வாவ்.. சிஏ தேர்வில் மதுரை மாணவி டாப்: தரவரிசையில் மாணவிகள் ஆதிக்கம்- எவ்வளவு தேர்ச்சி வீதம்?

<p>இந்திய பட்டயக் கணக்காளர்கள் நிறுவனம் (ICAI) ஜனவரி 2026-ல் நடத்திய சி.ஏ பவுண்டேஷன் மற்றும் இன்டர்மீடியட் தேர்வு முடிவுகள் இன்று (மார்ச் 8) வெளியாகி உள்ளன. இம்முறை வெளியான முடிவுகளில், அகில இந்திய அளவிலான தரவரிசைப் பட்டியலில் மாணவிகள் ஆதிக்கம் செலுத்தியுள்ளது கவனிக்கத்தக்கது.</p> <p><strong>மதுரை மாணவி சாதனை</strong></p> <p><br />சி.ஏ. பவுண்டேஷன் எனப்படும் அடிப்படை தேர்வில் மதுரையைச் சேர்ந்த&nbsp;<strong>லோகப்பிரியா</strong> என்ற மாணவி அகில இந்திய அளவில் முதலிடம் பிடித்து சாதனை படைத்துள்ளார். இவர் 400-க்கு 366 மதிப்பெண்கள் பெற்று, 91.5 சதவீத மதிப்பெண்களைப் பெற்றுள்ளார். அவரைத் தொடர்ந்து மிட்னாபூரைச் சேர்ந்த குஷி சிகாரியா இரண்டாம் இடத்தைப் பிடித்துள்ளார். பவுண்டேஷன் தேர்வில் ஒட்டுமொத்த தேர்ச்சி விகிதம் 19.23 சதவீதமாக உள்ளது.</p> <p><strong>இன்டர்மீடியட்</strong> <strong>தேர்வு</strong> <strong>விவரம்</strong></p> <p><br />இன்டர்மீடியட் தேர்வில், எல்லனாபாத்தைச் சேர்ந்த கன்ஹையா லால் (Kanhiya Lal) 600-க்கு 508 மதிப்பெண்கள் பெற்று முதலிடம் பிடித்தார். இருப்பினும், அடுத்தடுத்த இடங்களை மாணவிகளே தக்கவைத்துள்ளனர். பெரிந்தல் மன்னாவைச் சேர்ந்த&nbsp;பாத்திமா ஷெசா&nbsp;(Fathima Shehza) இரண்டாம் இடத்தையும், ஃபரிதாபாத்தைச் சேர்ந்த&nbsp;வன்யா பன்சால்&nbsp;மூன்றாம் இடத்தையும் பிடித்து அசத்தியுள்ளனர்.</p> <p><strong>தேர்ச்சி விகிதம்</strong></p> <p>2026 பவுண்டேஷன் தேர்வில் மொத்தம் 57,238 மாணவர்கள் கலந்து கொண்டனர், இவர்களில் 11,523 பேர் தேர்ச்சி பெற்றுள்ளனர். அதேபோல், 52,456 மாணவிகள் தேர்வெழுதிய நிலையில், 9,576 பேர் தேர்ச்சி அடைந்துள்ளனர். இந்தியா முழுவதும் 566 மையங்களில் இத்தேர்வுகள் நடைபெற்றன.</p> <p>இதில் மாணவர்களின் தேர்ச்சி விகிதம் 20.13 சதவீதமாகவும், மாணவிகளின் தேர்ச்சி விகிதம் 18.26 சதவீதமாகவும் பதிவாகியுள்ளது. பவுண்டேஷன் தேர்வின் ஒட்டுமொத்த தேர்ச்சி விகிதம் 19.23 சதவீதமாகும்.</p> <p><strong>இன்டர்மீடியட்</strong> <strong>தேர்வு </strong><strong>விவரம்</strong></p> <p><br />இன்டர்மீடியட் தேர்வைப் பொறுத்தவரை, குரூப் 1-ல் 1,05,526 பேர் தேர்வெழுதியதில் 14,733 பேர் தேர்ச்சி பெற்றுள்ளனர். குரூப் 2-ல் 69,477 பேர் தேர்வெழுதியதில் 10,798 பேர் தேர்ச்சி அடைந்துள்ளனர். இரண்டு குரூப்களையும் (Both Groups) சேர்த்து 41,798 பேர் தேர்வெழுதிய நிலையில், அவர்களில் 3,924 பேர் மட்டுமே தேர்ச்சி பெற்றுள்ளனர்.</p> <p>இதன் அடிப்படையில், இன்டர்மீடியட் குரூப் 1-ல் 13.96 சதவீதத்தினரும், குரூப் 2-ல் 15.54 சதவீதத்தினரும் தேர்ச்சி பெற்றுள்ளனர். இரண்டு குரூப்களையும் சேர்த்து எழுதியவர்களில் 9.39 சதவீதம் பேர் மட்டுமே தேர்ச்சி பெற்றுள்ளனர்.</p> <p>இந்தத் தேர்வுகளில் வெற்றி பெற்ற மாணவர்கள் மற்றும் தரவரிசையில் இடம்பிடித்த மாணவிகளுக்குப் பாராட்டுகள் குவிந்து வருகின்றன.</p> <p><strong>தேர்வு முடிவுகளை காண்பது எப்படி?</strong></p> <p>தேர்வு முடிவுகளை மாணவர்கள்&nbsp;<strong>icai.nic.in</strong>&nbsp;என்ற இணையதளத்தில் தங்கள் பதிவு எண் மற்றும் ரோல் நம்பரைப் பயன்படுத்தித் தெரிந்து கொள்ளலாம்.</p> <p><iframe class="vidfyVideo" style="border: 0px;" src="https://tamil.abplive.com/web-stories/health/how-to-keep-your-skin-glowing-in-summer-252519" width="631" height="381" scrolling="no"></iframe></p>