Vegavathi Encroachments Relocation: தூக்கமிழந்த 1,400 குடும்பங்கள்! காஞ்சிபுரம் மக்களுக்கு நற்செய்தி! வேகவதி ஆற்றுக்கு வரப்போகும் மிகப்பெரிய விடிவு!

<p style="text-align: justify;">காஞ்சிபுரம் நகரின் மிக முக்கியமான நீர் ஆதாரங்களில் ஒன்றாகத் திகழ்ந்த வேகவதி ஆற்றுக்கு மறுவாழ்வு அளிக்கும் நோக்கில் தமிழக அரசு மற்றும் மாவட்ட நிர்வாகம் இணைந்து தீவிர நடவடிக்கைகளைத் தொடங்கியுள்ளன. ஆற்றங்கரை ஓரங்களில் உள்ள ஆக்கிரமிப்புகளை முழுமையாக அகற்றி, அங்கு வசிக்கும் குடும்பங்களை பாதுகாப்பான முறையில் மறுகுடியமர்வு செய்ய நகர்ப்புற வாழ்விட மேம்பாட்டு வாரியம் சார்பில் 1,400 வீடுகள் கொண்ட புதிய அடுக்குமாடி குடியிருப்புகள் கட்டப்பட உள்ளன.</p> <h3 style="text-align: justify;">வேகவதி ஆற்றின் தற்போதைய பரிதாப நிலை</h3> <p style="text-align: justify;">தாமலிலில் தொடங்கி மூசரவாக்கம், கீழ்கதிர்ப்பூர், காஞ்சிபுரம் நகரம், தேனம்பாக்கம், அய்யம்பேட்டை வழியாக சுமார் 21 கிலோமீட்டர் பயணம் செய்து தாங்கிப் பகுதியில் பாலாற்றில் கலக்கிறது வேகவதி ஆறு. கடந்த காலங்களில் விவசாயத்திற்கும், சுற்றுவட்டார நிலத்தடி நீர் மட்டத்திற்கும் பெரும் ஆதாரமாக விளங்கிய இந்த ஆறு, தற்காலத்தில் கழிவுநீர் மேலாண்மையின்மை மற்றும் முறையற்ற கட்டிடக் கழிவுகள், குப்பைகள் கொட்டப்பட்டதால் அதன் நீர்ரோட்டம் கடுமையாகப் பாதிக்கப்பட்டுள்ளது. இதன் காரணமாக வரலாற்று சிறப்புமிக்க இந்த ஆறு ஆங்காங்கே கழிவுநீர் குட்டையைப் போல மாறிப்போயுள்ளது.</p> <h3 style="text-align: justify;">வெள்ள அபாயமும் மாவட்ட ஆட்சியரின் சிறப்புத் திட்டமும்</h3> <p style="text-align: justify;">மழைக்காலங்களில் ஆற்றில் நீர்வரத்து அதிகரிக்கும் போது, கரைகளில் உள்ள ஆக்கிரமிப்புகளால் வெள்ளநீர் குடியிருப்புப் பகுதிகளுக்குள் புகும் அபாயம் தொடர்ந்து நீடித்து வருகிறது. இதனால் ஆக்கிரமிப்புகளை அகற்றி ஆற்றை மீட்டெடுக்க வேண்டிய அவசியம் உருவானதால், காஞ்சிபுரம் மாவட்ட ஆட்சியர் சினேகா சிறப்புத் திட்டங்களைச் செயல்படுத்தி வருகிறார். ஆற்றை முழுமையாகத் தூர்வாரிச் சீரமைக்க நீர்வளத்துறை விரிவான திட்டங்களை ஆயத்தம் செய்து வருகிறது. இது தொடர்பாக மாவட்ட ஆட்சியர் தலைமையில் அரசு அதிகாரிகளுடன் சமீபத்தில் ஆலோசனைக் கூட்டமும் நடத்தப்பட்டது.</p> <h3 style="text-align: justify;">புதிய அடுக்குமாடி குடியிருப்புகள் கட்டப்படும் இடங்கள்</h3> <p style="text-align: justify;">பாதிக்கப்பட்ட மக்களுக்கு மாற்று வீடுகள் வழங்கும் பொருட்டு, காஞ்சிபுரம் தாலுகாவில் உள்ள சிறுகளத்தூர் கிராமத்தில் 47 ஏக்கர் பரப்பளவிலும், சிறுவள்ளூர் கிராமத்தில் 47 ஏக்கர் பரப்பளவிலும் இடங்களை மாவட்ட நிர்வாகம் ஒதுக்கியுள்ளது. இதில் சிறுவள்ளூரில் 600 வீடுகளும், சிறுகளத்தூரில் 800 வீடுகளும் என மொத்தம் 1,400 வீடுகள் நகர்ப்புற வாழ்விட மேம்பாட்டு வாரியம் மூலம் கட்டப்பட உள்ளன. இத்தகைய திட்டங்களுக்கு மத்திய-மாநில அரசுகளின் மானியம் மற்றும் நிதிப் பகிர்வுகள் கிடைக்கும் என்பதால், ஆசிய வளர்ச்சி வங்கியின் நிதியுதவியைக் கோரவும் வாரிய அதிகாரிகள் திட்டமிட்டுள்ளனர்.</p> <h3 style="text-align: justify;">நிர்வாக அனுமதி மற்றும் மறுகுடியமர்வு விவரங்கள்</h3> <p style="text-align: justify;">வேகவதி ஆற்றுப் பகுதியில் சுமார் 1,000க்கும் மேற்பட்ட குடும்பங்கள் ஆக்கிரமிப்பில் உள்ளதாகக் கணக்கிடப்பட்டுள்ளது. இதில் முதற்கட்டமாக 572 குடும்பங்களுக்கு கீழ்கதிர்ப்பூரில் ஏற்கனவே கட்டப்பட்டுள்ள குடியிருப்புகளில் இடங்கள் ஒதுக்கப்பட்டுள்ளன. மீதமுள்ள குடும்பங்களை மறுகுடியமர்வு செய்யவே சிறுவள்ளூர் மற்றும் சிறுகளத்தூரில் புதிய வீடுகள் கட்டப்படவுள்ளன.&nbsp;</p> <p style="text-align: justify;">தற்போதைக்கு 1,400 வீடுகள் என்பது தோராயமான எண்ணிக்கைதான் என்றும், தேவையைப் பொறுத்து இது கூடலாம் என்றும் நகர்ப்புற வாழ்விட மேம்பாட்டு வாரிய அதிகாரி தெரிவித்துள்ளார். இந்த நிலங்களை ஆய்வு செய்து, நிதி மற்றும் செலவின அறிக்கைகள் தயாரித்த பின்னரே திட்டத்தின் முழுமையான திட்ட மதிப்பு தெரியவரும். மேலும், வேகவதி ஆக்கிரமிப்பாளர்களுக்கு வீடுகள் ஒதுக்கப்பட்ட பிறகு மீதமுள்ள வீடுகள், பொருளாதாரத்தில் பின்தங்கியவர்கள் மற்றும் பிற வளர்ச்சித் திட்டங்களால் இடமாற்றம் செய்யப்படுபவர்களுக்கு ஒதுக்கப்படும் என்றும் அதிகாரிகள் உறுதியளித்துள்ளனர்.</p>