<p>மத்திய அரசின் பல்வேறு அரசுத் துறைகள் மற்றும் அமைப்புகளில் புதிதாக பணிக்குத் தேர்வு செய்யப்பட்டுள்ள இளைஞர்களுக்கு நாளை (ஜூலை 12ஆம் தேதி) காலை 11:00 மணியளவில் காணொலிக் காட்சி வாயிலாக பிரதமர் நரேந்திர மோடி பணி நியமனக் கடிதங்களை வழங்க உள்ளார்.</p>
<h2><strong>51,000 இளைஞர்களுக்கு காத்திருக்கும் ஜாக்பாட்:</strong></h2>
<p>இந்த நிகழ்ச்சியில் 51,000-க்கும் அதிகமானவர்களுக்கு நியமனக் கடிதங்களை வழங்கி அவர் உரையாற்ற உள்ளார். வேலைவாய்ப்பு உருவாக்கத்திற்கு அதிக முன்னுரிமை அளிக்க வேண்டும் என்ற பிரதமரின் உறுதிப்பாட்டை நிறைவேற்றுவதற்கான ஒரு நடவடிக்கையாக வேலைவாய்ப்புத் திருவிழாக்கள் (ரோஜ்கார் மேளா) நடைபெற்று வருகின்றன.</p>
<p>இளைஞர்களுக்கு அதிகாரமளித்தலுக்கும் தேசக் கட்டுமானத்தில் அவர்களின் பங்கேற்புக்கும் அர்த்தமுள்ள வாய்ப்புகளை வழங்குவதில் வேலைவாய்ப்புத் திருவிழாக்கள் குறிப்பிடத்தக்க பங்கை வகிக்கின்றன. நாடு முழுவதும் இதுவரை நடத்தப்பட்ட வேலைவாய்ப்புத் திருவிழாக்கள் மூலம் 10 லட்சத்திற்கும் மேற்பட்டோருக்கு பணி நியமனக் கடிதங்கள் வழங்கப்பட்டுள்ளன.</p>
<h2><strong>அப்பாயிண்ட்மெண்ட் லெட்டர் கொடுக்கும் மோடி:</strong></h2>
<p>நாடு முழுவதும் 47 இடங்களில் 16-வது வேலைவாய்ப்புத் திருவிழா நாளை நடைபெறவுள்ளது. மத்திய அரசின் அமைச்சகங்கள், துறைகளில் பணியாற்ற நாடு முழுவதிலுமிருந்து தேர்ந்தெடுக்கப்பட்ட புதிய பணியாளர்களுக்கு இதில் நியமன ஆணைகள் வழங்கப்பட உள்ளன.</p>
<p> </p>
<blockquote class="twitter-tweet">
<p dir="ltr" lang="en">Under Rozgar Mela, Prime Minister <a href="https://twitter.com/narendramodi?ref_src=twsrc%5Etfw">@narendramodi</a> to distribute more than 51,000 appointment letters to newly appointed youth in Government departments and organisations tomorrow<br /><br />🔸The 16th <a href="https://twitter.com/hashtag/RozgarMela?src=hash&ref_src=twsrc%5Etfw">#RozgarMela</a> will be held at 47 locations across the country. The recruitments are taking… <a href="https://t.co/1e3FkONwMH">pic.twitter.com/1e3FkONwMH</a></p>
— PIB India (@PIB_India) <a href="https://twitter.com/PIB_India/status/1943577097106333917?ref_src=twsrc%5Etfw">July 11, 2025</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p>ரயில்வே, உள்துறை, அஞ்சல் துறை, சுகாதாரம், நிதிச் சேவைகள், தொழிலாளர் நலன் உள்ளிட்ட பல்வேறு அமைச்சகங்கள் மற்றும் துறைகளில் இவர்கள் பணியில் சேர உள்ளனர்.</p>
<p><strong>இதையும் படிக்க: <a title="ரேஷன் கார்டில் திருத்தம் செய்ய அறிய வாய்ப்பு...! பெயர் சேர்த்தல், நீக்கம் உட்பட முக்கிய சேவைகள்! தவறவிடாதீர்!" href="https://tamil.abplive.com/news/villupuram/villupuram-news-ration-card-grievance-redressal-camp-important-services-including-name-addition-and-deletion-tnn-228524#google_vignette" target="_self">ரேஷன் கார்டில் திருத்தம் செய்ய அறிய வாய்ப்பு...! பெயர் சேர்த்தல், நீக்கம் உட்பட முக்கிய சேவைகள்! தவறவிடாதீர்!</a></strong></p>
5 months ago
4 
