<p> தமிழ்நாடு அரசின் தொல்லியல் துறையின் கீழ் செயல்பட்டு வரும் தொல்லியல் நிறுவனத்தில் இடம் பெற்றிருக்கும் இரண்டாண்டு கால அளவிலான தொல்லியல் முதுகலை பட்டப்படிப்பு 2024-2026 மாணவர் சேர்க்கைக்கான அறிவிப்பு வெளியாகியுள்ளது.</p>
<p>2024-2026-ம் கல்வி ஆண்டிற்கான ஈராண்டு கால முழுநேர முதுநிலைப் பட்டயப் படிப்பு (Post Graduate Diploma in Archaeology - PGDA) அரசு தொல்லியல்‌ மற்றும்‌ அருங்காட்சியகவியல்‌ நிறுவனத்தில் மாணவர் சேர்க்கை தொடங்கி உள்ளது. </p>
<p><strong>முதுகலைப் பட்டயப் படிப்புகளில் விவரம்:</strong></p>
<ul>
<li>தொல்லியல் முதுநிலைப் பட்டயப் படிப்பு</li>
<li>கல்வெட்டியல் முதுநிலைப் பட்டயப் படிப்பு</li>
<li>மரபு மேலாண்மை மற்றும் அருங்காடியகவியல் முதுநிலைப் பட்டயப் படிப்பு </li>
</ul>
<p><strong>கல்வித் தகுதி:</strong></p>
<ul>
<li>தொல்லியல்‌ முதுநிலைப்‌ பட்டயப்‌ படிப்பு - 20: ஏதேனும்‌ ஒரு பாடப் பிரிவில்‌ முதுநிலைப் பட்டம்‌ பெற்றிருக்க வேண்டும்.</li>
<li>கல்வெட்டியல்‌ முதுநிலைப் பட்டயப்‌ படிப்பு - 10: தமிழ்‌ / இந்திய வரலாறு / வரலாறு / பண்டைய வரலாறு மற்றும்‌ தொல்லியல்‌ / வரலாறு மற்றும்‌ தொல்லியல்‌ ஆகிய பாடப் பிரிவுகளில்‌ ஏதேனும்‌ ஒன்றில்‌ முதுநிலைப் பட்டம்‌ பெற்றிருக்க வேண்டும். </li>
<li>மரபு மேலாண்மை மற்றும்‌ அருங்காட்சியகவியல்‌ முதுநிலைப்‌ பட்டயப்‌ படிப்பு 10: இளங்கலை கட்டடப்‌ பொறியியல்‌ அல்லது மானுடவியல்‌ / சமூகவியல்‌ / வேதியியல்‌ / இயற்பியல்‌ / உயிரியல்‌ / நிலவியல்‌ ஆகிய பாடப் பிரிவுகளில்‌ ஏதேனும்‌ ஒன்றில்‌ முதுநிலைப் பட்டம்‌ பெற்றிருக்க வேண்டும். </li>
</ul>
<p>தமிழ் மற்றும் ஆங்கிலம் ஆகிய இரண்டு மொழியில் கற்பிக்கப்படும். </p>
<p><strong>பயிலுதவித் தொகை:</strong></p>
<p>ஒவ்வொரு மாணவருக்கும் மாதந்தோறும் ரூ.6,000/- வழங்கப்படும். </p>
<p><strong>தேர்ந்தெடுக்கும் முறை:</strong></p>
<p>தமிழ்,‌ இலக்கியம், வரலாறு, தொல்லியல்‌, அண்மைக்கால தொல்லியல்‌ அழகாய்வுகள், கல்வெட்டியல்‌, கட்டடக் கலை, சிற்பக் கலை, நாணயவியல்‌, அருங்காட்சியகவியல்‌, வரலாற்றுச் சின்னங்களைப் பாதுகாத்தல் மற்றும் பராமரித்தல் ஆகிய பாடங்களில் இருந்த்100 பல் கொள்குறி வினாக்கள்கொண்ட எழுத்துத் தேர்வு மற்றும் நேர்முகத் தேர்வு மூலம் தேர்வு செய்யப்படுவர்.</p>
<p><strong>எழுத்துத் தேர்வு நடைபெறும் நாள் - 21.07.2024</strong></p>
<p><strong>எழுத்துத் தேர்வு மையங்கள்:</strong></p>
<ul>
<li>சென்னை</li>
<li>விழுப்புரம்</li>
<li>சேலம்</li>
<li>திருச்சிராப்பள்ளி</li>
<li>மதுரை </li>
</ul>
<p><strong>விண்ணப்பிக்கும் முறை:</strong></p>
<p>விண்ணப்பதாரர்கள் தொல்லியல் துறையின் <a href="http://www.tnarch.gov.in">www.tnarch.gov.in</a> என்ற வலைதளத்தின்‌ மூலமாக விண்ணப்பிக்க வேண்டும்.</p>
<p>பூர்த்தி செய்யப்பட்ட விண்ணப்பத்தை கல்வி சான்றிதழ்கள்‌ மற்றும்‌ சாதிச்சான்றிதழ்‌ ‌ ஆகியவற்றின்‌ நகல்களுடன்‌ இணைத்து சென்னை முகவரிக்கு அனுப்பி வைக்க வேண்டும். </p>
<p><strong>விண்ணப்பிக்க வேண்டிய முகவரி:</strong></p>
<p> முதன்மைச் செயலாளர் மற்றும் ஆணையர், தொல்லியல்‌ துறை, தமிழ்‌ வளர்ச்சி வளாகம்‌, <br />தமிழ்ச்‌ சாலை, எழும்பூர்,<br />சென்னை - 600 008 </p>
<p>தொலைபேசி எண் - 044 - 2819 0023</p>
<p>மின்னஞல் முகவரி -
[email protected]</p>
<p>விண்ணப்பிக்க கடைசி தேதி - 10.07.2024 மாலை 5 மணி வரை </p>
<p>விண்ணப்ப படிவத்தை பதிவிறக்கம் செய்ய <a href="https://www.tnarch.gov.in/sites/default/files/Application%20form%20-%202024.pdf">https://www.tnarch.gov.in/sites/default/files/Application%20form%20-%202024.pdf</a> - என்ற இணைப்பை க்ளிக் செய்து காணலாம். </p>
<p><a href="https://www.tnarch.gov.in/ta">https://www.tnarch.gov.in/ta</a> - என்ற இணைப்பை க்ளிக் செய்து கூடுதல் விவரங்களை காணலாம். </p>
<hr />
<p> </p>
1 year ago
7 
