ஃபார்ச்சூனரை அதிர வைக்கும் ஜெடூர் T2 ஹைப்ரிட் எஸ்யூவி: 800 கி.மீ ரேஞ்ச்!

<p class="ng-star-inserted"><span class="ng-star-inserted">இந்தியாவில் பெரிய எஸ்யூவி கார்கள் என்றாலே அனைவரின் மனதிலும் முதலில் தோன்றும் பெயர் டொயோட்டா ஃபார்ச்சூனர் தான். தற்போதைய காலகட்டத்தில் எம்ஜி மெஜஸ்டர் போன்ற கார்களும் சந்தையில் அதிகம் விவாதிக்கப்பட்டு வரும் நிலையில், பல முன்னணி நிறுவனங்களும் பெரிய எஸ்யூவிக்களை தயாரிப்பதில் தீவிரம் காட்டி வருகின்றன. </span></p> <p class="ng-star-inserted"><span class="ng-star-inserted">அந்த வகையில், JSW மோட்டார்ஸ் நிறுவனத்துடன் இணைந்து, ஜெடூர் (Jetur) நிறுவனம் தனது பிரபலமான ஜெடூர் T2 i-DM எஸ்யூவி காரை இந்தியாவில் அறிமுகம் செய்ய முழு வீச்சில் தயாராகி வருகிறது.</span></p> <p class="ng-star-inserted"><span class="ng-star-inserted">ஜெடூர் நிறுவனம் தனது முதல் தயாரிப்பாகவே இந்த பிரீமியம் எஸ்யூவி காரை தேர்ந்தெடுத்துள்ளது குறிப்பிடத்தக்கது. நேரடியாக ஃபார்ச்சூனருக்கு போட்டியாக களம் இறங்கும் இந்த வாகனத்தின் மிக முக்கியமான சிறப்பம்சமே இதன் அதிநவீன இன்ஜின் அமைப்புதான்.</span></p> <p class="ng-star-inserted"><strong class="ng-star-inserted"><span class="ng-star-inserted">டூயல்-மோட் ஹைப்ரிட் சிஸ்டம்</span></strong></p> <p class="ng-star-inserted"><span class="ng-star-inserted">இந்த ஜெடூர் T2 காரில் மிகவும் மேம்பட்ட இன்டெலிஜென்ட் டூயல் மோட் ஹைப்ரிட் சிஸ்டம் பொருத்தப்பட்டுள்ளது. ஓட்டுநர்கள் தங்களின் தேவை மற்றும் சாலையின் நிலைமைகளுக்கு ஏற்ப EV டிரைவ், சீரிஸ் ஹைப்ரிட், டூயல் பவர் பூஸ்ட், பேரலல் ஹைப்ரிட் மற்றும் ரீஜெனரேட்டிவ் பிரேக்கிங் என ஐந்து விதமான டிரைவிங் மோட்களை இதில் தேர்வு செய்துகொள்ளலாம். பர்ஃபாமென்ஸ் மற்றும் மைலேஜ் இரண்டையும் சரிசமமாக வழங்கும் இந்த காரில், மென்மையான பயண அனுபவத்திற்காக பிரத்யேக 3-ஸ்பீடு ஹைப்ரிட் கியர்பாக்ஸ் கொடுக்கப்பட்டுள்ளது.</span></p> <p class="ng-star-inserted"><strong class="ng-star-inserted"><span class="ng-star-inserted">800 கி.மீ ரேஞ்ச்</span></strong></p> <p class="ng-star-inserted"><br class="ng-star-inserted" /><span class="ng-star-inserted">இந்த காரில் 18.4 kWh லித்தியம் அயர்ன் பாஸ்பேட் பேட்டரி பேக் வழங்கப்பட்டுள்ளது. ஒரு சொட்டு பெட்ரோல் கூட இல்லாமல், தினசரி நகரப் பயன்பாட்டிற்கு ஏற்றவாறு முழுமையாக எலக்ட்ரிக் மோடில் மட்டும் 140 கிலோமீட்டர் தூரம் வரை பயணிக்க முடியும் என்பதே இதன் மிகப்பெரிய சிறப்பம்சமாகும். அதேசமயம் பெட்ரோல் இன்ஜின் மற்றும் ஹைப்ரிட் சிஸ்டம் இரண்டும் இணைந்து செயல்படும்போது, முழு டேங்கில் 800 கிலோமீட்டர் வரையிலான ரேஞ்சை இது எளிதாக வழங்கும். மேலும், காரின் பேட்டரி மூலம் மற்ற மின்சாதனங்களை இயக்கும் வகையிலான 3.3 kW V2L வசதியும் இதில் உள்ளது.</span></p> <p class="ng-star-inserted"><strong class="ng-star-inserted"><span class="ng-star-inserted">டர்போ இன்ஜின் மற்றும் எலக்ட்ரிக் மோட்டார்</span></strong></p> <p class="ng-star-inserted"><span class="ng-star-inserted">இந்த காரின் பவர்ட்ரெயினைப் பொறுத்தவரை, 1.5 லிட்டர் டர்போ பெட்ரோல் இன்ஜினுடன் இரண்டு சக்திவாய்ந்த எலக்ட்ரிக் மோட்டார்கள் இணைக்கப்பட்டுள்ளன. ஆரம்பத்தில் இது முன்பக்க வீல் டிரைவ் (FWD) ஆப்ஷனில் வெளிவரும். எதிர்காலத்தில் 4x4 (AWD) வேரியண்ட் அறிமுகமாக வாய்ப்புள்ளது. அதிகம் எலக்ட்ரிக் மோடில் இயங்குவதால் சாதாரண பெட்ரோல், டீசல் கார்களை விட இதன் எரிபொருள் செலவு மிகக் குறைவாக இருக்கும்.</span></p> <p class="ng-star-inserted"><strong class="ng-star-inserted"><span class="ng-star-inserted">அறிமுகம் மற்றும் வடிவமைப்பு</span></strong></p> <p class="ng-star-inserted"><br class="ng-star-inserted" /><span class="ng-star-inserted">இந்த ஆண்டு இறுதிக்குள் இந்திய சந்தையில் அதிகாரப்பூர்வமாக விற்பனைக்கு வரவுள்ள இந்த கார், ஃபார்ச்சூனர் மற்றும் எம்ஜி மெஜஸ்டர் போன்ற கார்களுக்கு கடும் போட்டியாக அமையும். இதன் தனித்துவமான ப்ளக்-இன் ஹைப்ரிட் சிஸ்டம், அட்டகாசமான வடிவமைப்பு, ஹை டெக் கேபின் மற்றும் சிறப்பான மைலேஜ் ஆகியவை இந்திய வாகன சந்தையில் மிகப்பெரிய மாற்றத்தை ஏற்படுத்தும் என எதிர்பார்க்கப்படுகிறது.</span></p> <p class="ng-star-inserted"><span class="ng-star-inserted"><iframe class="vidfyVideo" style="border: 0px;" src="https://tamil.abplive.com/web-stories/health/what-to-eat-with-honey-for-a-cold-275294" width="631" height="381" scrolling="no"></iframe></span></p>