<p>”அண்ணல் அம்பேத்கரை அவமானப்படுத்திய அமித்ஷாவைக் கண்டிக்க கூட வேண்டாம் "வலிக்காமல் வலியுறுத்த" கூட மனமில்லாமல் அமைதி….அமைதியோ அமைதி என ஆழ்ந்த உறக்கத்தில் இருக்கிறார் எதிர்க்கட்சித் தலைவர் பழனிசாமி என சட்டத்துறை அமைச்சர் ரகுபதி தெரிவித்துள்ளார். </p>
<p><strong>அம்பேத்கர் - அமித்ஷா :</strong></p>
<p>அம்பேத்கர் குறித்து, நேற்றைய முன்தினம் மத்திய உள்துறை அமைச்சர் அமைச்சர் தெரிவித்த கருத்தால், எதிர்க்கட்சியினர் கடும் எதிர்ப்பு தெரிவித்து வருகின்றனர். </p>
<p>இந்நிலையில், அதிமுகவைச் சேர்ந்த எதிர்க்கட்சித் தலைவர் எடப்பாடி பழனிசாமி கருத்து தெரிவிக்கவில்லை என தமிழ்நாடு சட்டத்துறை அமைச்சர் விமர்சித்துள்ளார். </p>
<p><strong>”சனாதன சக்திகளுக்கு துணை போகும் இபிஎஸ்”</strong></p>
<p>அமைச்சர் ரகுபதி தெரிவித்ததாவது, “ அண்ணல் அம்பேத்கரை அவமரியாதை செய்த அமித்ஷாவை கண்டித்து, நாடே கொந்தளித்துக் கிடக்கிறது. <a title="முதலமைச்சர் ஸ்டாலின்" href="https://tamil.abplive.com/topic/cm-mk-stalin" data-type="interlinkingkeywords">முதலமைச்சர் ஸ்டாலின்</a> கடும் கண்டனத்தை பதிவு செய்ததோடு, இன்று நாடு தழுவிய போராட்டத்தில் திமுகவும் பங்கெடுக்க வேண்டும் என உத்தரவிட்டார். அதன்படி தமிழ்நாடு முழுக்க திராவிட முன்னேற்ற கழகம் கண்டன ஆர்ப்பாட்டத்தை முன்னெடுத்து வருகிறது. நாடாளுமன்ற வளாகத்திலும் திமுக உள்ளிட்ட எதிர்க்கட்சிகள் மிகக் கடுமையாக எதிர்ப்பை பதிவு செய்து வருகிறார்கள்.</p>
<p>சட்டமேதை, சமத்துவப் போராளி அண்ணல் அம்பேத்கர் அவர்களுக்கு களங்கம் ஏற்படுத்த முயலும் சனாதன சக்திகளுக்கு துணை போகும் விதமாக அதிமுக பொதுச்செயலாளர் எடப்பாடி பழனிசாமி வாய் மூடிக்கிடக்கிறார்.</p>
<p><strong>”எங்கே பழனிசாமி”</strong></p>
<p>பாஜக அரசு மக்களாட்சியை அழிக்க கொண்டுவரத் துடிக்கும் ஒரே நாடு ஒரே தேர்தல் பற்றி எதுவும் கூறாமல் அமைதி; இஸ்லாமிய சமூக மக்களை இழிவாக பேசிய நீதிபதி விவகாரத்திலும் அமைதி; அண்ணல் அம்பேத்கரை அவமானப்படுத்திய அமித்ஷாவைக் கண்டிக்க கூட வேண்டாம் "வலிக்காமல் வலியுறுத்த" கூட மனமில்லாமல் அமைதி….அமைதியோ அமைதி என ஆழ்ந்த உறக்கத்தில் இருக்கிறார் பழனிசாமி.</p>
<p>யார் கண்ணில் படாமல் பதுங்கு குழியில் பதுங்கி கொண்டிருக்கும் பழனிசாமியைக் கண்டால் யாரேனும் கேட்டுச் சொல்லுங்கள், அண்ணல் அம்பேத்கர் யார் என்றாவது அவருக்கு தெரியுமா என்று என அமைச்சர் ரகுபதி தெரிவித்துள்ளார். </p>
<p><iframe class="vidfyVideo" style="border: 0px;" src="https://tamil.abplive.com/web-stories/health/habits-that-will-affect-brain-210172" width="631" height="381" scrolling="no"></iframe></p>
<p>Also Read: <a title="Amit Shah on Ambedkar: ” நான் அப்படி பேசவில்லை” அம்பேத்கருக்கு எதிரானவர்கள் நாங்கள் இல்லை - அமித்ஷா விளக்கம்.!" href="https://tamil.abplive.com/news/politics/union-home-minister-amit-shah-explains-about-br-ambedkar-speech-afte-congress-alliance-protest-210171" target="_self">Amit Shah on Ambedkar: ” நான் அப்படி பேசவில்லை” அம்பேத்கருக்கு எதிரானவர்கள் நாங்கள் இல்லை - அமித்ஷா விளக்கம்.!</a></p>
<p> </p>
1 year ago
7 
