"மூளையில் ரத்தக்கசிவு" ஐசியூவில் வினோத் காம்ப்ளி.. உயிருக்கு போராடும் சச்சினின் நண்பர்!

<p>இந்திய அணியின் முன்னாள் கிரிக்கெட் வீரரும் சச்சின் டெண்டுல்கரின் நண்பருமான வினோத் காம்ப்ளியின் உடல்நிலை மோசமாக இருப்பதாக தகவல்கள் வெளியாகியுள்ளன. மகாராஷ்டிராவில் மருத்துவமனையில் அனுமதிக்கப்பட்டுள்ள அவருக்கு மூளையில் ரத்தக்கசிவு ஏற்பட்டிருப்பதாக மருத்துவமனை வட்டாரங்கள் தகவல் தெரிவிக்கின்றன.</p> <p>சச்சினின் பள்ளிக்கால நண்பர் வினோத் காம்ப்ளி. ஒரு காலத்தில் இந்திய அணியின் தவிர்க்க முடியாத வீரராக உருவெடுத்தார். இவருடைய பள்ளி பருவத்தில் சச்சின் டெண்டுல்கருடன் இணைந்து அடித்த 664 ரன்கள் பார்ட்னர்ஷிப் அவரை கிரிக்கெட் உலகில் பிரபலப்படுத்தியது.&nbsp;</p> <p>சச்சினுக்கு பிறகு வினோத் காம்ப்ளி தான் என்று சொல்கிற அளவுக்கு இவருடைய ஆட்டம் இருந்தது. அன்றைய காலக்கட்டத்தில் ஷேன் வார்னேவின் பந்து வீச்சை விளையாட&nbsp; எல்லாரும் திணறிய நிலையில் காம்ப்ளி வார்னேவின் ஒரே ஒவரில் 22 ரன்கள் அடித்து புகழின் உச்சிக்கே சென்றார்.&nbsp;</p> <p><iframe class="vidfyVideo" style="border: 0px;" src="https://tamil.abplive.com/web-stories/entertainment/10-commercial-flop-movies-of-kamal-hassan-209795" width="631" height="381" scrolling="no"></iframe></p> <p>ஆனால், என்னத்தான் புகழின் உச்சிக்கு சென்றாலும் இவர் மீது ஏகப்பட்ட புகார்கள் எழுந்தது. போதைப்பழக்கம், ஒழுக்கமில்லாமல் நடப்பது எனப் பல்வேறு புகார்களில் சிக்கிய காம்ப்ளி, இந்திய அணியிலிருந்து கொஞ்சம் கொஞ்சம் ஓரங்கட்டப்பட்டார்.&nbsp;</p> <p>இதன் பிறகு, சர்வதேச கிரிக்கெட்டில் இருந்து ஓய்வு பெறுவதாக கடந்த 2009ஆம் ஆண்டு காம்ப்ளி அறிவித்தார். சமீப காலமாக, அவரின் உடல்நிலை மோசமடைந்து வந்தது. இந்த நிலையில், மும்பையில் உள்ள தனியார் மருத்துவமனை ஒன்றில் அவர் அனுமதிக்கப்பட்டுள்ளார்.</p> <p>&nbsp;</p>