தவெக வேட்பாளர் சத்தியபாமாவை 'பெட்டி பாமா' என விமர்சித்து திமுக சூட்கேஸுடன் பிரச்சாரம்

<p>இடைத்தேர்தலை ஒட்டி தாராபுரம் அருகே நடந்த பிரச்சாரத்தில் திமுகவினர் சூட்கேஸ் பெட்டியை காட்டி &lsquo;பெட்டி பாமா&rsquo; என சத்தியபாமாவை விமர்சித்தனர்.</p> <p>மதுராந்தகம், தாராராபுரம் ஆகிய இரண்டு தொகுதிகளில் அக்டோபர் 6ஆம் தேதி இடைதேர்தல் நடைபெறுகிறது. இதற்கான வேட்புமனுத்தாக்கல் முடிந்த நிலையில் திமுக, அதிமுக, <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> உள்ளிட்ட கட்சிகள் தீவிர பிரச்சாரத்தில் ஈடுபட்டு வருகின்றனர்.&nbsp; திமுக தலைவர் மு.க.<a title="ஸ்டாலின்" href="https://tamil.abplive.com/topic/mk-stalin" data-type="interlinkingkeywords">ஸ்டாலின்</a>, முதலமைச்சர் <a title="விஜய்" href="https://tamil.abplive.com/topic/tvk-vijay" data-type="interlinkingkeywords">விஜய்</a> உள்ளிட்டோர் இந்த தொகுதிகளில் பிரச்சாரம் மேற்கொள்ள இருப்பதால், இரு தொகுதிகளும் பரபரப்பாக பேசப்படுகிறது.</p> <p>இந்த நிலையில், திருப்பூர் மாவட்டம் தாராபுரம் சட்டமன்றத் தொகுதி திமுக வேட்பாளர் சுகன்யா சின்னக்கம்பாளையம் பேரூராட்சி பகுதிகளில் கிராமம் கிராமமாகச் சென்று தீவிர வாக்கு சேகரிப்பில் ஈடுபட்டார்.</p> <p>&nbsp;</p> <p><iframe title="YouTube video player" src="https://www.youtube.com/embed/OF4dsT7yCrw?si=uxVM1IitrStpNLBk" width="560" height="315" frameborder="0" allowfullscreen="allowfullscreen"></iframe></p> <p>சின்னக்கம்பாளையம் பேரூராட்சிக்கு உட்பட்ட பஞ்சப்பட்டி, சின்னக்கம்பாளையம், கொட்டமுத்தாம்பாளையம், தேவநல்லூர், சங்கராபுரம், குமராபாளையம் உள்ளிட்ட பல்வேறு பகுதிகளில் திமுக வேட்பாளர் சுகன்யா பொதுமக்களை நேரில் சந்தித்து வாக்கு சேகரித்தார்.</p> <p>கொட்டமுத்தாம்பாளையம் பகுதியில் நடைபெற்ற பிரச்சாரத்தின்போது பேசிய திருப்பூர் கிழக்கு மாவட்ட திமுக செயலாளர் இல. பத்மநாபன், அதிமுகவில் உழைத்த கட்சியினருக்கு சத்தியபாமா துரோகம் இழைத்துவிட்டதாக விமர்சித்தார். மேலும், சத்தியபாமாவை &lsquo;பல்டி பாமா&rsquo;, &lsquo;பெட்டி பாமா&rsquo; என விமர்சித்த அவர், பதவி ஆசையுடனேயே அவர் தமிழக வெற்றி கழகத்தில் இணைந்ததாகவும் குற்றம்சாட்டினார்.</p> <p>இதனைத் தொடர்ந்து, சூட்கேஸ் பெட்டியை கையில் எடுத்துக் கொண்டு காட்டியபடி, திமுகவினர் நூதன முறையில் பிரச்சாரத்தில் ஈடுபட்டனர்.</p> <p>பின்னர் பேசிய திமுக வேட்பாளர் சுகன்யா, &ldquo;சத்தியபாமா போல் நான் பெட்டியை வாங்கிக்கொண்டு செல்ல மாட்டேன். உங்களுக்காக கடைசி வரை உழைப்பேன்&rdquo; எனக் கூறி பொதுமக்களிடம் வாக்கு சேகரித்தார்.<br />மேலும், உதயசூரியன் சின்னத்திற்கு வாக்களித்து தன்னை பெருவாரியான வாக்குகள் வித்தியாசத்தில் வெற்றி பெறச் செய்யுமாறு பொதுமக்களிடம் கேட்டுக்கொண்டார்.</p> <p>இதனிடையே, பிரச்சாரத்திற்கு வந்த திமுக வேட்பாளர் சுகன்யாவுக்கு அப்பகுதி பொதுமக்கள் மேளதாளங்கள் முழங்க, பட்டாசுகள் வெடித்து, ஆரத்தி எடுத்து உற்சாக வரவேற்பு அளித்தனர்.</p> <p>தாராபுரம் இடைத்தேர்தல் பிரச்சாரம் சூடுபிடித்துள்ள நிலையில், சின்னக்கம்பாளையம் பகுதியில் நடைபெற்ற இந்த நூதனமான &lsquo;பெட்டி&rsquo; பிரச்சாரம் அப்பகுதியில் கவனம் பெற்றது.</p>