<p>2024- 2025ஆம்‌ கல்வியாண்டிற்கான பி.என்‌.ஒய்‌.எஸ்‌. (யோகா மற்றும்‌ இயற்கை மருத்துவம்‌) பட்டப்‌ படிப்பு சேர்க்கைக்கான கால அவகாசம்‌ நீட்டிக்கப்பட்டுள்ளது. இதன்படி ஜூலை 22ஆம் தேதி வரை மாணவர்கள் விண்ணப்பிக்கலாம். </p>
<p>இதுகுறித்து இந்திய மருத்துவம் மற்றும் ஓமியோபதித் துறை வெளியிட்டுள்ள செய்திக் குறிப்பு:</p>
<p>2024- 2025ஆம்‌ கல்வியாண்டில்‌ தமிழ்நாட்டிலுள்ள அரசு மற்றும்‌ சுயநிதி யோகா மற்றும்‌ இயற்கை மருத்துவக்‌ கல்லூரிகளில்‌ உள்ள அரசு மற்றும்‌ சுயநிதி மருத்துவக்‌ கல்லூரிகளிலுள்ள அரசு மற்றும்‌ நிர்வாக ஒதுக்கீட்டு இடங்களுக்கான பி.என்‌.ஒய்‌.எஸ்‌. (யோகா மற்றும்‌ இயற்கை மருத்துவம்‌) பட்டப்‌ படிப்பு சேர்க்கைக்கான விண்ணப்பங்கள்‌ தனித்தனியாக தகுதியுள்ளவர்களிடம் இருந்து வரவேற்கப்படுகின்றன.</p>
<h2><strong>ஆன்லைனில் மட்டுமே விண்ணப்பம்</strong></h2>
<p>மேலே குறிப்பிடப்பட்டுள்ள பட்டபடிப்புக்கான விண்ணப்பப்‌ படிவம்‌, தகவல்‌ தொகுப்பேட்டினை, <a title="www.tnhealth.tn.gov.in" href="http://www.tnhealth.tn.gov.in/" target="_blank" rel="dofollow noopener">www.tnhealth.tn.gov.in</a> என்ற வலைதளத்திலிருந்து பதிவிறக்கம்‌ செய்துகொள்ளலாம்‌. விண்ணப்பப் படிவங்கள்‌ இயக்குநரக அலுவலகத்திலோ அல்லது தேர்வுக்குழு அலுவலகத்திலோ அல்லது வேறு எந்த ஆயுஷ் முறை மருத்துவக்‌ கல்லூரிகளிலோ வழங்கப்பட மாட்டாது.</p>
<p><br /><img src="https://feeds.abplive.com/onecms/images/uploaded-images/2024/07/11/c01ff11fe54babf53deb820b18e4484c1720702803644332_original.jpg" width="720" /></p>
<p><strong>விண்ணப்பக் கட்டணம் எவ்வளவு?</strong></p>
<p>மாணவர்‌ சேர்க்கைக்கு விண்ணப்பிக்கத்‌ தேவையான தகுதிகள்‌, விண்ணப்பக்‌ கட்டணம்‌ மற்றும்‌ பிற கட்டண விவரங்கள்‌, கலந்தாய்விற்கான அட்டவணை மற்றும்‌ பிற தகவல்களை <a title="www.tnhealth.tn.gov.in" href="http://www.tnhealth.tn.gov.in/" target="_blank" rel="dofollow noopener">www.tnhealth.tn.gov.in</a> என்ற இணையதளத்தில்‌ உள்ள உரிய தகவல்‌ தொகுப்பேட்டில்‌ அறியலாம்‌.</p>
<p>பூர்த்தி செய்யப்பட்ட விண்ணப்பங்கள்‌, கோரப்பட்டுள்ள அனைத்துச்‌ சான்றிதழ்களின்‌ சுய சான்றொப்பமிட்ட நகல்களையும்‌ இணைத்து அனுப்ப வேண்டும்.</p>
<p><strong>முகவரி என்ன?</strong></p>
<p>செயலாளர்‌, தேர்வுக்குழு, இந்திய மருத்துவம்‌ மற்றும்‌ ஓமியோபதி துறை இயக்குநர்‌ அலுவலகம்‌, அறிஞர்‌ அண்ணா அரசினர்‌ இந்திய மருத்துவமனை வளாகம்‌, அரும்பாக்கம்‌, சென்னை- 600 106 என்ற முகவரிக்கு சமர்ப்பித்தல்‌ / வந்து சேர வேண்டும்‌. இதை 22.07.2024 மாலை 5.30 மணிக்குள்‌ முடிக்க வேண்டும் என்று இந்திய மருத்துவம் மற்றும் ஓமியோபதித் துறை தெரிவித்துள்ளது. </p>
<p>விண்ணப்பப்‌ படிவம்‌ மற்றும்‌ தகவல்‌ தொகுப்பேட்டினைப்‌ பதிவிறக்கம்‌ செய்ய நீட்டிக்கப்பட்ட கடைசி நாள்‌- <strong> 22.07.2024 மாலை 5.00 மணி வரை</strong></p>
<p>பூர்த்தி செய்யப்பட்ட விண்ணப்பப்‌ படிவம்‌ தபால்‌ / கூரியர்‌ சேவை வாயிலாக சமர்ப்பிக்கவோ அல்லது நேரில்‌ சமர்ப்பிக்கவோ நீட்டிக்கப்பட்ட கடைசி நாள்- <strong> 22.07.2024 மாலை 5.30 மணி வரை</strong></p>
<p>கூடுதல் தகவல்களுக்கு: <a title="www.tnhealth.tn.gov.in" href="http://www.tnhealth.tn.gov.in/" target="_blank" rel="dofollow noopener">www.tnhealth.tn.gov.in</a> </p>
1 year ago
7 
