ஆளுநர் - தமிழக அரசு மோதல் போக்கு! உச்சநீதிமன்றம் சென்ற வழக்கு! நீதிபதிகள் சொன்ன கருத்து

<p>ஆளுநர் &ndash; தமிழக அரசு இடையிலான மோதல் போக்கு மக்களுக்கே பாதிப்பு என உச்சநீதிமன்றம் கருத்து தெரிவித்துள்ளது.</p> <p>மசோதாக்களுக்கு ஆளுநர் ஒப்புதல் அளிக்காமல் கிடப்பில் போடுவதாக தமிழக அரசு உச்சநீதிமன்றத்தில் வழக்கு தொடர்ந்திருந்தது.</p> <p>இந்த வழக்கை விசாரித்த உச்சநீதிமன்ற நீதிபதிகள் ஆளுநர் &ndash; தமிழக அரசு மோதலால் மாநிலமும் மக்களும்தான் பாதிக்கப்படுகிறார்கள் என கருத்து தெரிவித்துள்ளனர்.</p> <p>இந்த வழக்கில் மத்திய அரசு தரப்பில் ஆஜரான வழக்கறிஞர்கள், மசோதாக்களுக்கு தேவையான ஒப்புதல்களை அளிக்குமாறு ஏற்கெனவே அறிவுறுத்தியுள்ளதாக தெரிவித்தனர்.</p> <p>மேலும் தமிழக அரசு சார்பில் ஆஜரான வழக்கறிஞர் ரோத்தகி, தமிழக அரசு மசோதாக்களை நிறைவேற்றி ஆளுநருக்கு அனுப்பி வைக்கிறது. ஆனால் ஆளுநர் அதை திருப்பி அனுப்புகிறார்.</p> <p>உடன சட்டமன்றத்தில் மீண்டும் மசோதா நிறைவேற்றப்பட்டு அனுப்பி வைக்கப்படுகிறது. அதை கண்டிப்பாக ஆளுநர் ஏற்க வேண்டும். இது விதிமுறை. ஆனால் ஆளுநர் ஆர்.என்.ரவி அதை செய்வதில்லை.</p> <p>இதுவரை ஆளுநருக்கு 12 மசோதாக்கள் அனுப்பி வைக்கப்பட்டுள்ளன. இதில் முதல் இரண்டு மசோதாக்களை மட்டுமே ஆளுநர் குடியரசுத் தலைவருக்கு அனுப்பி வைத்தார். மீதமுள்ளவை நீண்ட நாட்களாக கிடப்பில் போடப்பட்டன&rdquo; என வாதங்களை முன் வைத்தார்.</p> <p>இதையடுத்து குறுக்கிட்ட நீதிபதிகள் நாளுநர் &ndash; தமிழக அரசு இடையிலான மோதல் போக்கால் மக்கள் தான் பாதிக்கப்படுகிறார்கள் என கருத்து தெரிவித்தனர். மேலும் ஆளுநர் மசோதாக்களுக்கு ஒப்புதல் அளிக்காமல் இருப்பது மாநில அரசின் செயல்பாட்டுக்கு முட்டுக்கட்டையாக உள்ளது என தெரிவித்துள்ளனர்.&nbsp;</p> <p>இதனிடையே தமிழ்நாடு ஆளுநரை நீக்கக்கோரி வழக்கறிஞர் ஜெய்சுகின் தொடர்ந்த வழக்கை உச்சநீதிமன்றம் தள்ளுபடி செய்தது.</p> <p>அரசியல் சாசனத்துக்கு எதிராக தமிழ்நாடு ஆளுநர் செயல்படுவதாக கூறி மனுத்தாக்கல் செய்யப்பட்ட நிலையில் ஏற்கெனவே இது தொடர்பாக வழக்குகள் விசாரணையில் உள்ளதை சுட்டிக்காட்டி உச்சநீதிமன்றம் தள்ளுபடி செய்திருந்தது. &nbsp;</p>