மாணவர்களுக்கு ஹேப்பி நியூஸ்! கனமழை எதிரொலி: காரைக்காலில் இன்று பள்ளிகள் விடுமுறை!

<p>புதுச்சேரி: காரைக்காலில் தொடர் மழை பெய்து வருவதால் மாணவர்கள் நலன் கருதி காரைக்காலில் உள்ள அனைத்து பள்ளிகளுக்கும் விடுமுறை அளித்து கல்வித்துறை அமைச்சர் நமச்சிவாயம் உத்தரவு.&nbsp;</p> <h2>காரைக்காலில் பள்ளிகளுக்கு மட்டும் விடுமுறை</h2> <p>குமரிக்கடல் மற்றும் அதனை ஒட்டிய பகுதிகளின் மேல் ஒரு வளிமண்டல கீழடுக்கு சுழற்சி நிலவுவதாக சென்னை வானிலை மையம் தெரிவித்திருந்தது. இதன்காரணமாக இன்று (13-01-2026) தென்தமிழகத்தில் ஒருசில இடங்களிலும், வடதமிழகத்தில் ஓரிரு இடங்களிலும் , புதுச்சேரி மற்றும் காரைக்கால் பகுதிகளிலும் இடி, மின்னலுடன் கூடிய மழை பெய்யக்கூடும் என்று தெரிவிக்கப்பட்டிருந்தது. இதனிடையே காரைக்கால் பகுதிகளில் விடிய, விடிய தொடர்ந்து மழை பெய்து வருகிறது.</p> <p>இந்நிலையில் தொடர் கனமழை காரணமாக கரைக்காலில் உள்ள அனைத்து பள்ளிகளுக்கும் இன்று (13.01.2026) விடுமுறை அளிக்கப்படுவதாக கல்வி அமைச்சர் நமசிவாயம் அறிவிப்பு வெளியிட்டுள்ளார்.</p> <h2>வானிலை நிலவரம்&nbsp;</h2> <p>தமிழகத்தில் நிலவும் வளிமண்டல கீழடுக்கு சுழற்சி காரணமாக, இன்று முதல் அடுத்த 6 நாட்களுக்கு (ஜனவரி 18 வரை) பரவலாக மழை பெய்ய வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.</p> <h3>வளிமண்டல சுழற்சி மற்றும் மழை வாய்ப்பு</h3> <p>குமரிக்கடல் மற்றும் அதனை ஒட்டிய பகுதிகளின் மேல் நிலவும் வளிமண்டல கீழடுக்கு சுழற்சி காரணமாக, செவ்வாய்க்கிழமை&nbsp; 13 முதல் ஜனவரி 18-ஆம் தேதி வரை தமிழகத்தின் பல்வேறு பகுதிகளில் மழை பெய்யக்கூடும்.</p> <p><strong>தென் தமிழகம்:</strong> ஒரு சில இடங்களில் இடி, மின்னலுடன் கூடிய மிதமான மழை பெய்ய வாய்ப்புள்ளது.</p> <p><strong>வட தமிழகம்:</strong> ஓரிரு இடங்களில் மிதமான மழைக்கு வாய்ப்பு உள்ளது.</p> <p><strong>புதுச்சேரி &amp; காரைக்கால்</strong>: இங்கும் மிதமான மழை தொடரும் என அறிவிக்கப்பட்டுள்ளது.</p> <p><strong>சென்னை &amp; புறநகர்</strong>: அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும்.</p> <h3>கடந்த 24 மணி நேர மழை அளவு</h3> <p>தமிழகத்தில் திங்கள்கிழமை காலை வரை பதிவான மழை அளவுகளின்படி, அதிகபட்சமாக திருநெல்வேலி மாவட்டம் ஊத்து மற்றும் நாலுமுக்கு பகுதிகளில் தலா 70 மி.மீ மழை பதிவாகியுள்ளது.</p> <h3>இதர பகுதிகள்:</h3> <p>காக்காச்சி, குன்னூர் - தலா 50 மி.மீ.</p> <p>கோடநாடு, மாஞ்சோலை, கோத்தகிரி - தலா 40 மி.மீ.</p> <p>கொடைக்கானல், வேளாங்கண்ணி, வேதாரண்யம் உள்ளிட்ட பகுதிகளில் பரவலாக 20 மி.மீ முதல் 30 மி.மீ வரை மழை பெய்துள்ளது.</p> <h3>மீனவர்களுக்கான எச்சரிக்கை</h3> <p>கடலோரப் பகுதிகளில் காற்றின் வேகம் அதிகமாக இருக்கும் என்பதால் மீனவர்களுக்கு எச்சரிக்கை விடுக்கப்பட்டுள்ளது. குறிப்பாக:</p> <p>மன்னார் வளைகுடா மற்றும் குமரிக்கடல் பகுதிகளில் செவ்வாய் மற்றும் புதன்கிழமை 13, 14) சூறாவளிக்காற்று மணிக்கு 55 கி.மீ வேகத்தில் வீசக்கூடும். எனவே, இப்பகுதிகளுக்கு மீனவர்கள் செல்ல வேண்டாம் என அறிவுறுத்தப்பட்டுள்ளது.</p>