<p>தமிழ் சின்னத்திரையில் முன்னணி தொலைக்காட்சி சேனல்களில் ஒன்றாக திகழ்வது ஜீ தமிழ். இந்த தொலைக்காட்சியில் ஏராளமான சீரியல்கள், ரியாலிட்டி ஷோக்கள் ஒளிபரப்பாகி வருகிறது. </p>
<h2><strong>நேர மாற்றம்:</strong></h2>
<p>ஜீ தமிழில் திங்கள் முதல் சனி வரை மாலை 6 மணிக்கு ஒளிபரப்பாகி வந்த சீரியல் வீரா. இறுதிக்கட்டத்தை நோக்கி நகர்ந்து வந்த வீரா சீரியல் நேற்றுடன் முடிவுக்கு வந்தது. இதைத் தொடர்ந்து, ஜீ தமிழில் ஒளிபரப்பாகும் சீரியலின் நேரங்கள் மாற்றப்பட்டுள்ளது. இந்த நேர மாற்றம் இன்று முதல் செயல்பாட்டிற்கு வருகிறது.</p>
<p>ஜீ தமிழில் ஒளிபரப்பாகும் முக்கியமான சீரியலில் பிரபலமான சீரியல் சந்தியா ராகம். இதுவரை இரவு 10 மணிக்கு ஒளிபரப்பாகி வந்த சந்தியா ராகம் சீரியல் இன்று முதல் மாலை 6 மணிக்கு ஒளிபரப்பாக உள்ளது. </p>
<h2><strong>ஒரு மணி நேர கார்த்திகை தீபம்:</strong></h2>
<p>ஜீ தமிழில் மிகவும் பிரபலமான சீரியல்களில் ஒன்று கார்த்திகை தீபம். இந்த சீரியலுக்கு ரசிகர்கள் மத்தியில் நல்ல வரவேற்பு உள்ளது. இந்த சீரியல் திங்கள் முதல் வெள்ளி வரை இரவு 9 மணிக்கு ஒளிபரப்பாகி வருகிறது. இந்த சீரியல் இனிமேல் தினசரி ஒரு மணி நேர எபிசோடாக ஒளிபரப்பாக உள்ளது.</p>
<p>மற்றொரு பிரபலமான இதன் காரணமாக இதுவரை இரவு 9:30 மணிக்கு ஒளிபரப்பாகி வந்த வாகை சூடவா சீரியல் இனி இரவு 10 மணிக்கு ஒளிபரப்பாக உள்ளதாக அறிவிக்கப்பட்டுள்ளது. </p>
<h2><strong>டப்பிங் சீரியல்கள்:</strong></h2>
<p>இது மட்டுமின்றி, ஜீ தமிழ் தொலைக்காட்சியில் ஒளிபரப்பாகும் டப்பிங் சீரியல்களுக்கு என்று தனி வரவேற்பு உள்ளது. 3:30 மணிக்கு வசுதா என்ற பெயரிலும், 4:30 மணிக்கு என்ன சொல்லப் போகிறாய் என்ற பெயரில் இரண்டு புதிய டப்பிங் சீரியல்களும் ஒளிபரப்பாக உள்ளது. </p>
<p>பிரபலமான சன் மற்றும் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> தொலைக்காட்சிகளுக்கு போட்டியாக ஜீ தமிழில் ஒளிபரப்பாகும் சீரியல்களுக்கும் வரவேற்பு இருந்து வரும சூழலில், இந்த சீரியல்களின் நேர மாற்றத்துடன் புதிய டப்பிங் சீரியல்களுக்கும் வரவேற்பு கிடைக்கும் என்று கருதப்படுகிறது. </p>
1 month ago
2 
