<p>புதுச்சேரி: புதுச்சேரி பட்ஜெட் இன்று காலை 9:00 மணிக்கு முதல்வர் ரங்கசாமி தாக்கல் செய்தார்.</p>
<p>புதுச்சேரி சட்டப்பேரவை கூட்டத் தொடர் நேற்று முன்தினம் ஆளுநர் உரையுடன் துவங்கியது. இரண்டாம் நாள் அமர்வு நேற்று காலை 9:30 மணிக்கு துவங்கியது. சபாநாயகர் செல்வம் திருக்குறள் வாசித்து சபையை துவக்கி வைத்தார்.</p>
<p>அதைத்தொடர்ந்து, மறைந்த முன்னாள் எம்.எல்.ஏ.,க்கள் மற்றும் வயநாடு நிலச்சரிவில் உயிரிழந்தோர்க்கு இரங்கல் தீர்மானம் வாசிக்கப்பட்டு இரண்டு நிமிடம் மவுன அஞ்சலி செலுத்தப்பட்டது. அதைத் தொடர்ந்து ஆளுநர் உரை மீது நன்றி தெரிவிக்கும் தீர்மானத்தின் மீது விவாதம் நடந்தது.</p>
<p>அதில், 9 சட்டமன்ற உறுப்பினர்கள் தங்கள் கருத்துக்களை பதிவு செய்தனர். அதை தொடர்ந்து மதியம் 12:20 மணிக்கு சபை நடவடிக்கை முடிந்து ஒத்தி வைப்பதாகவும், இன்று காலை 9:00 மணிக்கு சபை துவங்கும் என சபாநாயகர் செல்வம் அறிவித்தார்.</p>
<p>நிதித்துறை பொறுப்பு வகிக்கும் முதலமைச்சர் ரங்கசாமி இன்று காலை 9:00 மணிக்கு புதுச்சேரியில் 2024 - 25 நிதியாண்டுக்கான <a title="பட்ஜெட்" href="https://tamil.abplive.com/topic/budget-2024" data-type="interlinkingkeywords">பட்ஜெட்</a>டை தாக்கல் செய்தார். </p>
<p>பட்ஜெட் தாக்கல் என்பது முதல்வர் ரங்கசாமி வாசிக்கையில்...</p>
<p>3-வது முறையாக பிரதமராக மோடியை தேர்ந்தெடுத்த மக்களுக்கு பாராட்டுகளை தெரிவித்துக்கொள்கிறேன். புதுச்சேரியில் பாராளுமன்ற தேர்தல் அமைதியான முறையில் நடைபெற்றதற்கு அனைவருக்கும் பாராட்டை தெரிவித்துக்கொள்கிறேன். மேலும் புதுச்சேரியில் தனி நபர் வருமானம் நிலையாக உள்ளது.</p>
<h2> 2024-25 ஆம் ஆண்டிற்கு ரூ.12,700 கோடிக்கு பட்ஜெட் தாக்கல் செய்யப்பட்டது.</h2>
<p>உள்நாட்டு நிதி வருவாயாக ரூ.6,914 கோடியாகவும், மத்திய அரசின் கொடை ரூ.3,268 கோடியும், நிதி பற்றாக்குறையை போக்க ரூ.2, 066 கோடி கடன் வாங்கவும் அனுமதிக்கப்பட்டுள்ளதாக ரங்கசாமி பேரவையில் தகவல்.</p>
<h2>மானிய விலையில் கோதுமை பருப்பு, சர்க்கரை, எண்ணெய் வழங்கப்படும் : </h2>
<p>காரைக்காலில் பழைமையான அருங்காட்சியகம் அமைக்கப்படும்.பா ரதியார் மற்றும் பாரதிதாசன் அருங்காட்சியகம் மேம்படுத்தப்படும், இலவச அரிசி மாணிய விலையில் கோதுமை பருப்பு, சர்க்கரை, எண்ணெய் வழங்கப்படும் என ரங்கசாமி அறிவிப்பு.</p>
<p> </p>
1 year ago
7 
