ஆவின் பால் துர்நாற்றம்: பாலிஃபிலிம் தவறு அம்பலம், சப்ளையர் மீது கடும் நடவடிக்கை!

<p>மதுரை மாவட்டத்தில் ஆவின் டிலைட் பால்பாக்கெட்டுகளில் துர்நாற்றம் புகார். பால் பாக்கெட்டுகளை அடைக்க பயன்படுத்தப்பட்ட பாலி ஃபிலிமிலிருந்தே அந்த நாற்றம் உருவானது ஆய்வில் உறுதி - மதுரை ஆவின் பொதுமேலாளர் அறிக்கை.</p> <div dir="auto"><strong>தொடர்புடைய பாலித்தீன் ஃபிலிம் விநியோகித்த நிறுவனத்திற்கு நோட்டிஸ் - அந்நிறுவனத்தின் மீது கடுமையான நடவடிக்கை எடுக்கப்படும் - ஆவின் பொதுமேலாளர் அறிக்கை.</strong></div> <div dir="auto">&nbsp;</div> <div dir="auto">மதுரை ஆவின் பால்பண்ணையில் இருந்து பொதுமக்களுக்கு விற்பனைக்காக விநியோகம் செய்யப்பட்ட நீலநிற&nbsp; டிலைட்&nbsp; பால் பாக்கெட்டுகளில் துர்நாற்றம் வீசியதாக வாடிக்கையாளர்கள் உணவுப்பாதுகாப்புத்துறை மற்றும் ஆவின் நிறுவனத்திற்கு புகாரளித்தனர். இது தொடர்பாக உணவுப்பாதுகாப்புத்துறையினர் ஆவின் பால்டெப்போக்கள் மற்றும் ஆவின் நிறுவனத்தில் இருந்து பால் மாதிரிகளை எடுத்து ஆய்வுக்கு அனுப்பினர். மேலும் ஆவின் அதிகாரிகளும் நேரடியாக சென்று புகார் குறித்து விசாரணை நடத்தினர்.</div> <div dir="auto">&nbsp;</div> <div dir="auto"><strong>இந்நிலையில் மதுரை ஆவின் பொதுமேலாளர் தரப்பில் வெளியிடப்பட்டுள்ள விளக்க அறிக்கையில் :&nbsp;</strong></div> <div dir="auto">&nbsp;</div> <div dir="auto">ஆவின் பாலில் துர்நாற்றம் என்பதும், அது பாலி ஃபிலிமுடன் தொடர்புடையது என்பதும் கண்டறியப்பட்டது. முறையற்ற கியூரிங் (Curing) செயல்முறை காரணமாக பால் பாக்கெட்டுகளை அடைக்க பயன்படுத்தப்பட்ட பாலி ஃபிலிமிலிருந்தே அந்த நாற்றம் உருவானது என்பது விரிவான ஆய்வின் மூலம் உறுதிபடுத்தப்பட்டது எனவும் துர்நாற்றம் கண்டறியப்பட்ட பாலிஃபிலிம் ரோல் பால் நிரப்பப்படுவதிலிருந்து உடனடியாக அப்புறப்படுத்தப்பட்டது.&nbsp;</div> <div dir="auto">&nbsp;</div> <div dir="auto"><strong>நிறுவனத்திற்கு விளக்கம் கோரும் அறிவிப்பு அனுப்பப்பட்டுள்ளது</strong></div> <div dir="auto">&nbsp;</div> <div dir="auto">தொடர்புடைய பாலித்தீன் ஃபிலிம் விநியோகித்த நிறுவனத்திற்கு விளக்கம் கோரும் அறிவிப்பு அனுப்பப்பட்டுள்ளது. விதிமுறைகளின்படி அந்நிறுவனத்தின் மீது கடுமையான நடவடிக்கை எடுக்கப்படும் எனவும் தெரிவிக்கப்பட்டுள்ளது. மேலும் வாடிக்கையாளர்களுக்கு தரமான தயாரிப்புகளை வழங்குவதில் ஆவின் நிறுவனம் உறுதியாக உள்ளது என்பதையும், வாடிக்கையாளர்களின் அனைத்து புகார்களும் தீவிரமாக கவனத்தில் கொள்ளப்படுகின்றன எனவும் விளக்கமளித்துள்ளனர்.</div>