<p>கோவை தொண்டாமுத்தூர் தொகுதி நாம் தமிழர் கட்சி வேட்பாளர் அ.ரஜபு நிஷாவை ஆதரித்து, செல்வபுரம் பகுதியில் நடைபெற்ற தேர்தல் பிரச்சாரக் கூட்டத்தில் அக்கட்சியின் தலைமை ஒருங்கிணைப்பாளர் சீமான் கலந்துகொண்டு அனல் பறக்கும் உரையை ஆற்றினார்.</p>
<p><strong>திராவிடக் கட்சிகள் மற்றும் விஜய்க்கு நேரடி சவால்</strong></p>
<p>மக்கள் மத்தியில் உரையாற்றிய சீமான், திராவிட கட்சிகள் இலவச திட்டங்களை அள்ளி தெளிக்கின்றன. இந்த திட்டங்களுக்கான பணத்தை எங்கிருந்து எடுப்பீர்கள் என்பதை மக்கள் முதலில் அவர்களிடம் கேள்வி எழுப்ப வேண்டும் என்றும் அவர்கள் மக்களுக்கு விளக்கம் வேண்டும் என தெரிவித்தார். </p>
<p> "தனித்துப் போட்டி தனித்து போட்டி என மேடைக்கு மேடை தப்பட்டம் அடித்து கொண்ட <a title="விஜய்" href="https://tamil.abplive.com/topic/vijay" data-type="interlinkingkeywords">விஜய்</a> தற்போது, மாற்றுக் கட்சிகளில் இருந்து வேட்பாளர்களை இழுத்து பெரும் கூட்டணி அமைத்துள்ளார்" சீமான் விமர்சித்தார். <br /> தான் ஆட்சிக்கு வந்தால் இலவசம் என்ற சொல்வே மண்ணில் இருக்காது. மக்களை பொறுப்பற்றவர்களாக மாற்றமட்டேன் என உறுதி கூறினார். தொடர்ந்து பேசிய அவர், தரமான கல்வி உயர்ந்த மருத்துவம், தூய குடிநீர் இந்த மூன்றும் கட்டணமில்லாமல் வழங்கப்படும் என தெரிவித்தார். </p>
<p><strong>சிறுபான்மையினர் விவகாரம்: சர்ச்சைப் பேச்சு</strong></p>
<p>சிறுபான்மையினர் என்ற அடையாளம் குறித்து அனல் பறக்கும் உரை நிகழ்த்திய சீமான் சிறுபான்மையினர் என யார் கூறினாலும் அவர்களை காலணியால் அடியுங்கள் என தெரிவித்தார். <br /> இதற்காக எத்தனை வழக்குகளை வேண்டுமானால் நான் எதிர்கொள்ளத் தயார் எனவும், உண்மையில் ஸ்டாலின், எம்.ஜி.ஆர், ஜெயலலிதா போன்றவர்களே சிறுபான்மையினர் என்றும் மக்கள் அல்ல என்றும் தெரிவித்தார்.</p>
<p><strong>சாராய வருமானம் vs விவசாயம்:</strong></p>
<p> மதுபான விற்பனை மூலம் வரும் வருமானத்தை விட, ஆடு மாடு, விவசாயத்தை வளர்ப்பதன் மூலம் அரசுக்கு அதிக வருமானம் ஈட்ட முடியும் என நாம் தமிழர் கட்சி ஒருங்கிணைப்பாளர் சீமான் நம்பிக்கை தெரிவித்தார்.</p>
1 week ago
4 
