மீடியன் இல்லாத பாலம்.. கனமழையில் கட்டுப்பாட்டை இழந்த பேருந்து.. திக் திக் நிமிடங்கள்!

<p>பஞ்சாப்பில் கனமழை பெய்து வரும் நிலையில், மீடியன் இல்லாத பாலத்தில் பேருந்து சென்று கொண்டிருந்தபோது&nbsp; கட்டுப்பாட்டை இழந்த பேருந்து பாலத்தில் இருந்து கீழே விழுந்து விபத்துக்குள்ளானது. பேருந்தில் பயணம் செய்த 8 பேர் இந்த விபத்தில் உயிரிழந்ததாக தகவல்கள் வெளியாகியுள்ளன.</p> <p>பஞ்சாப் மாநிலம் பதிண்டா நகரில் இந்த விபத்து நடந்துள்ளது. மீடியன் இல்லாத பாலத்தில் பேருந்து ஒன்று சென்று கொண்டிருந்தது. பெரும் கனமழை பெய்து வந்த நிலையில், கட்டுப்பாட்டை இழந்த பேருந்து பாலத்தில் இருந்து கீழே விழுந்தது.</p> <p><iframe class="vidfyVideo" style="border: 0px;" src="https://tamil.abplive.com/web-stories/education/rare-and-elusive-wild-animal-in-india-210824" width="631" height="381" scrolling="no"></iframe></p> <p>இதுகுறித்து அதிகாரிகள் கூறுகையில், "20-க்கும் மேற்பட்ட பயணிகளை ஏற்றிக்கொண்டு, தல்வாண்டி சபோவில் இருந்து பதிண்டா நகரை நோக்கி பேருந்து சென்றிருக்கிறது. உள்ளூர்வாசிகள் சம்பவ இடத்திற்கு விரைந்து மக்களை மீட்க உதவியதுடன், காவல்துறை மற்றும் உள்ளூர் நிர்வாகத்தின் குழுக்களுக்கு இணைந்து செயல்பட்டனர்.</p> <p>இந்த விபத்தில் எட்டு பேர் உயிரிழந்தனர். காயமடைந்தவர்கள் மருத்துவமனைக்கு கொண்டு செல்லப்பட்டுள்ளனர். பேருந்து கட்டுப்பாட்டை இழந்ததற்கு கனமழை காரணமா என்பது குறித்து விசாரணை நடத்தப்பட்டு வருகிறது" என்றார்.</p> <p>இந்தியாவில் சாலை விபத்துகளின் எண்ணிக்கை நாளுக்கு நாள் அதிகரித்துக் கொண்டே வருகிறது. இந்தியாவில் 2021ஆம் ஆண்டு 4,12,432 சாலை விபத்துகள் நடந்துள்ளன. இதில் 1,53,972 பேர் மரணம் அடைந்துள்ளனர். 3,84,448 பேர் காயம் அடைந்துள்ளனர். 2020-ம் ஆண்டை விட 2021-ம் ஆண்டில் சாலை விபத்துகளின் எண்ணிக்கை அதிகரித்துள்ளது. 2020-ம் ஆண்டு இந்தியாவில் 3,84,448 விபத்துகளில் 1,31,714 பேர் மரணம் அடைந்தனர். 3,48,279 பேர் காயம் அடைந்தனர்.</p> <p>2021-ம் ஆண்டு தமிழகத்தில் 55,682 விபத்துகள் பதிவாகி உள்ளது. இதன்படி, அதிக விபத்துகள் பதிவான மாநிலங்களில் தமிழகம் முதல் இடத்தில் உள்ளது. 2020-ம் ஆண்டை விட 2021-ம் ஆண்டில் 10,000 சாலை விபத்துகள் அதிகமாக நிகழ்ந்துள்ளன. 2021-ம் தமிழகத்தில் நடந்த சாலை விபத்துகளில் 15,384 பேர் மரணம் அடைந்தனர். இதன்படி அதிக மரணங்கள் பதிவான மாநிலங்களில் தமிழகம் 2-ம் இடத்தில் உள்ளது. 2020-ம் ஆண்டை விட 2021-ம் ஆண்டில் 5,000 மரணங்கள் அதிகரித்துள்ளது.</p> <p><strong>இதையும் படிக்க: <a title="ICAI CA Toppers: என்னது; 15% கூட தேர்ச்சி இல்லையா? ஆனாலும் திருப்பதிதான் முதலில்- சிஏ தேர்வு முடிவுகள் இதோ!" href="https://tamil.abplive.com/education/icai-ca-november-exam-2024-final-result-declared-13-44-of-students-pass-know-the-toppers-211001" target="_blank" rel="noopener">ICAI CA Toppers: என்னது; 15% கூட தேர்ச்சி இல்லையா? ஆனாலும் திருப்பதிதான் முதலில்- சிஏ தேர்வு முடிவுகள் இதோ!</a></strong></p>