சொந்த காசில் சூனியம்...சாரை பாம்பை சமைத்து சாப்பிட்ட நபர் கையும் களவுமாக சிக்கியது எப்படி?

<p><strong>திருப்பத்தூர் அருகே சாரை பாம்பை கொன்று தோல் உரித்து கறியாக்கி சாப்பிட்ட வாலிபரை வனத்துறையினர் கைது செய்துள்ளனர்.</strong></p> <h2><strong>சாரை பாம்பை சமைத்து சாப்பிட்ட வாலிபர்:</strong></h2> <p>திருப்பத்தூர் மாவட்டம் பெருமாபட்டு பகுதியைச் சேர்ந்த குணசேகரன் மகன் ராஜேஷ்குமார் (30) . இவர் நேற்று அதாவது ஜூன் 10 ஆம் தேதி சமூக வலைதளங்களில் சாரை பாம்பை தோல் உரிப்பது போல் வீடியோ ஒன்றை பதிவு செய்தார். இந்த வீடியோ சமூக வலைதளங்களில் வேகமாக பரவியது.</p> <p>அந்தவகையில் இந்த செயலில் ஈடுபட்ட ராஜேஸ்குமாரை கைது செய்ய வேண்டும் என்று நெட்டிசன்கள் கருத்து தெரிவித்து வந்தனர்.&nbsp;</p> <p>இதனை ஆதாரமாகக் கொண்டு திருப்பத்தூர் கோட்ட மாவட்ட வன அலுவலர் மகேந்திரன் உத்தரவின் படி திருப்பத்தூர் வனச்சரக அலுவலர் சோழராஜன் &nbsp;தலைமையில் வனவர் மற்றும் வனப் பணியாளர்கள் &nbsp;இந்த வீடியோ வைத்து விசாரணை மேற்கொண்டனர்.</p> <h2><strong>சிறையில் அடைத்த வனத்துறையினர்:</strong></h2> <p>இந்த விசாரணையின் முடிவில் பெருமாபட்டு கிராமத்தைச் சேர்ந்த ராஜேஸ்குமார் என்பவரை வனத்துறையினர் கைது செய்தனர்.&nbsp; ராஜேஸ்குமாரை கைது செய்து விசாரித்ததில் சாரை பாம்பை தோல் உரித்து அதனை சமைத்து கரியாக்கி சாப்பிட்டதும் தெரிய வந்தது. இதன் காரணமாக திருப்பத்தூர் நீதிமன்றத்தில் ஆஜர் படுத்தி &nbsp;சிறையில் அடைத்தனர் என்பது குறிப்பிடத்தக்கது.</p> <p>&nbsp;</p>