நாப்கின் கேட்ட பள்ளிச் சிறுமி; வெளியே போகச்சொன்ன ஆசிரியர்- விசாரணைக்கு உத்தரவு

<p>உத்தரப் பிரதேச மாநிலத்தில் 11ஆம் வகுப்புச் சிறுமி தேர்வின்போது சானிட்டரி நாப்கின் கேட்டதால், வகுப்பறையில் இருந்து வெளியேற்றப்பட்ட விவகாரத்தில் விசாரணைக்கு உத்தரவு பிறப்பிக்கப்பட்டுள்ளது.</p> <p>உத்தரப் பிரதேச மாநிலத்தில் 11ஆம் வகுப்பு படிக்கும் மாணவி தேர்வ எழுத பள்ளிக்குச் சென்றுள்ளார். அங்கு சென்ற சிறிது நேரத்திலேயே அவருக்கு பீரியட்ஸ் ஏற்பட்ட உணர்வு உருவாகி உள்ளது.</p> <h2><strong>நாப்கின்னுக்கு பதிலாக அவமானம்</strong></h2> <p>இதனால் தேர்வறையில் இருந்து எழுந்த சிறுமி, பள்ளி தலைமை ஆசிரியரிடம் சானிட்டரி நாப்கின் தனக்கு வேண்டும் என்று கேட்டுள்ளார். ஆனால் அவருக்கு நாப்கின்னுக்கு பதிலாக அவமானமே கிடைத்துள்ளது. சனிக் கிழமை அன்று இந்த சம்பவம் நடந்துள்ளது.</p> <p>இதுதொடர்பான புகாரை சிறுமியின் தந்தை அளித்துள்ளார். அதில் மேலே கூறியுள்ள விவரங்கள் தெரிவிக்கப்பட்டு உள்ளன.</p> <h2><strong>1 மணி நேரம் வெளியே நின்ற சிறுமி</strong></h2> <p>ஆனால் பள்ளி தலைமை ஆசிரியரோ வகுப்பறையை விட்டு வெளியே செல்லுமாறு கூறி உள்ளார். சுமார் 1 மணி நேரம் வகுப்பறைக்கு வெளியே நிற்க வைக்கப்பட்டுள்ளார்.</p> <p>சிறுமியின் தந்தை ஆட்சியருக்கும் மாவட்ட பள்ளிகளின் ஆய்வாளருக்கும் (DIOS), புகார் அனுப்பி உள்ளார். அத்துடன் மாநில பெண்கள் ஆணையம், பெண்கள் நலத்திட்டத் துறைக்கும் புகார் அனுப்பப்பட்டு உள்ளது.</p> <h2><strong>விசாரணை முடிவுகளின் அடிப்படையில் நடவடிக்கை</strong></h2> <p>இதுகுறித்து மாவட்ட பள்ளிகளின் ஆய்வாளர் தேவகி நந்தன் கூறும்போது, &rsquo;&rsquo;இந்த விவகாரம் குறித்து விசாரணை மேற்கொள்ளப்பட்டு வருகிறது. விசாரணை முடிவுகளின் அடிப்படையில் உரிய நடவடிக்கை எடுக்கப்படும்&rsquo;&rsquo; என்று தெரிவித்து உள்ளார். இந்த சம்பவம் அதிர்வலைகளை ஏற்படுத்தி உள்ளது.</p> <p>இதையும் வாசிக்கலாம்: <a title="கற்றல், கற்பித்தலில் அடுத்த உச்சம்; அரசின் திட்டத்தால் 44 லட்சம் மாணவர்களுக்கு பயன்!- என்ன தெரியுமா?" href="https://tamil.abplive.com/education/the-next-peak-in-learning-and-teaching-44-lakh-students-will-benefit-from-the-governments-scheme-what-do-you-know-214006" target="_blank" rel="noopener">கற்றல், கற்பித்தலில் அடுத்த உச்சம்; அரசின் திட்டத்தால் 44 லட்சம் மாணவர்களுக்கு பயன்!- என்ன தெரியுமா?</a></p> <p><iframe class="vidfyVideo" style="border: 0px;" src="https://tamil.abplive.com/web-stories/personal-finance/education-financial-saving-for-you-children-education-in-photo-story-213928" width="631" height="381" scrolling="no"></iframe></p>