VS Babu TVK: மு.க.ஸ்டாலினுக்கு எதிராக போட்டி! திமுக டூ தவெக.. யார் இந்த விஎஸ் பாபு?

<p>தமிழ்நாட்டில் சட்டமன்ற தேர்தல் வரும் ஏப்ரல் 23ம் தேதி நடைபெற உள்ளது. திமுக, அதிமுக, நாம் தமிழர், தமிழக வெற்றிக் கழகம் என ஒவ்வொரு கட்சியினரும் தங்களது வேட்பாளர்களை அறிவித்துள்ளனர். இன்று முதல் ஒவ்வொரு கட்சியினரும் தீவிர பரப்புரையில் ஈடுபட்டு வருகின்றனர்.</p> <h2><strong>மு.க.ஸ்டாலினுக்கு எதிராக விஎஸ் பாபு:</strong></h2> <p>நட்சத்திர தொகுதிகளில் முதன்மையானதாக கொளத்தூர் உள்ளது. கொளத்தூர் தொகுதி முதலமைச்சர் மு.க.ஸ்டாலின் கோட்டையாக உள்ளது. இந்த தொகுதியில் அதிமுக சார்பில் சந்தான கிருஷ்ணன் வேட்பாளராக களமிறங்கியுள்ள நிலையில், தவெக சார்பில் விஎஸ் பாபு போட்டியாளராக களமிறங்கியுள்ளார்.</p> <p>வி.எஸ்.பாபு விஜய்யின் ரசிகர்களைப்போல ஆரம்ப காலம் முதலே விஜய்யின் ரசிகராக பணியாற்றியவர் இல்லை. இவர் தனது தொடக்க காலத்தில் திமுக-வில் இருந்தவர். திமுக- சார்பில் கடந்த 2006ம் ஆண்டு சட்டமன்ற தேர்தலில் போட்டியிட்டு 7 ஆயிரத்து 363 வாக்குகள் வித்தியாசத்தில் வெற்றி பெற்றார். அந்த தேர்தலில் தன்னை எதிர்த்துப் போட்டியிட்ட வெங்கடேஷ்பாபு 82 ஆயிரத்து 777 வாக்குகள் பெற, விஎஸ் பாபு 90 ஆயிரத்து 140 வாக்குகள் பெற்று வெற்றி பெற்றார்.</p> <h2><strong>திமுக டூ தவெக:</strong></h2> <p>அதன்பின்னர், 2011ம் ஆண்டு கொளத்தூர் தொகுதியில் திமுக சார்பில் மு.க.ஸ்டாலின் முதன்முறையாக போட்டியிட்டார். அந்த தேர்தலில் மு.க.ஸ்டாலின் வெற்றி பெற்றாலும் அவருக்கு அதிமுக வேட்பாளர் சைதை துரைசாமி கடும் சவால் அளித்தார். அந்த தேர்தலில் திமுக பொறுப்பாளராக இருந்த விஎஸ் பாபு முறையாக &nbsp;தொகுதியில் தேர்தல் பணிகளை கவனிக்கவில்லை என்ற குற்றச்சாட்டு காரணமாக கட்சியினருக்கும், அவருக்கும் மனக்கசப்பு ஏற்பட்டது.</p> <p>பின்னர், திமுக-வில் இருந்து விலகி அதிமுக-வில் இணைந்தார். திமுக-வில் வடசென்னை மாவட்டச் செயலாளராக இருந்த அவர், அதிமுக-விலும் மாவட்டச் செயலாளராக பொறுப்பு வகித்தார். எடப்பாடி பழனிசாமியுடன் ஏற்பட்ட கருத்து மோதலைத் தொடர்ந்து அவரது கட்சி பதவி பறிக்கப்பட்டது. பின்னர், அவர் கடந்த பிப்ரவரியில் விஜய் முன்பு தவெக-வில் இணைந்தார்.&nbsp;</p> <h2><strong>ஒரே மாதத்தில் எம்எல்ஏ சீட்:</strong></h2> <p>தமிழக வெற்றிக் கழகத்தில் இணைந்த ஒரு மாதத்திலே அவருக்கு கொளத்தூர் தொகுதியில் போட்டியிட வாய்ப்பு அளிக்கப்பட்டுள்ளது. மு.க.ஸ்டாலின் 3 முறை வெற்றி பெற்ற தொகுதியும், அவர் முதலமைச்சராக தேர்வான தொகுதியுமான கொளத்தூரில் மு.க.ஸ்டாலினை வீழ்த்துவது என்பது மிகவும் சவாலான ஒன்றாகும்.</p> <p>இளைஞர்கள் ஆதரவு, முதல் தலைமுறை வாக்காளர்கள் ஆதரவுடன் களமிறங்கியுள்ள <a title="விஜய்" href="https://tamil.abplive.com/topic/vijay" data-type="interlinkingkeywords">விஜய்</a>யின் வேட்பாளரான வி.எஸ்.பாபு வெற்றி பெறுவாரா? என்பது மிகப்பெரிய சவால் ஆகும். மே 4ம் தேதி அதற்கான பதில் கிடைக்கும் என்பது குறிப்பிடத்தக்கது.&nbsp;</p> <p>கட்சியில் சேர்ந்த ஒரே மாதத்தில் அவருக்கு எம்எல்ஏ வாய்ப்பு வழங்கப்பட்டது பலருக்கும் அதிருப்தியை உண்டாக்கினாலும், சவாலான தொகுதி என்பதால் கட்சியினரும் பெரியளவு அதிருப்தியை வெளிப்படுத்தவில்லை என்றே கூறப்படுகிறது.</p> <p><iframe class="vidfyVideo" style="border: 0px;" src="https://tamil.abplive.com/web-stories/education/how-to-prepare-for-mbbs-254867" width="631" height="381" scrolling="no"></iframe></p>