தீபாவளிக்கு சொந்த ஊர் செல்ல திட்டமா? அப்போ இந்த ஸ்பெஷல் ட்ரெயினை மிஸ் பண்ணிடாதீங்க!

<p style="text-align: justify;"><strong>திருச்சி:</strong> தீபாவளிப் பண்டிகையை முன்னிட்டு பயணிகள் சிரமமின்றி பயணம் செய்வதற்காகத் தெற்கு ரயில்வேயின் திருச்சிராப்பள்ளி கோட்டம் சார்பில் பல்வேறு சிறப்பு எக்ஸ்பிரஸ் ரயில்கள் இயக்கப்படவுள்ளதாக அறிவிக்கப்பட்டுள்ளது. பண்டிகை காலத்தில் ஏற்படும் கூடுதல் கூட்ட நெரிசலைத் தவிர்க்கும் பொருட்டு இந்த முக்கிய நடவடிக்கை எடுக்கப்பட்டுள்ளது.</p> <h3 style="text-align: justify;">ராமேஸ்வரம் - சென்னை எழும்பூர் மற்றும் தாம்பரம் சிறப்பு ரயில்கள்</h3> <p style="text-align: justify;">ராமேஸ்வரத்தில் இருந்து நவம்பர் 5, 2026 அன்று இரவு 20.15 மணிக்குப்புறப்படும் ரயில் எண் 06104 கொண்ட சிறப்பு எக்ஸ்பிரஸ், மண்டபம், ராமநாதபுரம், பரமக்குடி, மானாமதுரை, சிவகங்கை, காரைக்குடி, பட்டுக்கோட்டை, திருத்துறைப்பூண்டி, திருவாரூர், நாகப்பட்டினம், மயிலாடுதுறை, சிதம்பரம், விழுப்புரம் மற்றும் செங்கல்பட்டு உள்ளிட்ட பல்வேறு முக்கிய நிலையங்கள் வழியாக இயக்கப்பட்டு மறுநாள் காலை 11.00 மணிக்கு சென்னை எழும்பூர் சென்றடையும்.&nbsp;</p> <p style="text-align: justify;">இதன் மறுமார்க்கமாக, சென்னை எழும்பூரில் இருந்து நவம்பர் 7, 2026 அன்று நள்ளிரவு 00.30 மணிக்குப்புறப்படும் ரயில் எண் 06103 கொண்ட சிறப்பு ரயில் அதே நாள் பிற்பகல் 15.50 மணிக்கு ராமேஸ்வரம் சென்று சேரும். மேலும், ராமேஸ்வரத்தில் இருந்து நவம்பர் 9, 2026 அன்று மாலை 16.55 மணிக்கு இயக்கப்படும் ரயில் எண் 06108 கொண்ட ஒருவழி சிறப்பு எக்ஸ்பிரஸ், பல்வேறு முக்கியப் பகுதிகள் வழியாக மறுநாள் காலை 10.00 மணிக்குத் தாம்பரம் சென்றடையும்.</p> <p style="text-align: justify;">இதேபோல், நவம்பர் 10 அன்று சென்னை எழும்பூரில் இருந்து ராமேஸ்வரத்திற்கும் (ரயில் எண் 06037), மறுமார்க்கமாக ராமேஸ்வரத்தில் இருந்து சென்னை எழும்பூருக்கும் (ரயில் எண் 06038) கூடுதல் சிறப்பு ரயில்கள் இயக்கப்படவுள்ளன.</p> <h3 style="text-align: justify;">கன்னியாகுமரி மற்றும் திருவனந்தபுரம் வழித்தட சிறப்பு சேவைகள்</h3> <p style="text-align: justify;">பயணிகளின் வசதிக்காகச் சென்னை எழும்பூரில் இருந்து நவம்பர் 5, 2026 அன்று இரவு 23.50 மணிக்குப்புறப்படும் ரயில் எண் 06151 கொண்ட ஒருவழி சிறப்பு எக்ஸ்பிரஸ், தாம்பரம், செங்கல்பட்டு, விழுப்புரம், மயிலாடுதுறை, கும்பகோணம், தஞ்சாவூர், திருச்சி, திண்டுக்கல், மதுரை, திருநெல்வேலி வழியாக அடுத்த நாள் பிற்பகல் 15.15 மணிக்குக் கன்னியாகுமரி சென்றடையும்.&nbsp;</p> <p style="text-align: justify;">இதற்கு மாற்றாக, கன்னியாகுமரியில் இருந்து நவம்பர் 9, 2026 அன்று இரவு 23.20 மணிக்குப்புறப்படும் ரயில் எண் 06152 கொண்ட அதிவேக ஒருவழி சிறப்பு எக்ஸ்பிரஸ் மறுநாள் பகல் 12.00 மணிக்குச் சென்னை எழும்பூர் வந்தடையும். மேலும், திருவனந்தபுரம் வடக்கிலிருந்து நவம்பர் 10, 2026 அன்று இரவு 20.00 மணிக்குப்புறப்பட்டுத் தாம்பரம் செல்லும் ரயில் எண் 06164 மற்றும் மறுமார்க்கமாக நவம்பர் 11 அன்று தாம்பரத்தில் இருந்து இயக்கப்படும் ரயில் எண் 06163 ஆகிய சிறப்பு ரயில்களும் இந்த வழித்தளத்தில் பயணிக்கவுள்ளன.</p> <h3 style="text-align: justify;">தாம்பரம் - செங்கோட்டை மற்றும் தென்காசி இடையேயான சிறப்பு ரயில்கள்</h3> <p style="text-align: justify;">தாம்பரத்தில் இருந்து நவம்பர் 9, 2026 அன்று நள்ளிரவு 23.55 மணிக்குப்புறப்படும் ரயில் எண் 06089 கொண்ட சிறப்பு எக்ஸ்பிரஸ், செங்கோட்டையை மறுநாள் பகல் 12.15 மணிக்குச் சென்றடையும். மறுமார்க்கமாக, செங்கோட்டையில் இருந்து நவம்பர் 10 அன்று பிற்பகல் 15.00 மணிக்குப்புறப்படும் ரயில் எண் 06090 கொண்ட சிறப்பு ரயில் அடுத்த நாள் அதிகாலை 03.20 மணிக்குத் தாம்பரம் வந்து சேரும்.&nbsp;</p> <p style="text-align: justify;">இவற்றுடன் கூடுதலாக, தாம்பரத்தில் இருந்து நவம்பர் 7 அன்று காலை 05.00 மணிக்குப்புறப்பட்டுத் தென்காசி செல்லும் ரயில் எண் 06049 மற்றும் செங்கோட்டையில் இருந்து நவம்பர் 9 அன்று பிற்பகல் 15.00 மணிக்குப்புறப்படும் ரயில் எண் 06050 ஆகிய சிறப்பு ரயிலும் இயக்கப்படவுள்ளதாக அறிவிக்கப்பட்டுள்ளது.</p> <h3 style="text-align: justify;">முன்பதிவு மற்றும் கூடுதல் தகவல்கள்</h3> <p style="text-align: justify;">இந்தத் தீபாவளி சிறப்பு ரயில்களுக்கான முன்பதிவுத் தொடக்கமானது, ரயில் எண் 06104/06103 ராமேஸ்வரம் - சென்னை எழும்பூர் - ராமேஸ்வரம் சிறப்பு ரயில்களுக்கு மட்டும் நவம்பர் 3, 2026 காலை 8.00 மணிக்குத் தொடங்குகிறது. ஏனைய ரயில்களுக்கான முன்பதிவு குறித்த விபரங்கள் விரைவில் அறிவிக்கப்படும் என்று தெற்கு ரயில்வேயின் திருச்சிராப்பள்ளி கோட்டப் பொது மக்கள் தொடர்பு அலுவலர் என். ஜெயந்த் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.</p>