Top 10 News: டெல்லி விரைந்தார் ஸ்டாலின், சாட்டையால் அடித்துக் கொண்ட அண்ணாமலை - டாப் 10 செய்திகள்

<p><strong>டெல்லி புறப்பட்ட முதலமைச்சர் ஸ்டாலின்</strong></p> <p>மறைந்த முன்னாள் பிரதமர் மன்மோகன் சிங்கின் உடலுக்கு நேரில் அஞ்சலி செலுத்துவதற்காக, முதலமைச்சர் ஸ்டாலின் விமானம் மூலம் டெல்லி விரைந்துள்ளார். உடன் பல்வேறு முக்கிய நிர்வாகிகளும் சென்றுள்ளனர். முன்னதாக மன்மோகன் சிங்கின் மறைவிற்காக தமிழ்நாட்டில் 7 நாட்கள் துக்கம் அனுசரிக்கப்படும் என அரசு அறிவித்துள்ளது.</p> <p><strong>சாட்டையால் அடித்துக் கொண்ட அண்ணாமலை</strong></p> <p>அண்ணா பல்கலை., மாணவிக்கு பாலியல் தொல்லை நடந்தது தொடர்பாக,&nbsp; தமிழ்நாடு அரசைக் கண்டித்து, கோவையில்&nbsp; அண்ணாமலை தன்னைத் தானே சாட்டையால் அடிக்கும் போராட்டத்தில் ஈடுபட்டார். வெற்றிவேல் வீரவேல் என சுற்றி இருந்தவர்கள் கோஷமிட்டனர். சில அடிகளுக்குப் பிறகு அவர்கள் அண்ணாமலையை தடுத்து நிறுத்தினர்.</p> <p><iframe class="vidfyVideo" style="border: 0px;" src="https://tamil.abplive.com/web-stories/entertainment/top-10-tamil-movies-streamed-on-ott-2024-210816" width="631" height="381" scrolling="no"></iframe></p> <p><strong>உயர்கல்வி அமைச்சர் செய்தியாளர் சந்திப்பு</strong></p> <p>அண்ணா பல்கலைக்கழக மாணவிக்கு பாலியல் தொல்லை நிகழ்ந்தது தொடர்பாக, உயர்கல்வி அமைச்சர் கோவி. செழியன் செய்தியாளர்களை சந்தித்தார். அப்போது, &rdquo;கைது செய்யப்பட்டுள்ள ஞானசேகரனின் மனைவி அண்ணா பல்கலைக்கழகத்தில் வேலை செய்து வருகிறார். அவரை விட்டுச் செல்லவும், அழைத்துச் செல்லவும் அடிக்கடி பல்கலைக்கழக வளாகத்திற்கு வந்து சென்றுள்ளார்&rdquo; என அமைச்சர் தெரிவித்துள்ளார்.</p> <p><strong>தங்கம் விலை உயர்வு</strong></p> <p>சென்னையில் ஆபரண தங்கத்தின் விலை 200 ரூபாய் உயர்ந்து, 57 ஆயிரத்து 200 ரூபாய்க்கு விற்பனை செய்யப்படுகிறது. அதன்படி, ஒரு கிராம் ஆபரண தங்கத்தின் விலை கிராமுக்கு 25 ரூபாய் அதிகரித்து 7 ஆயிரத்து 150 ரூபாய்க்கு விற்பனையாகிறது.&nbsp;&nbsp;</p> <p><strong>அரசியல் கட்சி தலைவர்கள் இரங்கல்</strong></p> <p>முன்னாள் பிரதமர் மன்மோகன் சிங் வயது மூப்பு மற்றும் உடல்நலக் குறைபாடு காரணமாக, தனது 92வது வயதில் நேற்று இரவு காலமானார். அவருக்கு குடியரசு தலைவர், பிரதமர் மோடி, <a title="முதலமைச்சர் ஸ்டாலின்" href="https://tamil.abplive.com/topic/cm-mk-stalin" data-type="interlinkingkeywords">முதலமைச்சர் ஸ்டாலின்</a>, தவெக தலைவர் <a title="விஜய்" href="https://tamil.abplive.com/topic/vijay" data-type="interlinkingkeywords">விஜய்</a> என பல்வேறு தரப்பினரும் இரங்கல் தெரிவித்துள்ளனர்.</p> <p><strong>நாளை இறுதிச்சடங்கு</strong></p> <p>முன்னாள் பிரதமர் மன்மோகன் சிங்கின் இறுதிச்சடங்கு நாளை நடைபெறும் என காங்கிரஸ் பொதுச்செயலாளர் கே.சி. வேணுகோபால் தெரிவித்துள்ளார். முழு மரியாதையுடன் இறுதிச் சடங்கு நடைபெறும் என மத்திய அரசு அறிவித்துள்ளது.</p> <p><strong>வருமான வரி கணக்கு தாக்கல்</strong></p> <p class="abp-article-slug">2023-24 நிதியாண்டுக்கான திருத்தப்பட்ட அல்லது தாமதமான வருமான வரிக் கணக்கை (ITR) தாக்கல் செய்வதற்கான அவகாசம் வரும் டிசம்பர் 31ம் தேதியுடன் முடிவடைய உள்ளது. தவறினால் அபராதத்தை எதிர்கொள்வதோடு, பல சலுகைகளையும் இழக்க நேரிடும்.</p> <p class="abp-article-slug"><strong>உயிர் தப்பினார் WHO தலைவர்</strong></p> <p class="abp-article-slug">ஏமன் தலைநகர் சனாவில் இஸ்ரேல் நடத்திய வான்வழி தாக்குதலில்,&nbsp; WHO அமைப்பு தலைவர் நூலிழையில் உயிர் தப்பினார். அவர் டெட்ரோஸ் வந்திருந்தபோது சனா விமான நிலையம் மீது இஸ்ரேல் குண்டு வீசி தாக்குதல் நடத்தியது. இதில் WHO அமைப்பு தலைவருக்கு சில மீட்டர் தூரத்தில் இருந்த 2 பேர் உயிரிழந்தது குறிப்பிடத்தக்கது&nbsp;</p> <p class="abp-article-slug"><strong>கிறிஸ்துமஸ் கொண்டாட்டத்தில் 4 பேர் பலி</strong></p> <p class="abp-article-slug">அமெரிக்கா நியூ ஹாம்ப்ஷைர் மாகாணத்தில் கிறிஸ்துமஸ் கொண்டாட்டத்திற்கு தயாரானபோது விஷவாயு தாக்கி 4 பேர் பலி ஆகினர். வெப்பமூட்டும் சாதனத்தில் இருந்து கார்பன் மோனாக்சைடு கசிந்ததால் 4 பேர் பலியானார்கள்.</p> <p><strong>இந்திய அணி திணறல்</strong></p> <p>இந்திய அணிக்கு எதிரான நான்கவது டெஸ்ட் போட்டியில், ஆஸ்திரேலியா அணி 474 ரன்களுக்கு ஆல் - அவுட்டானது. தொடர்ந்து களமிறங்கிய இந்திய அணியில் ரோகித் சர்மா 3 ரன்களிலும், கே.எல். ராகுல் 24 ரன்களிலும் ஆட்டமிழந்தனர்.&nbsp;</p>