குற்றவாளி வாக்குமூலம்.. காஞ்சிபுரம் கோயில் அருகே கஞ்சா விற்பனை ஜோர், அதிர்ச்சியில் போலீஸ்

<p style="text-align: justify;">காஞ்சிபுரத்தில் மிகவும் பிரசித்தி பெற்ற காமாட்சி அம்மன் ஆலயம் அருகே, சுற்றுலாப் பயணிகளை மையப்படுத்தி &nbsp;கஞ்சா விற்பனை அமோகம். மூட்டை தூக்கும் கூலித் தொழிலாளர்களையும் கஞ்சா போதைக்கு அடிமைப்படுத்திய &nbsp;விற்பனையாளர் பிரவீன் குமார், நான் ஸ்ட்ரெயிட் பார்வேர்ட் என காவல் அதிகாரிகளிடம் விந்தையாகப் பேசிய விநோதம்...</p> <p style="text-align: justify;">நகரின் மையப் பகுதியில் பதுக்கி வைக்கப்பட்டு இருந்த சுமார் இரண்டே கால் கிலோ கஞ்சா பறிமுதல். பொதுமக்கள் மற்றும் சமூக ஆர்வலர்கள் மத்தியில் பெரும் அதிர்ச்சி.</p> <h2 style="text-align: justify;"><strong>காமாட்சி அம்மன் ஆலயம்</strong></h2> <p style="text-align: justify;">காஞ்சிபுரம் மாநகராட்சிக்கு உட்பட்ட மையப் பகுதியில், &nbsp;உலகப் பிரசித்தி பெற்ற காமாட்சி அம்மன் ஆலயம் , சங்கர மடம் , ஆதி காமாட்சி கோவில், குமர கோட்டம், &nbsp;ஏகாம்பரநாதர் கோவில் ஆகியவை அருகருகே அமைந்துள்ளது. பல மாநிலங்களை சேர்ந்த பக்தர்களும் சுற்றுலா பயணிகளும் வந்து செல்லும் முக்கிய பகுதியான இந்த பகுதியில் ராஜ வீதியை ஒட்டி உள்ள இராயன்குட்டை என்ற இடத்தில் வசித்து வரும் பிரவீன் குமார் (வயது 52) .</p> <p style="text-align: justify;">இவர்&nbsp; ஆந்திர மாநிலம் நகரி பகுதியில் இருந்து மொத்தமாக கஞ்சா வாங்கி வந்து , அதை சிறுசிறு பாக்கெட்டுகளாக தயார் செய்து, கோவில்களுக்கு வருகின்ற சுற்றுலா பயணிகளிடமும் , அதே போல பூக்கடை சத்திரம் என்ற பகுதியில் &nbsp;மூட்டை தூக்கும் தொழிலாளிகளிடமும் &nbsp;கஞ்சா விற்பனை செய்து வருகிறார் என்ற ரகசிய தகவல் &nbsp;மதுவிலக்கு அமலாக்கப் பிரிவு காவல் துறையினருக்கு கிடைத்தது.&nbsp; அந்த தகவலின் அடிப்படையில் நகரின் மையப் பகுதியில் வசித்து வரும் பிரவீன் குமார் வீட்டுக்குள் காவல்துறையினர் அதிரடியாக உள்ளே நுழைந்து &nbsp;அனைத்து இடங்களையும் சல்லடை சல்லடையாக தேடிப் பார்த்ததில் வீட்டின் உள்ளே ஆங்காங்கே சிறு சிறு பிளாஸ்டிக் டப்பாக்களில் போட்டு வைக்கப்பட்டிருந்த &nbsp;சுமார் இரண்டேகால் கிலோ எடையுள்ள கஞ்சா கண்டறியப்பட்டு பறிமுதல் செய்யப்பட்டது.</p> <h2 style="text-align: justify;">கஞ்சா விற்பனை</h2> <p style="text-align: justify;">பிரவீன் குமாரை மதுவிலக்கு அமலாக்கப் பிரிவு காவல் துறையினர் கைது செய்த போது, &nbsp;நான் ஸ்ட்ரைட் ஃபார்வர்ட் சுற்றுலா பயணிகளுக்கும் , மூட்டை தூக்கும் கூலித் தொழிலாளர்களுக்கும் தான் நான் கஞ்சா விற்பேன் எனக்கூறி காவல்துறையினரை அதிர்ச்சி அடைய வைத்தார். &nbsp;</p> <p style="text-align: justify;">கைது செய்யப்பட்ட பிரவீன் குமார் மீது காஞ்சிபுரம் , சுங்குவார்சத்திரம், &nbsp;ஸ்ரீபெரும்புதூர் உள்ளிட்ட நான்கு காவல் நிலையங்களில் ஏற்கனவே 7 திருட்டு வழக்குகள் நிலுவையில் உள்ளது விசாரணையில் தெரியவந்தது. திருட்டு வழக்கில் அதிக பாதுகாப்பு இல்லாததால் கஞ்சா விற்பனையில் முழு நேரமும் இறங்கி விட்டதாகவும் பிரவீன் குமார் கூறியுள்ளார்.</p>