<p class="p1">கன்னட நடிகர் யாஷ் நடிப்பில் உருவாகி வரும்<span class="s1"> '</span>டாக்சிக்<span class="s1">' (Toxic) </span>திரைப்படம் அறிவிக்கப்பட்ட நாளிலிருந்தே ரசிகர்களின் கவனத்தை ஈர்த்து வருகிறது<span class="s1">. </span>படத்தின் போஸ்டர்கள் மற்றும் டீசர்களில் இடம்பெற்ற கிளாமரான காட்சிகள் ஏற்கனவே சமூக வலைதளங்களில் விவாதத்தை ஏற்படுத்தியிருந்தன<span class="s1">. </span>இந்த நிலையில்<span class="s1">, </span>தற்போது வெளியாகியுள்ள புதிய பாடல் மீண்டும் ஒரு புதிய சர்ச்சைக்கு வழிவகுத்துள்ளது<span class="s1">.</span></p>
<p class="p1">சமீபத்தில் வெளியிடப்பட்ட பாடலில் யாஷ் மற்றும் பாலிவுட் நடிகை கியாரா அத்வானி மிகவும் நெருக்கமான காதல் காட்சிகளில் நடித்துள்ளனர்<span class="s1">. </span>இருவரின் ஆன்ஸ்கிரீன் கெமிஸ்ட்ரி ரசிகர்களிடம் வரவேற்பைப் பெற்றாலும்<span class="s1">, </span>சமூக வலைதளங்களில் இந்தக் காட்சிகளை மையமாக வைத்து பல்வேறு கருத்துகள் பகிரப்பட்டு வருகின்றன<span class="s1">.</span></p>
<p class="p1">குறிப்பாக<span class="s1">, </span>கியாரா அத்வானியின் தனிப்பட்ட வாழ்க்கையை இந்தப் பாடலுடன் இணைத்து சிலர் விவாதிக்கத் தொடங்கியுள்ளனர்<span class="s1">. "</span>இவ்வளவு நெருக்கமான காதல் காட்சிகளில் நடித்திருப்பதை அவரது கணவர் சித்தார்த் மல்ஹோத்ரா எப்படி எடுத்துக்கொள்வார்<span class="s1">?" </span>என்ற கேள்வியை எழுப்பி சமூக வலைதளங்களில் பதிவுகள் வைரலாகி வருகின்றன<span class="s1">. </span>சிலர் இதை ஒரு நடிகையின் தொழில்முறை பணியாக மட்டுமே பார்க்க வேண்டும் என்று கருத்து தெரிவிக்க<span class="s1">, </span>மற்றொரு தரப்பினர் குடும்ப வாழ்க்கையுடன் இதை இணைத்து விவாதித்து வருகின்றனர்<span class="s1">.</span></p>
<p class="p1">கியாரா அத்வானி மற்றும் நடிகர் சித்தார்த் மல்ஹோத்ரா பல ஆண்டுகள் காதலித்து வந்த நிலையில்<span class="s1">, </span>கடந்த<span class="s1"> 2023-</span>ம் ஆண்டு ராஜஸ்தானில் நடைபெற்ற பிரம்மாண்ட விழாவில் திருமணம் செய்து கொண்டனர்<span class="s1">. </span>பாலிவுட்டின் மிகவும் பிரபலமான நட்சத்திர தம்பதிகளில் ஒருவராக இருவரும் பார்க்கப்படுகின்றனர்<span class="s1">. </span>மேலும்<span class="s1">, 2025-</span>ம் ஆண்டு இந்த தம்பதிக்கு பெண் குழந்தை பிறந்தது<span class="s1">. </span>குழந்தை பிறந்த பிறகும் கியாரா தொடர்ந்து திரைப்படங்களில் கவனம் செலுத்தி வருகிறார்<span class="s1">.</span></p>
<p class="p1">தமிழ் ரசிகர்களுக்கும் கியாரா அத்வானி பரிச்சயமான நடிகைதான்<span class="s1">. </span>இயக்குநர் ஷங்கர் இயக்கத்தில் வெளியான<span class="s1"> '</span>கேம் சேஞ்சர்<span class="s1">' </span>திரைப்படத்தில் ராம் சரணுக்கு ஜோடியாக நடித்திருந்தார்<span class="s1">.</span><span class="s1"> </span></p>
<h2 class="p1"><span class="s1">டாக்சிக் </span></h2>
<p class="p1"><span class="s1">'</span>டாக்சிக்<span class="s1">: </span>எ ஃபேரி டேல் ஃபார் க்ரோன்<span class="s1">-</span>அப்ஸ்<span class="s1">' (Toxic: A Fairy Tale for Grown-Ups) </span>திரைப்படத்தில் நடிகர் யாஷ் கதாநாயகனாக நடித்துள்ளார்<span class="s1">. </span>கன்னடம்<span class="s1">, </span>தமிழ்<span class="s1">, </span>தெலுங்கு<span class="s1">, </span>இந்தி உள்ளிட்ட பல மொழிகளில் பான் இந்தியா படமாக உருவாகி வரும் இந்தப் படத்தை<span class="s1">, </span>சர்வதேச அளவில் கவனம் பெற்ற இயக்குநர் கீது மோகன்தாஸ் இயக்கியுள்ளார்<span class="s1">. </span>கே<span class="s1">.</span>வி<span class="s1">.</span>என்<span class="s1">. </span>புரொடக்ஷன்ஸ் மற்றும் மான்ஸ்டர் மைண்ட் கிரியேஷன்ஸ் இணைந்து தயாரிக்கும் இந்த திரைப்படத்தில் கியாரா அத்வானி<span class="s1">, </span><a title="நயன்தாரா" href="https://tamil.abplive.com/topic/nayanthara" data-type="interlinkingkeywords">நயன்தாரா</a><span class="s1">, </span>ஹுமா குரேஷி உள்ளிட்ட பலர் முக்கிய கதாபாத்திரங்களில் நடித்துள்ளனர்<span class="s1">. </span>கே<span class="s1">.</span>ஜி<span class="s1">.</span>எஃப்<span class="s1">. </span>படங்களுக்கு பிறகு யாஷ் நடிக்கும் அடுத்த திரைப்படம் என்பதால்<span class="s1">, '</span>டாக்சிக்<span class="s1">' </span>மீது ரசிகர்கள் மத்தியில் மிகப்பெரிய எதிர்பார்ப்பு நிலவி வருகிறது<span class="s1">.</span></p>
<p class="p1"><span class="s1"><iframe class="vidfyVideo" style="border: 0px;" src="https://tamil.abplive.com/web-stories/food/how-to-make-soan-papdi-at-home-easy-steps-266895" width="631" height="381" scrolling="no"></iframe></span></p>
3 months ago
8 
