மக்களே.. தமிழ்நாட்டில் குழந்தை பிறப்பு விகிதம் தொடர் சரிவு - 5 ஆண்டுகளில் இந்தளவு சறுக்கலா?

<p>ஒரு காலத்தில் மக்கள்தொகை வளர்ச்சியில் அபரிமிதமாக இருந்து வந்த தமிழ்நாடு பின்னர் அரசு எடுத்த பல்வேறு முயற்சியால் மக்கள்தொகை கட்டுப்படுத்தப்பட்டது. ஆனால், கடந்த சில வருடங்களில் தமிழ்நாட்டில் குழந்தைகள் பிறக்கும் விகிதம் தொடர்ந்து சரிந்து வருகிறது.&nbsp;</p> <h2><strong>குழந்தைகள் பிறப்பு விகிதம் சரிவு:</strong></h2> <p>பொருளாதார நிலை, அதிகரித்து வரும் செலவு உள்ளிட்ட பல காரணங்களால் பல பெற்றோர்களும் ஒரு குழந்தையுடன் நிறுத்திக் கொள்கின்றனர். கடந்த 5 ஆண்டுகளில் தமிழ்நாட்டில் குழந்தை பிறப்பு என்பது ஒவ்வொரு ஆண்டும் சரிந்து வருகிறது.&nbsp;</p> <h2><strong>2020ம் ஆண்டு :</strong></h2> <p>மொத்த குழந்தைகள் பிறப்பு &nbsp;- 9 லட்சத்து 24 ஆயிரத்து 256</p> <p>ஆண் குழந்தைகள் - 4 லட்சத்து 76 ஆயிரத்து 054</p> <p>பெண் குழந்தைகள் - 4 லட்சத்து 70 ஆயிரத்து 043</p> <h2><strong>2021ம் ஆண்டு:</strong></h2> <p>மொத்த குழந்தைகள் பிறப்பு - 9 லட்சத்து 12 ஆயிரத்து 869</p> <p>ஆண் குழந்தைகள் - 4 லட்சத்து 70 ஆயிரத்து 043</p> <p>பெண் குழந்தைகள் - 4 லட்சத்து 42 ஆயிரத்து 797</p> <h2><strong>2022ம் ஆண்டு:</strong></h2> <p>மொத்த குழந்தைகள் பிறப்பு - 9 லட்சத்து 36 ஆயிரத்து 361</p> <p>ஆண் குழந்தைகள் - 4 லட்சத்து 82 ஆயிரத்து 531</p> <p>பெண் குழந்தைகள் - 4 லட்சத்து 53 ஆயிரத்து 801</p> <h2><strong>2023ம் ஆண்டு:</strong></h2> <p>மொத்த குழந்தைகள் பிறப்பு - 9 லட்சத்து 02 ஆயிரத்து 329</p> <p>ஆண் குழந்தைகள் - 4 லட்சத்து 65 ஆயிரத்து 063</p> <p>பெண் குழந்தைகள் - 4 லட்சத்து 37 ஆயிரத்து 249</p> <h2><strong>2024ம் ஆண்டு:</strong></h2> <p>மொத்த குழந்தைகள் பிறப்பு - 8 லட்சத்து 47 ஆயிரத்து 668</p> <p>ஆண் குழந்தைகள் - 4 லட்சத்து 37 ஆயிரத்து 397</p> <p>பெண் குழந்தைகள் - 4 லட்சத்து 10 ஆயிரத்து 241</p> <h2><strong>தொடர் சரிவு:</strong></h2> <p>கடந்த 2020ம் ஆண்டு தமிழ்நாட்டில் 9.25 லட்சம் குழந்தைகள் பிறந்த நிலையில், கடந்தாண்டு 8.47 லட்சம் குழந்தைகள் மட்டுமே பிறந்துள்ளது. பிறப்பு விகிதம் என்பது கடந்த 2023ஐ காட்டிலும் 2024ம் ஆண்டில் 6.09 சதவீதம் சரிந்துள்ளது.&nbsp;</p> <p>தற்போதுள்ள இந்திய மக்கள்தொகை கணக்கீட்டின்படி மக்கள்தொகை அதே அளவில் நீடிக்க ஆண்டுதோறும் பிறப்பு விகிதம் தேசிய அளவில் 2.10 சதவீதம் இருக்க வேண்டும். ஆனால், இந்திய அளவில் இது 1.90 சதவீதம் உள்ளது. தமிழ்நாட்டு அளவில் 1.40 சதவீதமாக உள்ளது.&nbsp;</p> <h2><strong>ஆரோக்கியமானதா?</strong></h2> <p>தமிழக அளவிலும், இந்திய அளவிலும் தற்போதுள்ள கணக்கீட்டின்படி குழந்தைகள் பிறப்பு விகிதம் குறைவு என்பது சில விஷயங்களில் ஆரோக்கியமானதாக இருந்தாலும், எதிர்காலத்தில் இதேபோன்று ஆரோக்கியமானதாக இருக்குமா? என்பது கேள்விக்குறியாகும்.&nbsp;</p> <p>மேலும், ஒரு வீட்டில் ஒரே குழந்தை மட்டுமே இருப்பது என்பது தனிப்பட்ட முறையில் அண்ணன் - தம்பி, அண்ணன் - தங்கை, அக்கா - தம்பி, அக்கா - தங்கை போன்ற சகோதரத்துவத்தின் பாசம் கிடைக்காத சூழலை உண்டாக்கும் அபாயமும் இருப்பதாகவும், இது அந்த குழந்தைகளின் மன நிலையை மிகவும் மோசமாக பாதிக்கும் என்றும் சமூக ஆர்வலர்கள் வேதனையுடன் தெரிவிக்கின்றனர்.&nbsp;</p>