<p>இந்தியாவில் 2 குழந்தைகளுக்கு எச்எம்பிவி வைரஸ் தொற்று உறுதிசெய்யப்பட்டதை தொடர்ந்து, இந்த வைரஸ் வராமல் காத்துக்கொள்ள நாம் செய்ய வேண்டிய மற்றும் செய்ய கூடாத வழிமுறைகள் என்னவென்று இந்த தொகுப்பில் காணலாம்.</p>
<h2>எச்எம்பிவி வைரஸ்: </h2>
<p> சுவாச வைரஸான மனித மெட்டாப்நியூமோவைரஸ் (எச்எம்பிவி) சீனாவில் வேகமாக பரவி வருவதாக கூறப்படுகிறது. எற்கெனவே உலகெங்கிலும் உள்ள சுகாதார அமைப்புகள் எச்சரிக்கையை வழங்க தொடங்கியுள்ளன. முகமூடிகளை அணிவது மற்றும் கைகளை கழுவுதல் போன்ற சுகாதார நடவடிக்கைகளை மேம்படுத்துவதற்கு வலியுறுத்துகின்றன.</p>
<p>இந்த நிலையில் இந்தியாவில் இந்த வைரஸ் தொற்று உறுதி செய்யப்பட்டுள்ளது, பெங்களூருவை சேர்ந்த 8 மாதம் மற்றும் 3 மாத குழந்தைக்கு இந்த தொற்றானது உறுதி செய்யப்பட்டுள்ளது.</p>
<p>இந்த வைரஸ் வராமல் காத்துக்கொள்ள அரசின் சார்பில் வழிக்காட்டு நெறிமுறைகள் வெளியிடப்பட்டுள்ளது</p>
<p>HMPV என்பது மற்ற சுவாச வைரஸ் போன்றது, இது குளிர்காலத்தில் ஜலதோஷம் மற்றும் காய்ச்சல் போன்ற அறிகுறிகளை ஏற்படுத்துகிறது, குறிப்பாக இளையவர்கள் மற்றும் வயதானவர்களிடையே இந்த நோய் எளிதில் பரவுகிறது, </p>
<h2>அரசு வெளியிட்ட அறிக்கை:</h2>
<p>சுகாதாரம் மற்றும் குடும்ப நலத் துறை, அரசு. கர்நாடகா மாநிலத்தில் ஜலதோஷம், ILI & SARI போன்ற சுவாச நோய்த்தொற்றுகளின் தரவுகளை ஆய்வு செய்துள்ளது மற்றும் முந்தைய ஆண்டை விட 2024 டிசம்பரில் பதிவு செய்யப்பட்ட எண்ணிக்கையில் அடிப்படையில் குறிப்பிடத்தக்க அதிகரிப்பு இல்லை.</p>
<p>இதையும் படிங்க: <a title="இந்தியாவில் காலடி வைத்த HMPV வைரஸ்! பெங்களூரில் 2 குழந்தைகளுக்கு தொற்று உறுதி.." href="https://tamil.abplive.com/health/hmpv-virus-2-cases-tests-positive-in-india-human-metapneumovirus-211946" target="_blank" rel="noopener">HMPV Virus: இந்தியாவில் காலடி வைத்த HMPV வைரஸ்! பெங்களூரில் 2 குழந்தைகளுக்கு தொற்று உறுதி..</a></p>
<p>சுகாதாரத்துறை, பொது மக்கள் தங்களைப் பாதுகாத்துக்கொள்ளவும், தொற்று பரவாமல் தடுக்கவும் செய்ய வேண்டியவை மற்றும் செய்யக்கூடாதவற்றைப் பின்பற்றுமாறு கேட்டுக்கொள்கிறது.</p>
<h2>செய்ய வேண்டியவை</h2>
<ul style="list-style-type: square;">
<li>நீங்கள் இருமல் அல்லது தும்மும்போது, கைக்குட்டை அல்லது டிஷ்யூ பேப்பரால் உங்கள் வாய் மற்றும் மூக்கை மூட வேண்டும்</li>
<li>சோப்பு மற்றும் தண்ணீர் அல்லது ஆல்கஹால் சார்ந்த சானிடைசர் மூலம் உங்கள் கைகளை அடிக்கடி கழுவ வேண்டும்</li>
<li>நெரிசலான இடங்களைத் தவிர்க்கவும்</li>
<li> உங்களுக்கு காய்ச்சல், இருமல் மற்றும் தும்மல் இருந்தால் பொது இடங்களை விட்டு விலகி இருங்கள்.</li>
<li> நீங்கள் நோய்வாய்ப்பட்டிருந்தால் வீட்டிலேயே இருங்கள் மற்றும் மற்றவர்களுடன் தொடர்பைக் கட்டுப்படுத்துங்கள்</li>
<li> நிறைய தண்ணீர் குடிக்கவும், சத்தான உணவை உண்ணவும்</li>
<li>வெளிப்புற காற்று வந்து செல்லும் வகையில் உள்ள காற்றோட்டமான இடங்களில் இருந்தால் நோய் பரவுவதை தவிர்க்கலாம்</li>
</ul>
<p>இதையும் படிங்க: <a title="ஏ.ஆர்.ரஹ்மானைத் தெரியும்! அவங்க அப்பா யாருனு தெரியுமா? இவ்ளோ பெரிய பிரபலமா?" href="https://tamil.abplive.com/entertainment/ar-rahman-58th-birthday-know-ar-rahman-father-music-director-r-k-shekhar-know-full-details-here-211963" target="_blank" rel="noopener">HBD AR Rahman: ஏ.ஆர்.ரஹ்மானைத் தெரியும்! அவங்க அப்பா யாருனு தெரியுமா? இவ்ளோ பெரிய பிரபலமா?</a></p>
<h2>செய்யக்கூடாதவை:</h2>
<ul style="list-style-type: square;">
<li>டிஷ்யூ பேப்பர் & கை கர்சீஃப் மறுபயன்பாடு செய்வதை தவிர்க்கவும்</li>
<li>நோய்வாய்ப்பட்டவர்களுடன் நெருங்கிய தொடர்பு அவர்கள் பயன்படுத்திய பொருட்களை உபயோகப்படுத்துவதை தவிர்க்க வேண்டும்</li>
<li>கண்கள், மூக்கு மற்றும் வாயை அடிக்கடி தொடுதல் கூடாது</li>
<li> பொது இடங்களில் எச்சில் துப்புதல் கூடாது</li>
<li>மருத்துவரின் ஆலோசனை இல்லாமல் சுய மருந்துகளை எடுத்துக்கொள்ள கூடாது </li>
</ul>
<p><iframe class="vidfyVideo" style="border: 0px;" src="https://tamil.abplive.com/web-stories/entertainment/richest-indian-actress-in-2024-211939" width="631" height="381" scrolling="no"></iframe></p>
11 months ago
7 
