<p>நாடாளுமன்றத்திற்கு பாலஸ்தீன கொடி பொறித்த பையுடன் காங்கிரஸ் எம்.பி. பிரியங்கா காந்தி வந்தது பெரும் விவாதப் பொருளாக மாறியுள்ள நிலையில், இந்த விவகாரத்தை முன்வைத்து பாஜக கடும் விமர்சனங்களை மேற்கொண்டு வருகிறது. இதற்கு, வங்கதேசத்தில் இந்துக்கள் மீது தாக்குதல் நடத்தப்படுவது குறித்து அந்நாட்டு அரசிடம் பேசாமல் முட்டாள்த்தனமா பேசுவதாக பிரியங்கா காந்தி பதிலடி அளித்துள்ளார். </p>
<p>பாலஸ்தீனத்தைச் சேர்ந்த ஹமாஸ் அமைப்பினர் மீது இஸ்ரேல் தொடுத்து வரும் போர், உலக மக்களின் மனசாட்சியை உலுக்கி வருகிறது. இஸ்ரேலுக்கும் பாலஸ்தீனத்தை சேர்ந்த ஹமாஸ் அமைப்பினருக்கும் இடையே, கடந்த 2023ஆம் ஆண்டு, அக்டோபர் 7ஆம் தேதி, மோதல் தொடங்கியது.</p>
<p><iframe class="vidfyVideo" style="border: 0px;" src="https://tamil.abplive.com/web-stories/entertainment/superstar-rajni-birthday-wishes-and-biography-movies-awards-209471" width="631" height="381" scrolling="no"></iframe></p>
<p><strong>"முட்டாள்த்தனமா பேசாதீங்க"</strong></p>
<p>தாக்குதலை ஹமாஸ் தொடங்கியிருந்தாலும், அதற்கு பதில் தாக்குதல் நடத்துகிறோம் என்ற பெயரில் இஸ்ரேல் நடத்தி வரும் போர், அப்பாவி மக்களை கொன்று குவித்து வருகிறது. இஸ்ரேல் நடத்தி வரும் போர் மத்திய கிழக்கு முழுவதும் பரவியுள்ளது.</p>
<p>இஸ்ரேலுடன் இணக்கமாக செயல்பட்டு வரும் அதே நேரத்தில், பாலஸ்தீனியர்களுக்கு பல்வேறு வகையில் இந்தியா உதவி வருகிறது. இந்த விவகாரத்தில் இஸ்ரேல் மீது காங்கிரஸ் எம்.பி. பிரியங்கா காந்தி கடுமையான விமர்சனங்களை மேற்கொண்டு வருகிறார்.</p>
<p>இந்த நிலையில், நாடாளுமன்ற குளிர்காலக் கூட்டத்தொடருக்கு பாலஸ்தீன கொடி பொறித்த பையுடன் காங்கிரஸ் எம்.பி. பிரியங்கா காந்தி வந்தது பெரும் விவாதப் பொருளாக மாறியுள்ளது. இதை வைத்து பாஜக கடும் விமர்சனங்களை மேற்கொண்டு வருகிறது.</p>
<p><strong>பாஜகவை வறுத்தெடுத்த பிரியங்கா காந்தி:</strong></p>
<p>இதுகுறித்து பாஜகவின் தேசிய ஐடி பிரிவு பொறுப்பாளர் அமித் மால்வியா கூறுகையில், "நாடாளுமன்றத்தில் பாலஸ்தீனத்திற்கு ஆதரவாக செயல்படுவதாகக் கூறி அதன் சின்னம் பொறித்த பையை கொண்டு வருவது ராகுல் காந்தியை விட அவர் ஒரு பெரிய பேரழிவு என்பதை உணர்த்துகிறது.</p>
<p>அது சரிதான். மதவெறியுடன் செயல்பட்டுவிட்டு முஸ்லீம்களுக்கு சிக்னல் கொடுப்பது இப்போது ஆணாதிக்கத்திற்கு எதிரான நிலைப்பாடாக மறைக்கப்பட்டுள்ளது" என விமர்சித்துள்ளார். இதற்கு பதிலடி அளித்துள்ள பிரியங்கா காந்தி, "வங்கதேசத்தில் இந்துக்களுக்கு எதிராக நடக்கும் கொடுமைகளைப் பற்றி ஏதாவது செய்யச் சொல்லுங்கள். வங்கதேச அரசாங்கத்துடன் பேசுங்கள். முட்டாள்தனமான விஷயங்களைச் சொல்லாதீர்கள்" என குறிப்பிட்டுள்ளார்.</p>
<p><strong>இதையும் படிக்க: <a title="Ilaiyaraaja: நான் என் மரியாதையை விட்டுக்கொடுப்பவன் அல்ல; வதந்தியை நம்பாதீங்க: இளையராஜா" href="https://tamil.abplive.com/entertainment/ilaiyaraaja-explain-about-srivilliputhur-temple-issue-209926" target="_blank" rel="noopener">Ilaiyaraaja: நான் என் மரியாதையை விட்டுக்கொடுப்பவன் அல்ல; வதந்தியை நம்பாதீங்க: இளையராஜா</a></strong></p>
1 year ago
7 
