லண்டன், ஜெர்மனிக்குப் பறக்கும் முதல்வர் ஸ்டாலின்- தேதி வாரியாக 10 நாள் பயண விவரம் இதோ!

<p>முதலமைச்சர் மு.க.ஸ்டாலின் தொழில் ஒப்பந்தங்களை மேற்கொள்ள, 5ஆம் முறையாக வெளிநாடு செல்கிறார்.&nbsp; இந்த முறை லண்டன், ஜெர்மனி ஆகிய நாடுகளுக்கு 10 நாட்கள் செல்ல உள்ளார்.</p> <h2><strong>எப்போது செல்கிறார்?</strong></h2> <p>ஆகஸ்ட் 30ஆம் தேதி கிளம்பும் முதல்வர் ஸ்டாலின், செப்டம்பர் 8ஆம் தேதி வரை சுற்றுப்பயணம் மேற்கொண்டு, முதலீடுகளை ஈர்க்க உள்ளார்.&nbsp;இந்த நிலையில், தேதி வாரியாக அவரது பயண விவரம் வெளியாகி உள்ளது. எனினும் இந்தத் தகவல் அரசுத் தரப்பில் இன்னும் உறுதி செய்யப்படவில்லை.</p> <h2><strong>வெளியான உத்தேச பயண விவரங்கள்</strong></h2> <p><strong>ஆகஸ்ட் 30:</strong> முதல்வர் ஸ்டாலின் சென்னை விமான நிலையத்தில் இருந்து ஜெர்மனி நாட்டுக்குக் கிளம்புகிறார்.</p> <p><strong>ஆகஸ்ட் 31:</strong> ஜெர்மனியில் உள்ள அயலக அணி நிர்வாகிகளை சந்தித்துப் பேசுகிறார்.</p> <p><strong>செப்டம்பர் 1:</strong> ஜெர்மனியில் இருந்து லண்டன் செல்கிறார்</p> <p><strong>செப்டம்பர் 2 அல்லது 3:</strong> கேம்பிரிட்ஜ் பல்கலைக்கழகத்தில் உள்ள தொழில்முனைவோர்களைச் சந்தித்துப் பேசுகிறார்.</p> <p><strong>செப்டம்பர் 4 அல்லது 5:</strong> ஆக்ஸ்போர்டு பல்கலைக்கழகத்தில் நடைபெற உள்ள அயலகத் தமிழர் நல வாரியத்தின் நிகழ்ச்சிகளில் கலந்துகொள்கிறார்.</p> <p><strong>&nbsp;செப்டம்பர் 6:</strong> லண்டனில் உள்ள தமிழர் நல வாரியம் நடத்தும் பல்வேறு நிகழ்வுகளில் பங்கேற்க உள்ளார்.</p> <p><strong>&nbsp;செப்டம்பர் 7:</strong> லண்டனில் இருந்து சென்னை கிளம்புகிறார்</p> <p><strong>&nbsp;செப்டம்பர் 8:</strong> அதிகாலையில் சென்னை திரும்புகிறார்.</p> <h2><strong>4 வெளிநாடுகளுக்குச் சென்ற முதல்வர் ஸ்டாலின்</strong></h2> <p>முன்னதாக 2022ஆம் ஆண்டு மார்ச் மாதம் 5 நாட்கள் பயணமாக முதல்வர் ஸ்டாலின் துபாய் சென்றார். 2023ஆம் ஆண்டு மே மாதம் 9 நாட்கள் பயணமாக சிங்கப்பூர், ஜப்பான் ஆகிய நாடுகளுக்குச் சென்றார்.</p> <p>அதேபோல 2024ஆம் ஆண்டு ஸ்பெயின் மற்றும் அமெரிக்கா ஆகிய நாடுகளுக்கு முறையே 8 நாட்கள் மற்றும் 17 நாட்கள் பயணமாக முதல்வர் ஸ்டாலின் சென்று, முதலீடுகளை ஈர்த்து வந்தார்.</p> <h2><strong>&nbsp;ரூ. 18,398 கோடி மதிப்பில் முதலீடு</strong></h2> <p>இந்த வகையில் கடந்த நான்கு ஆண்டுகளில், வெளிநாட்டு பயணங்கள் மூலம் 18,398 கோடி ரூபாய் மதிப்பிலான முதலீட்டு ஒப்பந்தங்கள் கையெழுத்தாகி உள்ளன. இந்த ஒப்பந்தங்களில் சுமார் 77 சதவீதம் முதலீடுகள் நடைமுறையில் அமலாகிவிட்டதாக தொழில் துறை அமைச்சர் டி.ஆர்.பி.ராஜா அண்மையில் தெரிவித்தார்.</p> <p>தமிழ்நாட்டில் சட்டப்பேரவைத் தேர்தலை முன்னிட்டு கூட்டணி, தேர்தல் பணிகள் முழு வீச்சில் தொடங்கி உள்ள நிலையில், முதல்வர் ஸ்டாலினின் வெளிநாட்டுப் பயணம் முக்கியத்துவம் வாய்ந்ததாக மாறி உள்ளது.</p> <p><iframe class="vidfyVideo" style="border: 0px;" src="https://tamil.abplive.com/web-stories/health/wrinkles-on-your-face-at-the-age-of-30-do-it-now-232443" width="631" height="381" scrolling="no"></iframe></p>