முதல்வர் விஜயை டார்கெட் செய்த காட்சிகள் நீக்கம் ? மீண்டும் படப்பிடிப்பில் ஜெயிலர் 2

<p>நெல்சன் இயக்கத்தில் ரஜினி நடித்துள்ள ஜெயிலர் 2 திரைப்படம் வரும் அக்டோபர் 15 ஆம் தேதி வெளியாக இருந்த நிலையில் படத்தைச் சுற்றி புதிய சர்ச்சை உருவாகியுள்ளது. ஜெயிலர் 2 படத்தில் முதலமைச்சர் விஜயை விமர்சிக்கும் விதமாக சில வசனங்கள் இடம்பெற்றிருந்ததாகவும் தற்போது இந்த வசங்கள் நீக்கப்பட்டு மீண்டும் படப்பிடிப்பு தொடங்கியுள்ளதாக சினிமா வட்டாரங்களில் தகவல்கள் வெளியாகியுள்ளன. இதனால் ஜெயிலர் 2 படத்தின் ரிலீஸ் தேதி ஒத்திப்போவதற்கான வாய்ப்பும் உள்ளதாக கூறப்படுகிறது</p> <p>சன் பிக்ச்சர்ஸ் தயாரிப்பில் நெல்சன் திலிப் குமார் இயக்கத்தில் ரஜினி நடித்துள்ள படம் ஜெயிலர். ரம்யா கிருஷ்ணன் , யோகி பாபு , ஷிவராஜ்குமார், வித்யா பாலன் , மோகன்லால் , விஜய் சேதுபதி உள்ளிட்ட பல்வேறு நட்சத்திரங்கள் இப்படத்தில் நடித்துள்ளார்கள். அனிருத் இசையமைத்துள்ளார். ஜெயிலர் 2 படத்தின் படப்பிடிப்பு கடந்த ஏப்ரல் மாதம் நிறைவடைந்து போஸ்ட் ப்ரோடக்&zwnj;ஷன் பணிகள் நடைபெற்று வருகிறது. இந்த நிலையில் படத்தில் இருந்து சர்ச்சைக்குரிய காட்சிகள் நீக்கப்பட்டுள்ளதாக சமூக வலைதளத்தில் தகவல் பரவி வருகிறது</p> <h2>விஜயை விமர்சித்து வசனங்கள்&nbsp;</h2> <p>ஜெயிலர் 2 படத்தின் படப்பிடிப்பு கடந்த ஆண்டு&nbsp; ஏப்ரல் மாதம் தொடங்கியது. இதே காலகட்டத்தில் விஜய் அவர்கள் அரசியல் கட்சியை தொடங்கி சட்டமன்ற தேர்தலுக்காக தீவிர அரசியல் பரப்புரையை மேற்கொண்டு வந்தார். வெளியாகியுள்ள தகவலின்படி ஜெயிலர் 2 படத்தில் இடம்பெற்ற சில வசனங்கள் விஜயை விமர்சிக்கும் விதமாக அமைந்துள்ளதாகவும் தற்போது <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> தமிழக முதல்வராக பொறுப்பேற்று வரும் நிலையில் இந்த வசனங்கள் பெரியளவில் சர்ச்சையை ஏற்படுத்தும் என எதிர்பார்க்கப்பட்டது. இதனால் படக்குழு இந்த வசனங்களை நீக்கி அதற்கு பதிலாக புதிய காட்சிகளை எடுத்து வருவதாகவும் கூறப்படுகிறது</p> <p>ஆகஸ்ட் 15 ஆம் தேதி ஜெயிலர் 2 திரைப்படம் வெளியாகும் என அதிகாரப்பூர்வமாக அறிவிக்கப்பட்ட நிலையில் கூடுதல் படப்பிடிப்பு காரணமாக படத்தின் ரிலீஸ் ஒத்திவைக்கப்படவும் வாய்ப்பிருப்பதாக பேசப்படுகிறது. அதன்படி தீபாவளியை ஒட்டி ஜெயிலர் 2 திரைப்படம் திரையரங்கில் வெளியாக வாய்ப்புள்ளதாக கூறப்படுகிறது. இதுகுறித்து படக்குழு தரப்பில் இருந்து எந்த அறிவிப்போ விளக்கமோ இதுவரை அளிக்கப்படவில்லை என்பது குறிப்பிடத்தக்கது.&nbsp;</p> <p><iframe class="vidfyVideo" style="border: 0px;" src="https://tamil.abplive.com/web-stories/auto/7-seater-cars-in-6-lakhs-introducing-this-september-273076" width="631" height="381" scrolling="no"></iframe></p>