<p>யூத் படத்தில் இடம்பெற்றுள்ள 'நான் ஆசபட்ட பொண்ணு பேரு மோனிஷா' பாடல் சர்ச்சையில் சிக்கியுள்ளது. இந்த பாடலை அனுமதியின்றி பயன்படுத்தியுள்ளதாக பாடலை பாடிய கானா பாடகர் தினேஷ் குற்றம்சாட்டியிருந்த நிலையில் இந்த குற்றசாட்டிற்கு தற்போது படக்குழு விளக்கமளித்துள்ளது . பாடலின் உரிமையுள்ள நிறுவனத்திடம் முறையான அனுமதி பெற்றபின்னரே பாடலை பயன்படுத்தியதாக யூத் படக்குழு தெரிவித்துள்ளது</p>
<p>கென் கருணாஸ் இயக்கி நடித்துள்ள யூத் திரைப்படம் திரையரங்கில் வெற்றிகரமாக ஓடிக்கொண்டிருக்கிறது. இப்படம் 5 நாட்களில் தமிழ்நாட்டில் மட்டும் ரூ25 கோடிக்கும் மேல் வசூல் செய்துள்ளது. இயக்குநராகவும் நாயகனாகவும் கென் ரசிகர்களை கவர்ந்துள்ளார். சிம்பு , சூர்யா , கார்த்தி என முன்னணி நட்சத்திரங்கள் யூத் படக்குழுவை நேரில் சந்தித்து பாராட்டுக்களை தெரிவித்துள்ளார்கள். </p>
<h2>மோனிஷா பாடல் சர்ச்சை </h2>
<p>யூத் படத்தில் பிரபல கானா பாடலான 'நான் ஆசபட்ட பொண்ணு பேரு மோனிஷா ' பாடல் பயன்படுத்தப்பட்டுள்ளது. <span class="s1">12 </span>ஆண்டுகளுக்கு முன்<span class="s1"> </span>இந்த பாடலை கானா பாடகர் தினேஷ் உருவாக்கினார்<span class="s1">. </span>டிவோ நிறுவனம் இந்த பாடலை ஆல்பம் பாடலாக வெளியிட்டுள்ளது<span class="s1">. தனது அனுமதியில்லாமல் மோனிஷா பாடலை யூத் படத்தில் பயன்படுத்தியுள்ளதாகவும் இதனால் தான் மிகுந்த மன வருத்தத்தில் இருப்பதாக கானா பாடகர் தினேஷ் கடந்த சில தினங்கள் முன்பு குற்றம்சாட்டியிருந்தார். </span></p>
<h2><span class="s1">படக்குழு விளக்கம் </span></h2>
<p><span class="s1">இந்த குற்றச்சாட்டிற்கு தற்போது யூத் படக்குழு தரப்பில் இருந்து விளக்கமளித்துள்ளது. மோனிஷா பாடலின் காப்புரிமை டிவோ நிறுவனத்திடம் இருப்பதாகவும். முறையாக பணம் கட்டி அந்த பாடலை படத்தில் பயண்படுத்தி இருப்பதாக யூத் படக்குழு சார்பாக தெரிவிக்கப்பட்டுள்ளது. </span></p>
<p><span class="s1">2002 ஆம் ஆண்டு விஜய் நடித்த யூத் படத்தின் டைட்டிலை கென் படத்திற்கு பயன்படுத்தியுள்ளார்கள். டைட்டிலை பயன்படுத்துவதற்கான அனுமதியையும் கட்டணம் செலுத்தி பெற்றுள்ளார்கள். அதே நேரம் படத்தில் சில விண்டேஜ் பாடல்களும் முறையாக அனுமதி பெற்று பயன்படுத்தப்பட்டுள்ளன. படத்தின் டைட்டில் கார்டில் <a title="விஜய்" href="https://tamil.abplive.com/topic/vijay" data-type="interlinkingkeywords">விஜய்</a> உள்ளிட்ட அனைவருக்கும் நன்றி தெரிவித்துள்ளார்கள். அதே போல் மோனிஷா பாடலை பாடிய கானா பாடகர் தினேஷூக்கும் நன்றி தெரிவித்திருக்கலாம். கானா பாடல்களை சினிமாவில் பயண்படுத்திக்கொள்ளும் திரைத்துறையினர் அந்த பாடலை பாடியவர்களுக்கு உரிய மரியாதை செலுத்த எப்போதும் தவறி வருகிறது . மோனிஷா பாடலுக்கான உரிமத்தை முறையாக பெற்றிருந்தாலும் அந்த பாடலை உருவாக்கிய கலைஞரை டைட்டில் கார்டில் படக்குழு கெளரவித்திருக்கலாம் . </span></p>
<p><span class="s1"><iframe class="vidfyVideo" style="border: 0px;" src="https://tamil.abplive.com/web-stories/india/in-which-part-of-the-country-gold-rate-is-the-lowest-254333" width="631" height="381" scrolling="no"></iframe></span></p>
2 weeks ago
2 
