<p class="p2">தமிழ் சினிமாவில் தந்தை<span class="s1"> - </span>மகள் உறவை மையமாகக் கொண்டு உருவான முக்கியமான படங்களில் ஒன்று<span class="s1"> ‘</span>தங்க மீன்கள்<span class="s1">’. </span>இயக்குநர் ராம் இயக்கத்தில் வெளியான இப்படத்தில் அவரே கதாநாயகனாக நடித்திருந்தார்<span class="s1">. </span>ஆனால்<span class="s1">, </span>இந்தப் படத்தில் முதலில் வேறு ஒரு நடிகர் கதாநாயகனாக நடிக்க ஒப்பந்தமாகியிருந்தது பலர் அறியாத தகவல்</p>
<h2 class="p2">கருணாஸ் பகிர்ந்த தகவல் </h2>
<p class="p2">சமீபத்திய பேட்டி ஒன்றில் பேசிய அந்த நடிகர்<span class="s1">, கருணாஸ் ‘</span>தங்க மீன்கள்<span class="s1">’ </span>படத்துக்காக முதலில் தன்னை கதாநாயகனாக ஒப்பந்தம் செய்ததாக தெரிவித்துள்ளார்<span class="s1">. </span>படத்தின் பணிகள் தொடங்கிய நிலையில்<span class="s1">, </span>இயக்குநர் கௌதம் வாசுதேவ் மேனன் ராமிடம் ஒரு ஆலோசனையை முன்வைத்துள்ளார்<span class="s1">.</span></p>
<p class="p2">தனக்குப் பதிலாக ராமே அந்தக் கதாபாத்திரத்தில் நடித்தால் சிறப்பாக இருக்கும் என கௌதம் வாசுதேவ் மேனன் தெரிவித்ததாக அவர் குறிப்பிட்டுள்ளார்<span class="s1">. </span>இதையடுத்து ராம் கதாநாயகனாக நடிக்க முடிவு செய்துள்ளார்<span class="s1">. </span>இதனால் ஏற்கெனவே ஒப்பந்தம் செய்யப்பட்டிருந்த கருணாஸ் படத்தில் இருந்து விலகியுள்ளார்<span class="s1">.</span></p>
<p class="p2"><span class="s1">2013-</span>ம் ஆண்டு வெளியான<span class="s1"> ‘</span>தங்க மீன்கள்<span class="s1">’, </span>ராம் நடிப்பில் முக்கியமான படமாக அமைந்தது<span class="s1">. </span>தந்தைக்கும் மகளுக்கும் இடையிலான உறவை மையமாகக் கொண்ட இப்படம் ரசிகர்கள் மற்றும் விமர்சகர்கள் மத்தியில் வரவேற்பைப் பெற்றது<span class="s1">.</span></p>
<h2 class="p2"><span class="s1">அசுரன் படத்திலும் தவறிய வாய்ப்பு</span></h2>
<p class="p2">இதேபோல்<span class="s1">, </span>வெற்றிமாறன் இயக்கத்தில் தனுஷ் நடிப்பில் வெளியான<span class="s1"> ‘</span>அசுரன்<span class="s1">’ </span>படத்திலும் முதலில் தான் நடிக்க வேண்டியிருந்ததாக கருணாஸ் ஏற்கெனவே தெரிவித்துள்ளார்<span class="s1">. </span>படத்தின் கதையை கேட்ட பிறகு<span class="s1">, </span>அந்தக் கதாபாத்திரத்துக்கு ஒரு பெரிய ஹீரோ நடித்தால் சரியாக இருக்கும் என தான் நினைத்ததாகவும்<span class="s1">, </span>அதன் பின்னர் தனுஷ் அந்தப் படத்தில் நடித்ததாகவும் அவர் பகிர்ந்துள்ளார்<span class="s1">.</span></p>
<h2 class="p2"><span class="s1">என்ன விலை</span></h2>
<p class="p2">இந்நிலையில்<span class="s1">, </span>தற்போது நிமிஷா சஜயனுடன் இணைந்து<span class="s1"> ‘</span>என்ன விலை<span class="s1">’ </span>திரைப்படத்தில் கருணாஸ் நடித்துள்ளார்<span class="s1">. </span>சஜீவ் பழூர் இயக்கியுள்ள இப்படத்தில் நிமிஷா சஜயன் முக்கிய கதாபாத்திரத்தில் நடித்துள்ளார்<span class="s1">. </span>சமூக அரசியல் பின்னணியில் உருவாகியுள்ள இந்தப் படம் செப்டம்பர்<span class="s1"> 17-</span>ம் தேதி திரையரங்குகளில் வெளியாகிறது<span class="s1">.</span></p>
<p class="p2"><iframe class="vidfyVideo" style="border: 0px;" src="https://tamil.abplive.com/web-stories/entertainment/karthi-alex-pandian-movie-actress-akansha-puri-photoshoot-in-africa-273853" width="631" height="381" scrolling="no"></iframe></p>
1 month ago
4 
