Kanchipuram Traffic Survey: இனி காஞ்சிபுரத்தில் பார்க்கிங் பிரச்னையே இருக்காது! அதிரடி திட்டம்! என்ன செய்யப்போகிறது CUMTA?

<p style="text-align: justify;"><span style="color: #ba372a;"><strong>CUMTA Initiates Comprehensive Traffic &amp; Parking Study in Kanchipuram:</strong></span> தமிழ்நாட்டின் மிக முக்கிய பாரம்பரிய மற்றும் ஆன்மிகச் சுற்றுலா நகரங்களில் ஒன்றான காஞ்சிபுரம், சென்னை, செங்கல்பட்டு, அரக்கோணம் மற்றும் திருத்தணி போன்ற முன்னணி நகரங்களை இணைக்கும் முக்கியப் போக்குவரத்து மையமாகத் திகழ்ந்து வருகிறது. கடந்த சில ஆண்டுகளில் ஆன்மிகச் சுற்றுலா பயணிகள் வருகை, வர்த்தக வளர்ச்சி, கல்வி நிறுவனங்களின் பெருக்கம் மற்றும் பிராந்திய இணைப்பு ஆகியவை கணிசமாக அதிகரித்துள்ளதால், நகரின் போக்குவரத்துத் தேவையும் அதற்கேற்பப் பல மடங்கு உயர்ந்துள்ளது. இதன் காரணமாக ஏற்படும் போக்குவரத்து நெரிசலைக் கட்டுப்படுத்தி, வாகனச் போக்குவரத்தைச் சீரமைக்கும் நோக்கில் பல்வேறு கட்டமைப்பு மேம்பாட்டு நடவடிக்கைகள் தற்போது முடுக்கிவிடப்பட்டுள்ளன.</p> <h3 style="text-align: justify;">5.5 கி.மீ நீள சாலைகளில் தீவிர கள ஆய்வு</h3> <p style="text-align: justify;">நகரத்தின் போக்குவரத்துத் தேவையின் அவசியத்தை உணர்ந்து, காஞ்சிபுரம் உள்ளூர் திட்டக் குழுமம் (KLPA), காஞ்சிபுரம் மாநகராட்சி, நெடுஞ்சாலைத் துறை மற்றும் போக்குவரத்து காவல் துறையுடன் இணைந்து சுமார் 5.5 கிலோமீட்டர் நீளமுள்ள முக்கியச் சாலைகளை மேம்படுத்த விரிவான தொழில்நுட்ப ஆய்வு மேற்கொள்ளுமாறு சென்னை ஒருங்கிணைந்த பெருநகரப் போக்குவரத்து ஆணையத்திடம் (CUMTA) கோரிக்கை விடுத்திருந்தது.</p> <p style="text-align: justify;">இக்கோரிக்கையின் அடிப்படையில், காஞ்சிபுரத்தின் மிக முக்கியமான வணிக மற்றும் வரலாற்றுச் சிறப்புமிக்கப் பகுதிகளான காந்தி சாலை, கீரை மண்டபம் முதல் பேருந்து நிலையம் வரை உள்ள வள்ளல் பச்சையப்பன் தெரு, நெல்லுக்காரத் தெரு, கிழக்கு மற்றும் மேற்கு ராஜவீதிகள், செங்கழுநீரோடைத் தெரு மற்றும் விளக்கடி கோயில் தெரு ஆகிய பகுதிகளில் விரிவான கள ஆய்வுகள் தற்சமயம் தீவிரமாக நடைபெற்று வருகின்றன.</p> <h3 style="text-align: justify;">100 கணக்கெடுப்பாளர்களுடன் 16 மணி நேர வாகன நிறுத்த ஆய்வு</h3> <p style="text-align: justify;">இந்த ஆய்வின்போது சாலைப் இட ஒதுக்கீடு, சீரான போக்குவரத்து மேலாண்மை, பாதசாரிகளுக்கான பாதுகாப்பு வசதிகள் மற்றும் வாகன நிறுத்த மேலாண்மை ஆகியவை முதன்மை இலக்குகளாகக் கொண்டு செயல்படப்பட்டு வருகின்றன. குறிப்பாக, நகரின் வாகன நிறுத்தத் தேவையைத் துல்லியமாக மதிப்பிடுவதற்காகத் தொடர்ச்சியாக 16 மணி நேரம் நடைபெறும் விரிவான வாகன நிறுத்த ஆய்வை CUMTA தொடங்கியுள்ளது.</p> <p style="text-align: justify;">இதற்காக இரண்டு நாட்களுக்கு சுமார் 100 பயிற்சி பெற்ற கணக்கெடுப்பாளர்கள் நேரடிப் பணியில் ஈடுபடுத்தப்பட்டுள்ளனர். இவர்கள் CUMTA அமைப்பினால் பிரத்யேகமாக உருவாக்கப்பட்டதுடன் கூடிய மொபைல் தரவு சேகரிப்பு செயலியைப் பயன்படுத்தி, வாகன நிறுத்தத் தேவை, வாகனங்களின் சுழற்சி காலம், நிறுத்தப்படும் கால அளவு மற்றும் வாகன ஓட்டிகளின் பழக்கவழக்கங்கள் குறித்த துல்லியமான தரவுகளைச் சேகரித்து வருகின்றனர்.</p> <h3 style="text-align: justify;">பாதுகாப்பான மற்றும் நிலையான நகரப் போக்குவரத்திற்கு அடித்தளம்</h3> <p style="text-align: justify;">களப் பணியாளர்கள் மூலம் சேகரிக்கப்படும் இந்தத் தரவுகளின் முடிவுகள், காஞ்சிபுரம் நகரத்திற்கான முழுமையான சாலைப் பரப்புப் பயன்பாட்டுத் திட்டத்தைத் (Road Space Allocation Plan) தயாரிப்பதற்கு முதன்மை அடிப்படையாக அமையும். மேலும், இந்த விரிவான ஆய்வின் அறிக்கையில் தெரிவிக்கப்படும் பரிந்துரைகள், காஞ்சிபுரம் நகரில் நீண்டகால அடிப்படையில் நிலையான நகரப் போக்குவரத்து மேம்பாட்டு நடவடிக்கைகளை நடைமுறைப்படுத்தவும், பொதுமக்கள் மற்றும் ஆன்மிகச் சுற்றுலாப் பயணிகளுக்குப் பாதுகாப்பான, திறமையான மற்றும் வசதியான போக்குவரத்துச் சூழலை உருவாக்கவும் பெருமளவில் வழிவகுக்கும் என தெரிவிக்கப்பட்டுள்ளது.</p>