<p>நாடாளுமன்ற மாநிலங்களவையில் எதிர்க்கட்சிகளின் அமளிக்கு மத்தியில், ஒழுக்கம் மற்றும் கண்ணியத்தை கடைபிடிக்க வேண்டும் என மாநிலங்களவை தலைவர் ஜெகதீப் தன்கர் இன்று வலியுறுத்தினார்.</p>
<p>நாடாளுமன்ற நடைமுறை விதிகளை பின்பற்றுமாறு எம்பிக்களிடம் வேண்டுகோள் விடுத்த அவர், "வரலாற்று மைல்கல்லை எட்டி இருக்கிறோம். அதாவது நமது அரசியலமைப்பின் 100ஆம் ஆண்டை எட்டுவதற்கு முந்தைய கால் நூற்றாண்டின் தொடக்கமாக நேற்று இருந்தது.</p>
<p><strong>மாநிலங்களவையில் எதிர்க்கட்சிகள் அமளி:</strong></p>
<p>தேசியவாத உணர்வால் வழிநடத்தப்படும் மாநிலங்களவை, 1.4 பில்லியன் மக்களுக்கு நம்பிக்கையின் சக்திவாய்ந்த செய்தியை அனுப்பி, அவர்களின் கனவுகள் மற்றும் விருப்பங்களுக்கான நமது உறுதிப்பாட்டையும், இந்தியா@2047-ஐ நோக்கிய நமது பயணத்தையும் மீண்டும் உறுதிப்படுத்த வேண்டிய தருணம் இதுவாகும்.</p>
<p>இந்த வரலாற்று வாய்ப்பை நாம் தவறவிட்டோம் என்பதை ஆழ்ந்த கவலையுடன் தெரிவித்துக் கொள்கிறேன். நமது மக்களின் கூட்டு விருப்பங்களை எதிரொலிக்கும் வகையில் ஆக்கப்பூர்வமான பேச்சுவார்த்தைகள், ஆக்கப்பூர்வமான ஈடுபாடு ஆகியவை இருந்திருக்க வேண்டும். அவர்களின் எதிர்பார்ப்பை பூர்த்தி செய்யவில்லை.</p>
<p> </p>
<blockquote class="twitter-tweet">
<p dir="ltr" lang="en">Yesterday marked a historic milestone - the beginning of the final quarter-century before our Constitution turns 100.<br /><br />It is with deep concern, I must say we missed this historic opportunity. Where there should have been productive dialogue, constructive engagement, echoing the… <a href="https://t.co/YiQw4LaXdE">pic.twitter.com/YiQw4LaXdE</a></p>
— Vice-President of India (@VPIndia) <a href="https://twitter.com/VPIndia/status/1862049397603021091?ref_src=twsrc%5Etfw">November 28, 2024</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p>இந்த அவை வெறும் விவாத அரங்கம் மட்டுமல்ல. நமது தேசிய உணர்வு இங்கிருந்தே எதிரொலிக்க வேண்டும். நாடாளுமன்றத்தில் இடையூறு ஒரு தீர்வல்ல. அது ஒரு நோய். இது நமது அடித்தளத்தை பலவீனப்படுத்துகிறது. இது நாடாளுமன்றத்தை பொருத்தமற்றதாக மாற்றுகிறது.</p>
<p>மக்களின் நம்பிக்கைகள் மற்றும் அபிலாஷைகளை பிரதிநிதித்துவப்படுத்தும் அரசியலமைப்பு கடமையிலிருந்து நாடாளுமன்றம் விலகும்போது, தேசியவாதத்தை, மேலும் ஜனநாயகத்தை வளர்ப்பது நமது கடமையாகும். அர்த்தமுள்ள உரையாடலின் உணர்வை நீங்கள் அனைவரும் ஏற்றுக்கொள்ளுமாறு கேட்டுக்கொள்கிறேன். பாரம்பரிய சிந்தனைமிக்க விவாதத்திற்கு திரும்புவோம்" என்றார்.</p>
<p><strong>இதையும் படிக்க: <a title="Red Alert: நாளை 6 மாவட்டங்களுக்கு ரெட் அலர்ட்; எங்கெல்லாம் அதி கனமழைக்கு வாய்ப்பு? வானிலை சொல்வது என்ன?" href="https://tamil.abplive.com/news/tamil-nadu/tamil-nadu-weather-update-fengal-cyclone-latest-news-red-alert-for-six-districts-tomorrow-november-29-imd-208125" target="_blank" rel="noopener">Red Alert: நாளை 6 மாவட்டங்களுக்கு ரெட் அலர்ட்; எங்கெல்லாம் அதி கனமழைக்கு வாய்ப்பு? வானிலை சொல்வது என்ன?</a></strong></p>
1 year ago
7 
