<p>சென்னையில், நேற்று பகல் பொழுதில் வெயில் அடித்து இருந்தது. ஆனால், இரவு பொழுதில் திடீரென வானிலை மாறியது. இதையடுத்து, நேற்று இரவு 10 மணிக்கு மேல் சாரல் மழை பெய்ய ஆரம்பித்தது. இதையடுத்து, அவ்வப்போது, சாரல் மழை பெய்தது. இந்நிலையில், சென்னை வானிலையானது அடுத்த 2 நாட்களுக்கு எப்படி இருக்கும் என்பது குறித்தான தகவலை வானிலை மையம் தெரிவித்துள்ளது. </p>
<p><strong>சென்னை வானிலை:</strong></p>
<p>சென்னையை பொறுத்தவரை, அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில், லேசான மழை பெய்யக்கூடும். அதிகாலை வேளையில் லேசான பனிமூட்டம் காணப்படும். அதிகபட்ச வெப்பநிலை 30-31 டிகிரி செல்சியஸை ஒட்டியும், குறைந்தபட்ச வெப்பநிலை 22-23 டிகிரி செல்சியஸை ஒட்டியும் இருக்கக்கூடும்.</p>
<p>அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில், லேசானது / மிதமான மழை பெய்யக்கூடும் அதிகாலை வேளையில் லேசான பனிமூட்டம் காணப்படும். அதிகபட்ச வெப்பநிலை 30-31 டிகிரி செல்சியஸை ஒட்டியும், குறைந்தபட்ச வெப்பநிலை 23-24 டிகிரி செல்சியஸை ஒட்டியும் இருக்கக்கூடும் என வானிலை மையம் தெரிவித்துள்ளது. </p>
<p><strong>தமிழ்நாட்டின் அடுத்த ஏழு தினங்களுக்கான வானிலை:</strong></p>
<p>தெற்கு கேரள கடலோரப் பகுதிகள் மற்றும் அதனை ஒட்டிய தென்கிழக்கு அரபிக்கடல் பகுதிகளில் ஒரு வளிமண்டல கீழடுக்கு சுழற்சி நிலவுகிறது.</p>
<p><strong>28-12-2024 மற்றும் 29-12-2024: </strong></p>
<p>தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும். அதிகாலை வேளையில் ஒரு சில இடங்களில் லேசான பனிமூட்டம் காணப்படும்.</p>
<p><strong>30-12-2024: </strong></p>
<p>தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.</p>
<p><strong>31-12-2024:</strong></p>
<p>தென்தமிழகத்தில் ஒருசில இடங்களிலும், வடதமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும், இடி, மின்னலுடன் கூடிய லேசானது முதல் மிதமான மழை பெய்யக்கூடும்.</p>
<p><strong>01-01-2025 முதல் 03-01-2025:</strong></p>
<p>வரை தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும் என வானிலை மையம் தெரிவித்துள்ளது. </p>
<p>Also Read: <a title="PMK: " href="https://tamil.abplive.com/news/politics/pmk-party-clashes-between-father-ramadoss-and-his-son-anbumani-what-is-the-issue-explained-211099" target="_self">PMK: "கட்சியை விட்டு போ": வார்த்தையை விட்ட ராமதாஸ்: மைக்கை கீழே போட்ட அன்புமணி..உடையும் பாமக? </a></p>
<p><iframe class="vidfyVideo" style="border: 0px;" src="https://tamil.abplive.com/web-stories/entertainment/2024-top-10-indian-films-highest-collection-opening-day-grossers-211025" width="631" height="381" scrolling="no"></iframe></p>
11 months ago
7 
