காணும் பொங்கல் ; சென்னையில் இன்று போக்குவரத்து மாற்றம் !! முழு விவரம் இதோ !!

<p><strong>காணும் பொங்கல் விடுமுறை - போக்குவரத்து மாற்றம்</strong></p> <p>காணும் பொங்கல் கொண்டாட்டத்தினை முன்னிட்டு இன்று (சனிக்கிழமை) சென்னையில் அனைத்து சாலைகளிலும் குறிப்பாக காமராஜர் சாலையில் பெருந்திரளான மக்கள் கூடுவார்கள். இது தொடர்பாக காலை 11 மணி முதல் கீழ்கண்ட போக்குவரத்து மாற்றங்கள் செய்யப்பட உள்ளன.</p> <p>1. பாரிமுனையிலிருந்து காந்தி சிலை நோக்கி வரும் வாகனங்கள், போர் நினைவுச் சின்னம் அருகே கொடி மர இல்ல சாலை வழியாகத் திருப்பி விடப்பட்டு, வாலாஜா முனை &rarr; அண்ணா சாலை &rarr; அண்ணா சிலை &rarr; ஸ்பென்சர் சந்திப்பு வழியாகச் சென்று தங்கள் இலக்கை அடையலாம் (சென்னை மாநகர பேருந்துகளுக்கு இதிலிருந்து விலக்கு அளிக்கப்பட்டுள்ளது).</p> <p>2. போர் நினைவுச் சின்னத்திலிருந்து கடற்கரை நோக்கி வரும் வாகனங்கள், பயணிகளை இறக்கி விட்டுத் திரும்பும் போது, ஆடம்ஸ் சந்திப்பில் இருந்து சுவாமி சிவானந்தா சாலை நோக்கி வாகனங்களை நிறுத்துவதற்காகத் திருப்பி விடப்படும்.</p> <p>3. உழைப்பாளர் சிலை முதல் கண்ணகி சிலை வரையிலான சாலை ஒருவழிப் பாதையாக மாற்றப்படும். சென்னை மாநகர பேருந்துகள் உழைப்பாளர் சிலை சந்திப்பில் இருந்து வாலாஜா சாலை நோக்கி வலது புறம் திரும்ப அனுமதிக்கப்படாது.</p> <p>4. உழைப்பாளர் சிலை நோக்கி செல்லும் சென்னை மாநகர பேருந்துகள், கண்ணகி சிலை சந்திப்பில் இருந்து பாரதி சாலை &rarr; பெல்ஸ் சாலை &rarr; வாலாஜா சாலை &rarr; அண்ணா சிலை வழியாகத் தங்கள் இலக்கை அடையத் திருப்பி விடப்படும்.</p> <p>5. காந்தி சிலையிலிருந்து கண்ணகி சிலை நோக்கி வாகனங்கள் (சென்னை மாநகர பேருந்துகளைத் தவிர) அனுமதிக்கப்படாது அதற்கு பதிலாக, அவை ஆர்.கே. சாலை &rarr; மியூசிக் அகாடமி சந்திப்பு &rarr; டி.டி.கே. சாலை &rarr; ஜி.ஆர்.எச். முனை &rarr; மணிகூண்டு &rarr; ஜி.பி. சாலை &rarr; அண்ணா சாலை வழியாகத் தங்கள் இலக்கை அடையத் திருப்பி விடப்படும்.</p> <p>6. விக்டோரியா ஹாஸ்டல் சாலை மற்றும் பெல்ஸ் சாலை ஆகியவை பாரதி சாலை சந்திப்பிலிருந்து ஒருவழிப் பாதையாக மாற்றப்படும், மேலும் வாகனங்கள் வாலாஜா சாலை சந்திப்பிலிருந்து அனுமதிக்கப்படாது.</p> <p>7. பாரதி சாலையில் கண்ணகி சிலை நோக்கிச் செல்லும் வாகனங்கள், ரத்னா கபே சந்திப்பில் இருந்து திருவல்லிக்கேணி நெடுஞ்சாலை &rarr; வாலாஜா சாலை &rarr; அண்ணா சாலை வழியாகத் தங்கள் இலக்கை அடையத் திருப்பி விடப்படும்.</p> <p>8. பெரியார் சிலை சந்திப்பில், கடற்கரைக்குச் செல்லும் வாகனங்கள் மட்டுமே சுவாமி சிவானந்தா சாலை நோக்கி அனுமதிக்கப்படும். மற்ற வாகனங்கள் அண்ணா சிலை &rarr; அண்ணா சாலை வழியாகத் தங்கள் இலக்கை அடையத் திருப்பி விடப்படும்.</p> <p><strong>சென்னை பெருநகர போக்குவரத்து காவல்துறையினரால் வாகனங்களை நிறுத்துவதற்கு ஒதுக்கப்பட்ட இடங்கள் ;</strong></p> <p>1. போர்ஷோர் சாலை (பேருந்துகள் மற்றும் வணிக வாகனங்கள் தவிர அனைத்து வாகனங்களும்)</p> <p>2. சென்னை பல்கலைக்கழகம்</p> <p>3. சுவாமி சிவானந்தா சாலை</p> <p>4. எம்.ஆர்.டி.எஸ் &ndash; சேப்பாக்கம்</p> <p>5. லேடி வெலிங்டன் பள்ளி</p> <p>6. இராணி மேரி மகளிர் கல்லூரி</p> <p>7. சீனிவாசபுரம் லூப் சாலை (பேருந்துகள் மட்டும்)</p> <p>8. பொதுப்பணி துறை மைதானம்</p> <p>9. செயின்ட் பீட்ஸ் மைதானம்</p> <p>10. அன்னை சத்யா நகர்</p> <p>11. ஈ.வே.ரா சாலை, மருத்துவக் கல்லூரி மைதானம்</p> <p>12. மாநில கல்லூரி.</p> <p>வாகன ஒட்டுநர்கள் அனைவரும் ஒத்துழைப்பு தருமாறு கேட்டுக் கொள்ளப்படுகிறது.</p>