<p>தமிழ்நாட்டில் நீலகிரி, கோயம்புத்தூர் உள்ளிட்ட 5 மாவட்டங்களில் நாளை கனமழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது.</p>
<p>கேரளா உள்ளிட்ட மாவட்டங்களில் பருவமழை தொடங்கியுள்ள நிலையில், தமிழ்நாட்டின் பல மாவட்டங்களிலும் பரவலாக மழை பெய்து வருகின்றது. சென்னையில் பகலில் வெய்யில் இருந்தால் இரவு நேரத்தில் மிதமான மழை பெய்து வருகிறது. இன்று சென்னை நகர் முழுவதும் மேகமூட்டத்துடன் காணப்பட்டது. </p>
<p><strong>வானிலை - இன்றைய நிலவரம்:</strong></p>
<p>மேற்கு திசை காற்றின் வேகமாறுபாடு காரணமாக தமிழ்நாட்டில் இன்று (ஜூலை,11,) ஓரிரு இடங்களில் புதுவை மற்றும் காரைக்கால் பகுதிகளிலும் இடி மின்னலுடன் கூடிய லேசானது முதல் மிதமான மழை பெய்யக்கூடும் என்று தெரிவிக்கப்பட்டுள்ளது. </p>
<p>நாளை (ஜூலை,12), நாளை மறுநாள் (ஜூலை,13, 1014) நீலகிரி, கோயம்புத்தூர், திருப்பூர், தேனி திண்டுக்கல் ஆகிய மாவட்டங்களின் மலை பகுதிகளில் ஓரிரு இடங்களில் கனமழை பெய்ய வாய்ப்புள்ளதாக தெரிவிக்கப்பட்டுள்ளது. ஜூலை 14-ம் தேதி வரை தமிழ்நாட்டில் பல இடங்களில் மிதமான மழை தொடரும் என்று தெரிவிக்கப்பட்டுள்ளது.</p>
<p>வானிலை ஆய்வு மையம் வெளியிட்டுள்ள அறிக்கையின் விவரம்:</p>
<p><strong>14.07.2024 முதல் 17.07.2024 வரை:</strong></p>
<p>தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.</p>
<p><strong>சென்னை மற்றும் புறநகர் பகுதிகளுக்கான வானிலை முன்னறிவிப்பு:</strong></p>
<p>அடுத்த 24 மணி நேரத்துக்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் மாலை / இரவு வேளையில், இடி மின்னலுடன் கூடிய லேசானது முதல் மிதமான மழை பெய்ய வாய்ப்புள்ளது. அதிகபட்ச வெப்பநிலை 30 - 31° செல்சியஸை ஒட்டியும், குறைந்தபட்ச வெப்பநிலை 25 - 26° செல்சியஸை ஒட்டியும் இருக்கக்கூடும்.</p>
<p>அடுத்த 48 மணி நேரத்துக்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் மாலை / இரவு வேளையில், இடி மின்னலுடன் கூடிய லேசானது முதல் மிதமான மழை பெய்ய வாய்ப்புள்ளது. அதிகபட்ச வெப்பநிலை 34° செல்சியஸை ஒட்டியும், குறைந்தபட்ச வெப்பநிலை 26 - 27° செல்சியஸை ஒட்டியும் இருக்கக்கூடும்.</p>
<p><strong>மீனவர்களுக்கான எச்சரிக்கை:</strong></p>
<p><strong>தமிழக கடலோரப்பகுதிகள்: </strong></p>
<p>11.07.2024 15.07.2024 வரை: மன்னார் வளைகுடா மற்றும் அதனை ஒட்டிய தென்தமிழக கடலோரப்பகுதிகளில் சூறாவளிக்காற்று மணிக்கு 35 முதல் 45 கிலோ மீட்டர் வேகத்திலும் இடையிடையே 55 கிலோ மீட்டர் வேகத்திலும் வீசக்கூடும்.</p>
<hr />
<p> </p>
1 year ago
7 
