<p>உத்தரப் பிரதேசத்தின் நடுரோட்டில் பள்ளி மாணவிகள் இருவர், தலைமுடியை பிடித்து ஒருவரை ஒருவர் தாக்கி கொண்ட சம்பவம் பெரும் பரபரப்பை ஏற்படுத்தியுள்ளது.</p>
<p>உத்தரப் பிரதேசம் <span class="Y2IQFc" lang="ta">பாக்பத் நகரில் உள்ள </span>பரபரப்பான சாலை ஒன்றில் <span class="Y2IQFc" lang="ta">பள்ளி மாணவிகள் இருவர்</span> ஒருவரையொருவர் அடித்து உதைத்துக் கொண்டுள்ளனர். இருவரும் தங்கள் பள்ளியில் படிக்கும் ஒரே பையனை விரும்புவதாகவும் அது தெரிய வந்ததை தொடர்ந்து மாணவிகள் சண்டையிட்டு கொண்டதாகக் கூறப்படுகிறது.</p>
<p><strong>தலைமுடியை பிடித்து அடித்து கொண்ட பள்ளி மாணவிகள்:</strong></p>
<p>சிங்வாலி காவல் நிலைய எல்லைக்கு உட்பட்ட அமிநகர் சராய் டவுனில் இந்த சம்பவம் நடந்துள்ளது. நேற்று நடந்த இந்த சம்பவத்தை யாரோ ஒருவர் வீடியோவாக எடுத்து சமூக வலைதளங்களில் வெளியிட்டுள்ளார். அது, வைரலாகி வருகிறது.</p>
<p>அந்த வீடியோவில், பள்ளிச் சீருடை அணிந்திருக்கும் இரண்டு பெண்கள், ஒருவரையொருவர் தலைமுடியை பிடித்து இழுத்து தாக்குகின்றனர். உதைக்கின்றனர். மற்ற மாணவர்களும் வழிப்போக்கர்களும் அவர்களைப் பிரிக்க முயற்சிப்பதும் வீடியோவில் பதிவாகியுள்ளது.</p>
<p><strong>உபியில் பரபரப்பு:</strong></p>
<p>உள்ளூர் பள்ளியில் இருவரும் 10ஆம் வகுப்பு படித்து வருகிறார்கள். அதே பள்ளியில் படிக்கும் பையனை இருவரும் விரும்புவதாக கூறப்படுகிறது. இரண்டு மாணவிகளும் அந்த பையனுடன் அடிக்கடி பேசுவார்கள். இருவரும் அவரை விரும்புகிறார்கள் என்று தெரிந்ததும் பள்ளிக்கு வெளியே சண்டை போட்டு கொண்டுள்ளனர்.</p>
<p>இதுகுறித்து காவல்துறை விசாரணை செய்து வருகிறது. இதுதொடர்பாக காவல்துறை அதிகாரி பேசுகையில், "இந்த வீடியோவை ஆய்வு செய்து அதன் அடிப்படையில் விசாரணை நடத்தப்படும்" என்றார்.</p>
<p><strong>இதையும் படிக்க: <a title="Cylinder Price Cut: இன்று முதல் சிலிண்டர் விலை குறைப்பு.! ஆனால் விலை உயர்த்தியிருந்தது எவ்வளவு தெரியுமா? " href="https://tamil.abplive.com/business/chennai-commercial-cylinder-price-reduced-lpg-cylinder-price-cut-check-latest-price-rate-211482" target="_blank" rel="noopener">Cylinder Price Cut: இன்று முதல் சிலிண்டர் விலை குறைப்பு.! ஆனால் விலை உயர்த்தியிருந்தது எவ்வளவு தெரியுமா? </a></strong></p>
11 months ago
7 
