இதென்ன உடம்பா இல்ல லப்பரா? ஆறாம் வகுப்பு மாணவியின் அசாத்திய யோகா.. அசந்து போன அமைச்சர்!

<p style="text-align: justify;"><strong>மயிலாடுதுறை: </strong>தமிழக முதலமைச்சர் ஜோசப் விஜயின் பிறந்தநாள் விழாவை முன்னிட்டு, மயிலாடுதுறையில் நடைபெற்ற பிரம்மாண்ட நலத்திட்ட உதவிகள் வழங்கும் விழாவில், ஆறாம் வகுப்பு மாணவி ஒருவர் உடலை லப்பர் போல வளைத்து கடினமான ஆசனங்களைச் செய்து காட்டி ஒட்டுமொத்த கூட்டத்தையும் பிரமிப்பில் ஆழ்த்தினார். அந்த மாணவியின் அசாத்திய திறமையைப் பாராட்டி, மேடையிலேயே உணவுத்துறை அமைச்சர் கௌரவித்தார்.</p> <h3 style="text-align: justify;">முதலமைச்சர் பிறந்தநாள் விழா மற்றும் நலத்திட்ட உதவிகள்</h3> <p style="text-align: justify;">தமிழக முதலமைச்சர் ஜோசப் விஜயின் பிறந்தநாளை முன்னிட்டு, மயிலாடுதுறை நகரப் பகுதிகளில் பல்வேறு நலத்திட்ட உதவிகள் வழங்கும் விழா மற்றும் மாற்றுக் கட்சியினர் தங்களை ஆளுங்கட்சியில் இணைத்துக் கொள்ளும் பிரம்மாண்ட இணைப்பு விழா நடைபெற்றது. மயிலாடுதுறை தவெகவினரின் சிறப்பான ஏற்பாட்டில் இந்த விழா ஒருங்கிணைக்கப்பட்டிருந்தது.</p> <p style="text-align: justify;">இந்த விழாவிற்கு மயிலாடுதுறை மாவட்டப் பொறுப்பு அமைச்சரும், தமிழக உணவுத்துறை அமைச்சருமான வெங்கடரமணன் சிறப்பு விருந்தினராகக் கலந்துகொண்டார். அவர் ஏழை, எளிய மக்களுக்குப் பல்வேறு நலத்திட்ட உதவிகளை வழங்கியதோடு, மாற்றுக் கட்சியிலிருந்து விலகி தங்களைக் கட்சியில் இணைத்துக் கொண்ட புதிய உறுப்பினர்களுக்குச் சால்வை அணிவித்து, வாழ்த்து கூறி அன்போடு வரவேற்றார்.</p> <h3 style="text-align: justify;">விழாவின் முத்தாய்ப்பு: லப்பர் போல் வளைந்த மாணவி ஜஸ்வந்திகா!</h3> <p style="text-align: justify;">நிகழ்ச்சிகள் விறுவிறுப்பாக நடைபெற்றுக் கொண்டிருந்த வேளையில், விழாவின் முத்தாய்ப்பாகவும், அனைவரையும் சீட்டின் நுனிக்கே வரவழைத்த ஒரு வியப்பூட்டும் நிகழ்வாகவும் அமைந்தது யோகா நிகழ்ச்சி. மயிலாடுதுறையைச் சேர்ந்த ஆறாம் வகுப்பு படிக்கும் மாணவி ஜஸ்வந்திகா மேடைக்கு வந்தார். இசை ஒலிக்கத் தொடங்கியதும், தனது உடலை ஒரு லப்பர் போலவும், வில்லைப் போலவும் மிக அனாயசமாக வளைத்து அவர் செய்த யோகாசனங்கள் பார்ப்பவர்களைக் கண் இமைக்க மறக்கச் செய்தன. யோகாசனக் கலையில் மிகவும் கடினமானதாகக் கருதப்படும் ஆசனங்களை, எந்தவித சிரமமும் இன்றி புன்னகையோடு செய்து காட்டினார் ஜஸ்வந்திகா.</p> <h3 style="text-align: justify;">மாணவி ஜஸ்வந்திகா நிகழ்த்திய அசாத்திய ஆசனங்கள்</h3> <p style="text-align: justify;">கண்ட பேருண்டாசனம்: (முழு உடலையும் தரையில் கிடத்தி கால்களைத் தலைக்கு மேல் கொண்டு வருவது) துருவாசனம், லிங்கராசனம் மற்றும் சக்கராசனம் சீர்சாசனம்: (தலைகீழாக நின்று சமநிலைப்படுத்துவது) பகாசனம்: (கைகளின் பலத்தால் உடலைத் தூக்குவது) விருச்சிகாசனம் (தேள் வடிவ ஆசனம்)</p> <p style="text-align: justify;">உடலைத் தன் கட்டுப்பாட்டிற்குள் கொண்டு வந்து, எலும்புகளே இல்லாதது போல வளைத்து அவர் செய்த ஒவ்வொரு ஆசனமும், அங்கிருந்த பொதுமக்களையும் அரசியல் பிரமுகர்களையும் ஆச்சரியத்தில் மூழ்கடித்தது. திரண்டிருந்த ஏராளமான பார்வையாளர்கள் கைதட்டி தங்களது பாராட்டுகளைத் தெரிவித்தனர். இந்த யோகா செயல்விளக்கம், தற்காலத் தலைமுறைக்கு யோகக் கலையின் முக்கியத்துவத்தையும், உடல் ஆரோக்கியம் மற்றும் மன வலிமையின் அவசியத்தையும் உணர்த்துவதாக அமைந்தது.</p> <h3 style="text-align: justify;">மேடையில் பாராட்டி கௌரவித்த உணவுத்துறை அமைச்சர்</h3> <p style="text-align: justify;">மாணவி ஜஸ்வந்திகாவின் இந்த அசாத்திய திறமையைக் கண்டு வியந்துபோன உணவுத்துறை அமைச்சர் வெங்கடரமணன், உடனடியாக அந்த மாணவியையும், அவரை இந்த அளவிற்கு ஊக்கப்படுத்தி வளர்த்தெடுத்த அவரது தாயார் தமிழரசி ஆகியோரையும் மேடைக்கு அழைத்தார். அமைச்சர் வெங்கடரமணன், மாணவி ஜஸ்வந்திகாவிற்குச் சால்வை அணிவித்து, அவரது சாதனையைப் பாராட்டி, அமைதியின் சின்னமான புத்தர் சிலையை பரிசாக வழங்கி கௌரவித்தார்.</p> <p style="text-align: justify;">மேலும், மாணவியின் எதிர்காலக் கல்வி மற்றும் விளையாட்டுத் திறமைகளுக்குத் தேவையான அனைத்து உதவிகளையும் அரசு செய்யும் என்றும், தமிழகத்திற்குப் பெருமை சேர்க்கும் வகையில் இந்த மாணவி உலகளவில் சாதனைகள் படைக்க வேண்டும் என்றும் அமைச்சர் வாழ்த்தினார். இந்த விழாவில் பல ஆண்டுகளாக விஜயின் மக்கள் இயக்கத்தில் இருந்து தற்போது <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> மாவட்ட செயலாளர் உள்ளிட்ட கட்சியின் முக்கிய பொறுப்பில் இருக்கும் முக்கிய கட்சி நிர்வாகிகள் புறக்கணித்த நிலையில், சமீபத்தில் கட்சியில் புதிதாக சேர்ந்த &nbsp;மற்றும் பொதுமக்கள் கலந்துகொண்டு மாணவியின் அசாத்திய திறமையைப் வெகுவாகப் பாராட்டி மகிழ்ந்தனர்.</p>