"அப்பா செய்த மிகப்பெரிய தியாகம் இதுதான்... செந்திலின் மகன் பேட்டி!"

<p class="p1">தமிழ் சினிமாவின் முன்னணி நகைச்சுவை நடிகர்களில் ஒருவரான செந்திலின் மகன் டாக்டர் மணிகண்ட பிரபு<span class="s1">, </span>தனது தந்தையின் சினிமா வாழ்க்கை மற்றும் குடும்ப வாழ்க்கை குறித்து பகிர்ந்துள்ள தகவல்கள் ரசிகர்களிடையே கவனம் பெற்றுள்ளன<span class="s1">. </span>குறிப்பாக<span class="s1">, </span>சினிமாவில் உச்சத்தில் இருந்த காலத்தில் குடும்பத்துடன் செலவிட முடியாத சூழ்நிலை குறித்து அவர் பேசியிருப்பது பலரையும் நெகிழ்ச்சியில் ஆழ்த்தியுள்ளது<span class="s1">.</span></p> <h2 class="p2">நேரம் செலவிட்டதே இல்லை</h2> <p class="p1">இதுகுறித்து பேசிய மணிகண்ட பிரபு<span class="s1">, "</span>சின்ன வயதில் அப்பாவுடன் அதிக நேரம் செலவிட்டதே இல்லை<span class="s1">. </span>அந்த காலத்தில் அவர் சினிமாவில் உச்சத்தில் இருந்தார்<span class="s1">. </span>வாரத்திற்கு ஒருமுறை அல்லது சில நேரங்களில் மாதத்திற்கு ஒருமுறைதான் அவரை பார்க்க முடியும்<span class="s1">. </span>பெரும்பாலும் நாங்கள் தூங்கிய பிறகுதான் வீட்டுக்கு வருவார்<span class="s1">. </span>நாங்கள் எழுவதற்கு முன்பே மீண்டும் படப்பிடிப்புக்காக கிளம்பி விடுவார்<span class="s1">. </span>அவர் வந்து எங்களை பார்த்துவிட்டு சென்றதை கூட அம்மா சொல்லித்தான் தெரிந்துகொள்வோம்<span class="s1">" </span>என்று கூறியுள்ளார்<span class="s1">.</span></p> <p class="p1">பள்ளி நாட்களில் மற்ற நண்பர்களின் தந்தைகள் பள்ளிக்கு வருவதைப் பார்த்தபோது<span class="s1">, "</span>என் அப்பா மட்டும் ஏன் வரவில்லை<span class="s1">?" </span>என்ற ஏக்கம் இருந்ததாகவும் அவர் தெரிவித்துள்ளார்<span class="s1">. </span>பின்னர்<span class="s1">, </span>குடும்பத்திற்காகத்தான் அந்த தியாகங்களை செந்தில் செய்தார் என்பதை புரிந்துகொண்ட பிறகு அந்த வருத்தம் மாறிவிட்டதாகவும் அவர் கூறியுள்ளார்<span class="s1">.</span></p> <h2 class="p2">அப்பா அடிவாங்கும் காட்சிகள் குறித்து</h2> <p class="p1">திரைப்படங்களில் அடிக்கடி அடி வாங்கும் கதாபாத்திரங்களில் செந்தில் நடித்ததை சிறுவயதில் ஏற்றுக்கொள்ள முடியாமல்<span class="s1">, "</span>ஏன் எப்போதும் நீங்கள்தான் அடி வாங்க வேண்டும்<span class="s1">? </span>ஒரு காட்சியாவது நீங்கள் திருப்பி அடிக்க வேண்டாமா<span class="s1">?" </span>என்று நேரடியாக தந்தையிடம் கேட்டதாகவும் மணிகண்ட பிரபு நினைவுகூர்ந்தார்<span class="s1">. </span>அதற்கு<span class="s1">, "</span>இயக்குநர் எப்படி சொல்கிறாரோ அப்படித்தான் நடிக்க வேண்டும்<span class="s1">. </span>அதுதான் ஒரு நடிகரின் கடமை<span class="s1">" </span>என்று செந்தில் அமைதியாக பதிலளித்ததாகவும் அவர் தெரிவித்துள்ளார்<span class="s1">.</span></p> <p class="p1">தனது காதல் திருமணம் குறித்த தகவலை வீட்டில் கூறியபோது<span class="s1">, </span>தந்தை எதிர்ப்பார் என்று நினைத்ததாகவும்<span class="s1">, </span>ஆனால் எந்த தயக்கமும் இல்லாமல் அதை ஏற்றுக்கொண்டதாகவும் மணிகண்ட பிரபு கூறினார்<span class="s1">. </span>அதனால் தந்தை<span class="s1">-</span>மகன் இடையே பெரிய சண்டைகள் ஏற்பட்டதே இல்லை என்றும் அவர் தெரிவித்துள்ளார்<span class="s1">.</span></p> <h2 class="p1">கவுண்டமணி செந்தில் உறவு குறித்து&nbsp;</h2> <p class="p1">மேலும்<span class="s1">, </span>செந்தில்<span class="s1"> - </span>கவுண்டமணி நட்பு குறித்து பேசிய அவர்<span class="s1">, "</span>யாராவது கவுண்டமணி பற்றி தவறாக பேசினால் அப்பாவுக்கு பிடிக்காது<span class="s1">. </span>இன்றும் இருவரும் அடிக்கடி தொலைபேசியில் பேசிக்கொள்வார்கள்<span class="s1">. </span>திரையில் எப்படி இணைந்து இருந்தார்களோ<span class="s1">, </span>திரைக்கு வெளியிலும் அண்ணன்<span class="s1">-</span>தம்பி போலவே இருக்கிறார்கள்<span class="s1">" </span>என்று கூறியுள்ளார்<span class="s1">.</span></p> <p class="p1">அதேபோல்<span class="s1">, </span>ஒருகாலத்தில் செந்திலுக்கு மது அருந்தும் பழக்கம் இருந்தது<span class="s1">. </span>அதுதான் தனக்கு பிடிக்காத விஷயம் என்றும்<span class="s1">, </span>ஆனால் தற்போது அந்த பழக்கத்தை அவர் முழுமையாக கைவிட்டுவிட்டார் என்றும் மணிகண்ட பிரபு தெரிவித்துள்ளார்<span class="s1">.</span></p> <p class="p1">இறுதியாக<span class="s1">, "</span>எங்களுடன் நேரம் செலவிட முடியாமல் ஓடியதுதான் அப்பா செய்த மிகப்பெரிய தியாகம்<span class="s1">. </span>பிறந்தநாள்<span class="s1">, </span>பெற்றோர்<span class="s1">-</span>ஆசிரியர் சந்திப்பு உள்ளிட்ட நிகழ்ச்சிகளுக்கு வர வேண்டும் என்ற ஆசை அவருக்கு இருந்தது<span class="s1">. </span>ஆனால் வேலை காரணமாக முடியவில்லை<span class="s1">. </span>அதனால்தான் இன்று என் குழந்தைகளுடன் அதிக நேரம் செலவிட வேண்டும் என்பதில் நான் கவனமாக இருக்கிறேன்<span class="s1">" </span>என்று உருக்கமாக பேசியுள்ளார்<span class="s1">.</span></p> <p class="p1"><span class="s1"><iframe class="vidfyVideo" style="border: 0px;" src="https://tamil.abplive.com/web-stories/entertainment/12-conditions-by-censor-board-for-vijay-jananayagan-movie-266963" width="631" height="381" scrolling="no"></iframe></span></p>