<p>தமிழ்நாடு அரசின் இளைஞர் நலன் மற்றும் விளையாட்டு மேம்பாட்டு துறையின் கீழ் செயல்படும் தமிழ்நாடு விளையாட்டு மேம்பாட்டு ஆணையத்தில் (Sports Development Authority of Tamil Nadu (SDAT)) காலியான உள்ள பணியிடத்திற்கு வேலைவாய்ப்பு அறிவிப்பு வெளியிடப்பட்டுள்ளது. </p>
<p><strong>பணி விவரம்:</strong></p>
<p>ஸ்போர்ட்ஸ் ஃபிசியோதெரபிஸ்ட் (Sports Physiotherapist) -1</p>
<p><strong>கல்வித் தகுதி: </strong></p>
<ul>
<li>இந்த வேலைக்கு விண்ணப்பிக்க விரும்புபவர்கள் இந்தியா அல்லது வெளிநாட்டு பல்கலைக்கழத்தில் இருந்து ஃபிசியோதெரபி படிப்பில் முதுகலை பட்டம் பெற்றிருக்க வேண்டும். </li>
<li>ஸ்போர்ட்ஸ் ஃபிசியோதெரபி படித்தவர்களுக்கு வேலைவாய்ப்பில் முன்னுரிமை வழங்கப்படும்.</li>
<li>சம்பந்தப்பட்ட துறையில் குறைந்தது மூன்றாண்டுகள் பணி அனுபவம் இருக்க வேண்டும். </li>
<li> 10th + HSC or its equivalent + இளங்கலை பட்டம் + முதுகலை பட்டம் என்ற முறையில் படித்திருக்க வேண்டும். </li>
</ul>
<p><strong>ஊதிய விவரம்:</strong></p>
<p>ரூ. 35,900 – 1,13,500/- (Level 13)</p>
<p><strong>வயது வரம்பு விவரம்:</strong></p>
<p>இதற்கு விண்ணப்பிக்க 21 வயது பூர்த்தியடைந்தவராக இருக்க வேண்டும். பொதுப்பிரிவினர் 32 வயதுக்கு மிகாமல் இருக்க வேண்டும். பழங்குடியின/ பட்டியலின பிரிவினர், பிற்படுத்தப்ப்பட்டோர்/ மிக பிற்படுத்தப்பட்டோர்/ DC ஆகியோருக்கு அதிகபட்ச வயதுவரம்பு 57 ஆகும். </p>
<p><strong>தேர்ந்தெடுக்கும் முறை:</strong></p>
<p>இந்தப் பணியிடத்திற்கு எழுத்துத் தேர்வு, ஸ்போர்ட்ஸ் ஃபிசியோதெரபியில் ப்ராக்டிகல் டெஸ்ட், நேர்முகத் தேர்வு ஆகியவற்றின் அடிப்படையில் தகுதியானவர்கள் தேர்வு செய்யப்படுவர். </p>
<p><strong>விண்ணப்பிக்கும் முறை:</strong></p>
<p><a title="https://www.sdat.tn.gov.in/" href="https://www.sdat.tn.gov.in/" target="_blank" rel="dofollow noopener">https://www.sdat.tn.gov.in/</a>- என்ற அதிகாரப்பூர்வ இணையதள பக்கத்தில் இருந்து விண்ணப்ப படிவத்தை பதிவிறக்க செய்ய வேண்டும். பின்னர், அதை பூர்த்தி செய்து, தேவையான ஆவணங்களுடன் தமிழ்நாடு விளையாட்டு மேம்பாட்டு ஆணைய அலுவலகத்திற்கு அஞ்சல் மூலம் விண்ணப்பத்தை சமர்ப்பிக்க வேண்டும்.</p>
<p><strong>விண்ணப்பத்துடன் இணைத்து அனுப்ப வேண்டிய சான்றிதழ் நகல்கள்:</strong></p>
<ul>
<li>பாஸ்போர்ட் அளவு புகைப்படம்</li>
<li>ஆதார், பாஸ்போர்ட், வாக்காளர் அடையாள அட்டை, ஓட்டுநர் உரிமம் என ஏதாவது ஒரு அடையாள சான்று</li>
<li>10-வது மதிப்பெண் சான்றிதழ்</li>
<li>12-வது மதிப்பெண் சான்றிதழ்</li>
<li>சாதிச் சான்றிதழ்</li>
<li>சிறப்புப் பிரிவு சான்றிதழ் (தகுதியுடையவராக இருந்தால்)</li>
<li>இளங்கலை பட்டம்</li>
<li>முதுகலை பட்டம் </li>
<li>அனுபவ சான்றிதழ்</li>
</ul>
<p>இதற்கு தேர்ந்தெடுக்கப்படுபவர்களுக்கு இரண்டு ஆண்டு probationary period காலம். அதன்பிறகே பணி நிரந்தரம் செய்யப்படும் என்று அறிவிப்பில் தெரிவிக்கப்பட்டுள்ளது. </p>
<p><strong>விண்ணப்பத்தை அனுப்ப வேண்டிய முகவரி:</strong></p>
<p>The Member Secretary,<br />Sports Development Authority of Tamil Nadu,<br />Jawaharlal Nehru Stadium,<br />Raja Muthiah Road, Periyamet,<br />Chennai – 600 003.</p>
<p>எழுத்துத் தேர்வு மையம், நேர்முகத் தேர்வு குறித்து கூடுதல் விவரங்களை காண <a title="https://sdat.tn.gov.in/storage/sdat-website-assets/2c9c2382-aea0-4dda-aa2b-200024fe0208.pdf" href="https://sdat.tn.gov.in/storage/sdat-website-assets/2c9c2382-aea0-4dda-aa2b-200024fe0208.pdf" target="_blank" rel="dofollow noopener">https://sdat.tn.gov.in/storage/sdat-website-assets/2c9c2382-aea0-4dda-aa2b-200024fe0208.pdf</a> - என்ற இணைப்பை க்ளிக் செய்து விண்ணப்பிக்கவும்.</p>
<p><strong>விண்ணப்பிக்க கடைசி தேதி: 29.07.2024 மாலை 5 மணி வரை</strong></p>
1 year ago
12 
