"அரியணையை காப்பாற்றும் மத்திய பட்ஜெட்" தடாலடியாக விமர்சித்த ராகுல் காந்தி!

<p>பெரும் எதிர்பார்ப்புகளுக்கு மத்தியில் மத்திய பட்ஜெட் இன்று தாக்கல் செய்யப்பட்டது. மோடி தலைமையிலான அரசு, மூன்றாவது முறையாக ஆட்சி அமைத்ததை தொடர்ந்து முதல்முறையாக தாக்கல் செய்யப்பட்ட பட்ஜெட் என்பதால் இதற்கு பெரும் எதிர்பார்ப்பு இருந்தது.</p> <p>ஆனால், பீகார், ஆந்திர மாநிலங்களுக்கு மட்டுமே பட்ஜெட்டில் அதிக தொகை ஒதுக்கப்பட்டிருப்பது பெரும் விமர்சனத்திற்கு உள்ளாகி வருகிறது. மக்களவை தேர்தலில் பெரும்பான்மை கிடைக்காத நிலையில், கூட்டணி கட்சிகளின் ஆதரவோடு பாஜக ஆட்சி நடத்தி வருகிறது.</p> <p>அந்த வகையில், பீகார் முதலமைச்சர் நிதிஷ் குமார், ஆந்திர முதலமைச்சர் சந்திரபாபு நாயுடு ஆகியோரின் ஆதரவு மத்தியில் ஆட்சி நடத்தி வரும் பாஜகவுக்கு தேவைப்படுகிறது. எனவே, கூட்டணி கட்சிகளை சந்தோஷப்படுத்த அவர்கள் ஆளும் மாநிலங்களுக்கு அதிக நிதி ஒதுக்கப்பட்டதாக குற்றம் சாட்டப்படுகிறது.</p> <p>இந்த நிலையில், மத்திய பட்ஜெட்டை அரியணையை காப்பாற்றுவதற்கான பட்ஜெட் என கடுமையாக விமர்சித்துள்ளார் எதிர்க்கட்சி தலைவர் ராகுல் காந்தி. இதுகுறித்து எக்ஸ் தளத்தில் அவர் குறிப்பிடுகையில், "கூட்டணி கட்சிகளை <span class="Y2IQFc" lang="ta">சமாதானப்படுத்துதல்: மற்ற மாநிலங்களுக்கு </span>தீங்கு விளைவித்துவிட்டு வெற்று வாக்குறுதிகள் அளிக்கப்பட்டுள்ளது.</p> <p>குரோனி முதலாளிகளை சமாதானப்படுத்துதல்: AAகளுக்கு (அதானி, அம்பானி) பலன்களை தந்துவிட்டு, சாமானிய இந்தியருக்கு எந்த நிவாரணமும் அறிவிக்கவில்லை.</p> <p>காபி பேஸ்ட்: முந்தைய பட்ஜெட்டையும் காங்கிரஸ் வாக்குறுதிகளையும் காப்பி அடித்து வைத்துள்ளனர்" என பதிவிட்டுள்ளார்.</p> <p>&nbsp;</p>