ஹிட் கன்னட படத்தின் தமிழ் ரீமேக்கை தயாரிக்கும் சிவகார்த்திகேயன்..அட கேமியோ வேறயா!

<p>சிவகார்த்திகேயன் தயாரிப்பில் அண்மையில் வெளியான தாய்கிழவி திரைப்படம் ப்ளாக்பஸ்டர் வெற்றிபெற்றுள்ளது. தாய்கிழவி படத்தின் வெற்றிவிழாவில் தான் தயாரிக்க இருக்கும் அடுத்த படத்தின் இயக்குநர் அம்மாமுத்து சூர்யாவை சிவகார்த்திகேயன் அறிமுகம் செய்தார். தற்போது கிடைத்துள்ள தகவலின்படி பிரபல கன்னட படத்தின் ரீமேக்கை சிவகார்த்திகேயன் அடுத்தபடியாக தயாரிக்க உள்ளார். மேலும் இந்த படத்தில் அவர் சிறப்பு தோற்றத்திலும் நடிக்க உள்ளதாக கூறப்படுகிறது</p> <p>&nbsp;நடிகராக தனக்கென ஒரு மார்கெட்டை உருவாக்கியுள்ள சிவகார்த்திகேயன் பல இளம் இயக்குநர்களின் படங்களை தயாரித்தும் வருகிறார். கனா , வாழ் , டாக்டர் , டான் , கொட்டுக்காளி , சமீபத்தில் வெளியான தாய்கிழவி சிவகார்த்திகேயன் ப்ரோடக்&zwnj;ஷன்ஸ் தயாரிப்பில் வெளியான படங்கள் மக்களிடம் பெரும் வரவேற்பைப் பெற்றுள்ளன. குறிப்பாக சமீபத்தில் வெளியான தாய்கிழவி திரைப்படம் இந்த ஆண்டின் மிகப்பெரிய வெற்றிப்படங்களில் ஒன்றாக அமைந்துள்ளது.&nbsp; இப்படம் தமிழ்நாட்டில் மட்டும் ரூ50 கோடியும் உலகளவில் ரூ70 கோடி வரை&nbsp; வசூலித்துள்ளதாக கூறப்படுகிறது .&nbsp;</p> <h2>சிவகாத்திகேயனின் அடுத்த தயாரிப்பு&nbsp;</h2> <p>தாய்கிழவி படத்தின் வெற்றிவிழாவில் சிவகார்த்திகேயன் தான் தயாரிக்க இருக்கும் அடுத்த படத்தின் இயக்குநர் அம்மாமுத்து சூய்ராவை ஏற்கனவே அறிமுகம் செய்து வைத்தார். இவர் முன்னதாக ஆர்ஜே பாலாஜி நடிக்கவிருந்த ஹேப்பி எண்டிங் படத்தை இயக்கவிருந்தார். இந்த படத்தின் ப்ரோமோ எல்லாம் வெளியாகி வரவேற்பைப் பெற்று படம் கைவிடப்பட்டது. தற்போது இவர் பிரபல கன்னட திரைப்படமான 'ஹாஸ்டர் ஹூடுகாரு பேக்காகித்தாரே'&nbsp; படத்தை தமிழில் ரீமேக் செய்யவிருப்பதாகவும் சிவகார்த்திகேயன் இந்த படத்தை தயாரிக்க இருப்பதாகவும் தகவல் வெளியாகியுள்ளது.&nbsp; கன்னட மொழியில் இந்த படத்தில் கன்னட நடிகர் ரக்&zwnj;ஷித் ஷெட்டி கேமியோ ரோலில் நடித்திருந்தார். அதேபோல் தமிழில் இந்த படத்தில் சிவகார்த்திகேயன் கேமியோ ரோலில் நடிக்க இருப்பதாகவும் தகவல்கள் வெளியாகியுள்ளன.&nbsp;</p> <h2>தாய்கிழவி ஓடிடி ரிலீஸ்&nbsp;</h2> <p>சிவகார்த்திகேயன் தயாரிப்பில் சிவகுமார் முருகேசன் இயக்கத்தில் ராதிகா சரத்குமார் முதன்மை கதாபாத்திரத்தில் நடித்த படம் தாய்கிழவி. இப்படம் கடந்த பிப்ரவரி 27 ஆம் தேதி திரையரங்கில் வெளியானது. வரும் மார்ச் 26 ஆம் தேதி தாய்கிழவி திரைப்படம் ஜியோ ஹாட்ஸ்டார் ஓடிடி தளத்தில் வெளியாகும் என எதிர்பார்க்கப்படுகிறது. ஆனால் படம் இன்னும் திரையரங்கில் ஓடிக்கொண்டிருப்பதால் படத்தின் ஓடிடி ரிலீஸ் இன்னும் சில வாரம் ஒத்திவைக்கப்பட வாய்ப்புள்ளதாக தகவல்கள் வெளியாகியுள்ளன.&nbsp;</p>