இன்றைய முக்கியச் செய்திகள்: தமிழ்நாட்டை உலுக்கும் சம்பவங்கள் - மாவட்ட வாரியாக இதோ..

<p style="text-align: justify;"><strong>1. தூத்துக்குடியில் விசாரணைப் கைதி மரணம்:</strong> <strong>உறவினர்கள் மறியல்</strong></p> <p style="text-align: justify;">தூத்துக்குடியைச் சேர்ந்த அருணாச்சலம் (26) என்ற வாலிபரை அண்மையில் காவல்துறையினர் விசாரணைக்காக அழைத்துச் சென்றனர். விசாரணையின்போது ஏற்பட்ட பலத்த காயங்கள் காரணமாக அவர் மருத்துவமனையில் அனுமதிக்கப்பட்ட நிலையில், சிகிச்சை பலனின்றி உயிரிழந்தார். காவல்துறையினரின் கொடூரத் தாக்குதலால் தான் அருணாச்சலத்தின் தலையில் பலத்த காயம் ஏற்பட்டு மரணம் சம்பவித்ததாக அவரது குடும்பத்தினர் குற்றம் சாட்டியுள்ளனர். தவறு செய்த போலீசார் மீது நடவடிக்கை எடுக்கும் வரை உடலைப் பெறப்போவதில்லை எனக்கூறி, அரசு மருத்துவக் கல்லூரி மருத்துவமனை வளாகத்தில் உறவினர்கள் திரண்டு போராட்டத்தில் ஈடுபட்டனர்.</p> <p style="text-align: justify;"><strong>2. மெரினா கடற்கரை திடீர் மூடல்: டெல்லி போராட்ட எதிரொலி</strong></p> <p style="text-align: justify;">டெல்லியில் தீவிரமடைந்து வரும் மாணவர் போராட்டங்களின் தாக்கம் தமிழகத்திலும் எதிரொலிக்கக்கூடும் என்பதால், முன்எச்சரிக்கை நடவடிக்கையாகச் சென்னை மெரினா கடற்கரையை காவல்துறையினர் மூடினர். ஜல்லிக்கட்டுப் போராட்ட பாணியில் மாணவர்கள் மெரினாவில் மீண்டும் திரண்டுவிடக் கூடாது என்பதற்காக 300க்கும் மேற்பட்ட காவல் துறையினர் கடற்கரைப் பகுதி முழுவதிலும் தீவிரப் பாதுகாப்புப் பணியில் ஈடுபடுத்தப்பட்டுள்ளனர்.</p> <p style="text-align: justify;"><strong>3. நீட் தேர்வுக்கு எதிராகத் தீவிரமடையும் மாணவர் போராட்டங்கள்</strong></p> <p style="text-align: justify;"><strong>மதுரை:</strong> டெல்லியில் போராடி வரும் மாணவர்களுக்கு ஆதரவாகவும், நீட் தேர்வை ரத்து செய்ய வலியுறுத்தியும் இந்திய மாணவர் சங்கம் (AISF/SFI) சார்பில் திருப்பரங்குன்றம் ரயில் நிலையத்தில் திடீர் ரயில் மறியல் போராட்டம் நடத்தப்பட்டது.</p> <p style="text-align: justify;"><strong>கோவை:</strong> மத்திய கல்வி அமைச்சர் தர்மேந்திர பிரதான் உடனடியாகப் பதவி விலகக் கோரியும், டெல்லி மாணவர் போராட்டத்திற்கு ஆதரவாகவும் கோவை அரசு கலைக்கல்லூரி மாணவர்கள் வகுப்புகளைப் புறக்கணித்துக் காத்திருப்புப் போராட்டத்தில் ஈடுபட்டனர். மேலும், ஜனநாயக வழியில் போராடும் மாணவர்கள் மீது தமிழக காவல்துறை ஏவிவிடும் அடக்குமுறைகளுக்கும் அவர்கள் கடும் கண்டனம் தெரிவித்தனர்.</p> <p style="text-align: justify;"><strong>புதுக்கோட்டை:</strong> டெல்லி போராட்டத்திற்கு ஆதரவு தெரிவித்துப் புதுக்கோட்டை பழைய பேருந்து நிலையத்தில் திரண்டு முழக்கமிட்ட இளைஞர்களைக் காவல்துறையினர் உடனடியாகக் கைது செய்து அப்புறப்படுத்தினர்.</p> <p style="text-align: justify;"><strong>விழுப்புரம்:</strong> திண்டிவனத்தில் உள்ள கல்லூரி மாணவர்கள் வகுப்புகளைப் புறக்கணித்து வீதியில் இறங்கி டெல்லி மாணவர்களுக்கு ஆதரவாகப் போராட்டத்தில் ஈடுபட்டனர்.</p> <p style="text-align: justify;"><strong>4. சென்னையில் மாணவர்கள் மோதல்: பயணி காயம், 5 பேர் கைது</strong></p> <p style="text-align: justify;">சென்னை கிண்டி ரயில் நிலையத்தில் பச்சையப்பன் கல்லூரி மற்றும் நந்தனம் அரசு கலைக்கல்லூரி மாணவர்களுக்கிடையே இடையே திடீரெனக் கடும் மோதல் வெடித்தது. இரு தரப்பினரும் பரஸ்பரம் கற்களை வீசித் தாக்கிக் கொண்டதில், அங்கே நின்று கொண்டிருந்த மற்றொரு தனியார் கல்லூரி மாணவர் மீது கல் பட்டு பலத்த காயமடைந்தார். இச்சம்பவம் தொடர்பாக வழக்குப்பதிவு செய்த ரயில்வே போலீசார், மோதலில் ஈடுபட்ட 5 மாணவர்களைக் கைது செய்து விசாரணை நடத்தி வருகின்றனர்.</p> <p style="text-align: justify;"><strong>5. விருதுநகர் : கொள்ளை வழக்கில் தவெக நிர்வாகி கைது</strong></p> <p style="text-align: justify;">விருதுநகர் மாவட்டம் காரியாபட்டி அருகே வீட்டில் தனியாக இருந்த பெண்ணைக் கட்டிப்போட்டு 21 சவரன் தங்க நகைகளைக் கொள்ளையடித்த சம்பவத்தில் பரபரப்பு திருப்பம் ஏற்பட்டுள்ளது. இக்கொள்ளைச் சம்பவத்தில் ஏற்கனவே பிடிபட்ட இருவரிடம் நடத்திய தீவிர விசாரணையின் அடிப்படையில், இச்சம்பவத்திற்குப் பின்னணியில் இருந்து திட்டமிட்டதாக தமிழக வெற்றிக் கழகத்தின் (<a title="தவெக" href="https://tamil.abplive.com/topic/tvk" data-type="interlinkingkeywords">தவெக</a>) மாவட்ட இளைஞரணி இணைச் செயலாளர் சரவண குமார் என்பவரைக் காவல்துறையினர் கைது செய்துள்ளனர்.</p> <p style="text-align: justify;"><strong>6. வானகரம் அருகே ரவுடி வீட்டில் பெட்ரோல் குண்டு வீச்சு</strong></p> <p style="text-align: justify;">சென்னை வானகரத்தை அடுத்த தண்டலம் பகுதியில் வசித்து வரும் பிரபல ரவுடி ராஜ்குமார் என்பவரின் வீட்டின் மீது மர்ம நபர்கள் பெட்ரோல் குண்டுகளை வீசித் தப்பினர். நல்வாய்ப்பாக இதில் யாருக்கும் காயங்கள் ஏற்படவில்லை. இச்சம்பவத்தில் ஈடுபட்ட 4 பேர் கொண்ட கும்பலைப் பிடிக்கத் தனிப்படை அமைக்கப்பட்டுத் தீவிர தேடுதல் வேட்டை நடைபெற்று வருகிறது.</p> <p style="text-align: justify;"><strong>7. திருவண்ணாமலையில் போலி சாவி மூலம் தரிசன மோசடி</strong></p> <p style="text-align: justify;">திருவண்ணாமலை <a title="அண்ணாமலை" href="https://tamil.abplive.com/topic/annamalai" data-type="interlinkingkeywords">அண்ணாமலை</a>யார் திருக்கோயிலில் ஊழியர் போல நடித்து, போலி சாவியைப் பயன்படுத்தி பக்தர்களைச் சிறப்புத் தரிசனத்திற்கு அழைத்துச் சென்ற இடைத்தரகர் ஒருவரின் லீலைகள் சிசிடிவி (CCTV) கேமராவில் சிக்கின. பக்தர்களிடம் தலா ரூ.3,000 வரை வசூல் செய்து, போலி சாவி மூலம் கோயில் பூட்டுகளைத் திறந்து மோசடியில் ஈடுபட்டது கண்டுபிடிக்கப்பட்டது. இச்சம்பவம் தொடர்பாகக் கோயில் நிர்வாகமும் காவல்துறையும் விசாரணை மேற்கொண்டு வருகின்றன.</p>