<p>தமிழ் திரையுலகின் பிரபல நடிகராக உலா வரும் நடிகர் விஜய்யின் தமிழக வெற்றிக் கழகத்தில் நாஞ்சில் சம்பத் கடந்த சில நாட்களுக்கு முன்பு இணைந்தார். இவர் தவெக-வில் இணைவதற்கு முன்பு திமுக-வில் இணைய முயற்சித்ததாகவும், அதற்காக நாஞ்சில் சம்பத் பணம் கேட்டதாகவும் நாஞ்சில் சம்பத் மீது குற்றம் சாட்டப்பட்டது. </p>
<h2><strong>பணம் கேட்டேனா?</strong></h2>
<p>இதுதொடர்பாக அவரிடம் தனியார் யூ டியூப் நேர்காணலில் கேட்கப்பட்டது. அதற்கு பதில் அளித்த நாஞ்சில் சம்பத், திமுக-வில் யாரிடம் 1 கோடி கேட்பது? நான் அமைச்சர் சேகர்பாபுவிடம் என்னுடைய மகன் எம்டி முடிச்சுட்டான். சூப்பர் ஸ்பெஷாலிட்டி படிக்கனும்னு ஆசைப்பட்றான். அவனுக்கு ரூபாய் கொடுக்க என்கிட்ட இல்லை. </p>
<p>அவன் ரூபாய் 1 கோடியே 20 லட்சம் ஆகும். 60 லட்சம் ரூபாய் எனக்கு கடன் கிடைக்கும். அப்பா எப்படியாவது 60 லட்சம் ரூபாய் புரட்டித் தாங்க, நானே டாக்டர் ஆகி அந்த கடனை அடைச்சுட்றேன்னு சொன்னாரு. கடனாகதான் சேகர்பாபுவிடம் கேட்டேன். இதை கேட்டு 2 மாசம் இருக்கும். ஆனால், அவர் அதை கண்டுகொள்ளவில்லை. </p>
<p>தவெக-வினர்கிட்ட ஏதும் சொல்லவில்லை. அந்த நோக்கமும் எனக்கு இல்லை. என் மகனே அதை பாத்துக்குவான். எனக்கு நிறைய மிரட்டல்கள் வந்துச்சு. உதயநிதியை எதிர்க்கனும்னு முடிவு பண்ணிட்டியா? உதயநிதி யாருனு தெரியுமா? போன்ல மிரட்டுனாங்க. டேய் தெரியாதாடா உனக்குனு? கேட்டாங்க. </p>
<p>இவ்வாறு அவர் பேட்டியில் கூறியிருப்பார். </p>
<h2><strong>நாஞ்சில் சம்பத்:</strong></h2>
<p>நாஞ்சில் சம்பத் அடிப்படையில் திமுக-வில் தனது அரசியல் வாழ்க்கையைத் தொடங்கினார். வைகோ திமுகவில் இருந்து வெளியேறிய பிறகு மதிமுக-வில் அவருக்கு பக்கபலமாக இருந்தார். பின்னர், மதிமுக-வில் இருந்து அதிமுக-வில் இணைந்தார். பின்னர், மீண்டும் திமுக-வில் இணைந்தார். </p>
<p>இந்த நிலையில், தற்போது தவெக-வில் இணைந்துள்ளார். தவெக-வின் கொள்கை பரப்புச் செயலாளராக அந்த கட்சியில் இணைந்துள்ளார். தவெக-வில் <a title="விஜய்" href="https://tamil.abplive.com/topic/vijay" data-type="interlinkingkeywords">விஜய்</a>யுடன் புஸ்ஸி ஆனந்த், ஆதவ் அர்ஜுனா, அருண்ராஜ் ஆகிய நிர்வாகிகள் இருந்தாலும் பேச்சாளர்கள் யாரும் இல்லாத சூழல் இருந்து வருகிறது. நாஞ்சில் சம்பத் அக்கட்சியில் இணைந்தது தவெக-விற்கு பலமாக உள்ளது. நாஞ்சில் சம்பத்திற்கு முன்பு அக்கட்சியில் முன்னாள் அமைச்சர் செங்கோட்டையன் இணைந்தார். </p>
<p>இனி வரும் நாட்களில் தவெக-வின் அரசியல் மேடைகளில் முக்கிய பேச்சாளராக நாஞ்சில் சம்பத் இடம்பெற உள்ளார்.</p>
<p><iframe class="vidfyVideo" style="border: 0px;" src="https://tamil.abplive.com/web-stories/health/common-mistakes-in-constipation-while-passing-motion-243192" width="631" height="381" scrolling="no"></iframe></p>
4 hours ago
1 
