Kanchipuram Job Fair 2026: 1000+ காலிப்பணியிடங்கள்! ஜூலை 23-ல் காஞ்சிபுரத்தில் மெகா வேலைவாய்ப்பு முகாம் - யாருக்கெல்லாம் வாய்ப்பு?

<p style="text-align: justify;">தமிழ்நாடு அரசின் வேலைவாய்ப்பு மற்றும் பயிற்சித் துறையின் வழிகாட்டுதலின்படி, இளைஞர்களின் வேலைவாய்ப்புத் திறனை ஊக்குவிக்கும் வகையில் அனைத்து மாவட்டங்களிலும் வேலைவாய்ப்பு முகாம்கள் தொடர்ந்து நடத்தப்பட்டு வருகின்றன. மாவட்ட வேலைவாய்ப்பு மற்றும் தொழில்நெறி வழிகாட்டும் மையங்கள் மூலமாக மாதந்தோறும் சிறிய அளவிலான முகாம்களும், ஆண்டிற்கு இரண்டு முறை பெரிய அளவிலான முகாம்களும் நடத்தப்பட்டு வருகின்றன. அந்த வகையில், காஞ்சிபுரம் மாவட்ட நிர்வாகமும் மாவட்ட வேலைவாய்ப்பு மற்றும் தொழில்நெறி வழிகாட்டும் மையமும் இணைந்து நடத்தும் சிறப்புச் சிறிய அளவிலான தனியார் துறை வேலைவாய்ப்பு முகாம் பற்றிய முக்கிய அறிவிப்பை மாவட்ட ஆட்சித்தலைவர் தி.சினேகா வெளியிட்டுள்ளார்.</p> <h3 style="text-align: justify;">முகாம் நடைபெறும் நாள் மற்றும் இடம்</h3> <p style="text-align: justify;">படித்து வேலைவாய்ப்பைத் தேடிக் கொண்டிருக்கும் இளைஞர்களுக்குப் பயனளிக்கும் வகையில் இந்த வேலைவாய்ப்பு முகாம் 2026 ஜூலை மாதம் 23-ஆம் தேதி வியாழக்கிழமை அன்று நடத்தத் திட்டமிடப்பட்டுள்ளது. இம்முகாம் காஞ்சிபுரம் மாவட்ட வேலைவாய்ப்பு அலுவலக வளாகத்திலேயே நடைபெறவுள்ளது. காஞ்சிபுரம் மற்றும் அதன் சுற்றியுள்ள பகுதிகளைச் சேர்ந்த வேலைநாடும் இளைஞர்கள் இந்த வாய்ப்பினைச் சரியாகப் பயன்படுத்திக் கொள்ளுமாறு மாவட்ட நிர்வாகம் சார்பில் கேட்டுக்கொள்ளப்படுகிறார்கள்.</p> <p style="text-align: justify;">&nbsp;</p> <p style="text-align: justify;">கல்வித் தகுதி மற்றும் வயது வரம்பு</p> <p style="text-align: justify;">&nbsp;</p> <p style="text-align: justify;">இந்த வேலைவாய்ப்பு முகாமில் நாட்டின் பல்வேறு முன்னணி தனியார் நிறுவனங்கள் நேரடியாகக் கலந்துகொண்டு 1,000-க்கும் மேற்பட்ட காலிப்பணியிடங்களுக்கான நேர்முகத் தேர்வுகளை நடத்தவுள்ளன. இதில் பத்தாம் வகுப்பு, பன்னிரண்டாம் வகுப்பு தேர்ச்சி பெற்றவர்கள், ஐ.டி.ஐ, டிப்ளமோ படிப்ப முடித்தவர்கள் மற்றும் எந்தவொரு பட்டப்படிப்பையும் நிறைவு செய்த பட்டதாரிகள் கலந்துகொள்ளலாம். இம்முகாமில் பங்கேற்க விரும்பும் விண்ணப்பதாரர்கள் 18 வயது முதல் 35 வயதிற்குட்பட்டவராக இருக்க வேண்டியது அவசியமாகும்.</p> <p style="text-align: justify;">&nbsp;</p> <p style="text-align: justify;">பங்கேற்கும் முறை மற்றும் கூடுதல் விவரங்கள்</p> <p style="text-align: justify;">&nbsp;</p> <p style="text-align: justify;">தகுதியும் விருப்பமும் உள்ள இளைஞர்கள் 23.07.2026 அன்று காலை 09.00 மணிக்குத் தங்களின் அனைத்துக் கல்விச் சான்றிதழ்கள் மற்றும் பாஸ்போர்ட் அளவிலான புகைப்படங்களுடன் காஞ்சிபுரம் மாவட்ட வேலைவாய்ப்பு அலுவலகத்திற்கு நேரில் வருகை தந்து நேர்முகத் தேர்வில் பங்கேற்கலாம். இம்முகாம் தொடர்பான கூடுதல் தகவல்கள் மற்றும் சந்தேகங்களைத் தெளிவுபடுத்திக் கொள்ள விரும்பும் விண்ணப்பதாரர்கள் 044-27237124 என்ற தொலைபேசி எண்ணைத் தொடர்பு கொண்டு விவரங்களைப் பெற்றுக் கொள்ளலாம் என்று மாவட்ட ஆட்சித்தலைவர் தி.சினேகா தெரிவித்துள்ளார்.</p>