனது காதல் தோல்வி குறித்து பேசிய அனுபமா<span class="s1">, தனது முன்னாள் காதலன் குறித்து பல்வேறு குற்றச்சாட்டுக்களை முன்வைத்திருந்தார். இதனைத் தொடர்ந்து துருவ் விக்ரம் மீது சமூக வலைதளங்களில் தொடர் விமர்சனங்கள் வைக்கப்பட்டு வருகின்றன.</span></p> <h2 class="p1"><span class="s1">விமர்சனங்கள் குறித்து துருவ் விக்ரம் விளக்கம்&nbsp;</span></h2> <p class="p1">இந்நிலையில்<span class="s1">, </span>தனிப்பட்ட வாழ்க்கை குறித்த விமர்சனங்களை எப்படி எதிர்கொள்கிறீர்கள் என்ற கேள்விக்கு பதிலளித்த துருவ் விக்ரம்<span class="s1">, </span>நடிகராக சினிமாவுக்குள் வரும்போதே இதுபோன்ற விமர்சனங்களும் கவனமும் இந்தப் பணியின் ஒரு பகுதியாக இருக்கலாம் என்பதை புரிந்துகொண்டதாக தெரிவித்துள்ளார்<span class="s1">. </span>அதே நேரத்தில்<span class="s1">, </span>அது தன்னை ஒருபோதும் பாதிக்கவில்லை என்று கூற முடியாது என்றும் அவர் குறிப்பிட்டுள்ளார்<span class="s1">. </span>இதுபோன்ற சூழ்நிலைகளில் யதார்த்தத்துடன் தன்னை இணைத்துக்கொள்வதும்<span class="s1">, </span>தான் யார்<span class="s1">, </span>எதற்காக நிற்கிறோம் என்பதை அறிந்திருப்பதும் முக்கியம் என தெரிவித்துள்ளார்<span class="s1">.</span></p> <p class="p1">மேலும்<span class="s1">, </span>வாழ்க்கையில் தனக்கு முக்கியமானவர்களையும்<span class="s1">, </span>முக்கியத்துவம் வாய்ந்த விஷயங்களையும் பாதுகாப்பது அவசியம் என்றும் துருவ் கூறியுள்ளார்<span class="s1">. </span>உண்மையுடன் தன்னை இணைத்துக்கொண்டு<span class="s1">, </span>தன்னை நிலைநிறுத்தும் விஷயங்கள் என்ன என்பதை அறிந்திருந்தால் வெளியில் இருந்து வரும் விமர்சனங்கள் ஒரு குறிப்பிட்ட எல்லைக்கு மேல் செல்ல முடியாது என்றும் அவர் தெரிவித்துள்ளார்<span class="s1">.</span></p> <p class="p1">தனது திரையுலக பயணத்தில் கடந்த ஏழு<span class="s1">, </span>எட்டு ஆண்டுகளாக தன்னைச் சுற்றியுள்ள சிறிய குழுவினர் தொடர்ந்து ஆதரவாக இருந்ததாகவும்<span class="s1">, </span>அவர்களின் ஆதரவும் ஊக்கமும் தனக்கு முக்கியமானதாக இருந்ததாகவும் துருவ் விக்ரம் தெரிவித்துள்ளார்<span class="s1">.</span></p> <p class="p1"><span class="s1"><iframe class="vidfyVideo" style="border: 0px;" src="https://tamil.abplive.com/web-stories/auto/how-to-ride-bike-downhill-safely-271365" width="631" height="381" scrolling="no"></iframe></span></p>