<p>தமிழ்நாட்டின் <a title="சட்டமன்ற தேர்தல் முடிவுகள்" href="https://tamil.abplive.com/topic/tamil-nadu-election-results-2026" data-type="interlinkingkeywords">சட்டமன்ற தேர்தல் முடிவுகள்</a> இன்று வெளியாகியுள்ளது. இந்த தேர்தலில் யாருமே எதிர்பார்க்காத வகையில் தமிழக வெற்றிக் கழகம் மாபெரும் வெற்றி பெற்றுள்ளது. 110 தொகுதிகள் வரை முன்னிலை பெற்றுள்ள நிலையில், தவெக தலைமையிலான ஆட்சியே அமைய உள்ளது.</p>
<h2><strong>எம்ஜிஆரை முந்திய விஜய்:</strong></h2>
<p>இந்த தேர்தலில் தமிழக வெற்றிக் கழகத்தின் வாக்கு சதவீதம் எவ்வளவு இருக்கும்? என்று பலரும் எதிர்பார்த்து காத்திருந்த சூழலில், தமிழக வெற்றிக் கழகம் 34.89 சதவீதம் வாக்குகளைப் பெற்று பலரையும் திரும்பி பார்க்க வைத்துள்ளது. </p>
<p>1977ம் ஆண்டு முதன்முறையாக சட்டமன்ற தேர்தலில் எதிர்கொண்ட எம்ஜிஆர் 144 தொகுதிகளில் வெற்றி பெற்றார். அந்த தேர்தலில் எம்ஜிஆர் 33.52 சதவீதம் வாக்குகளைப் பெற்று வெற்றி பெற்றார். எம்ஜிஆரின் இந்த சாதனையை 49 ஆண்டுகளுக்கு பிறகு விஜய் முறியடித்துள்ளார்.</p>
<h2>வாக்கு சதவீதம் என்ன?</h2>
<p>இந்த தேர்தலில் ஒவ்வொரு கட்சியினரும் பெற்றுள்ள வாக்குகள் எண்ணிக்கை எவ்வளவு? என்பதை கீழே காணலாம்.</p>
<p>1. தவெக - 34.89 சதவீதம்</p>
<p>2. திமுக - 24.19 சதவீதம்</p>
<p>3. அதிமுக - 21.35 சதவீதம்</p>
<p>4. நாம் தமிழர் - 3.99 சதவீதம்</p>
<p>5. தேமுதிக - 1.14 சதவீதம்</p>
<p>6. பாஜக - 2.99 சதவீதம்</p>
<p>7. காங்கிரஸ் - 3.39 சதவீதம்</p>
<p>8. இந்திய கம்யூனிஸ்ட் - 0.65 சதவீதம்</p>
<p>9. மார்க்சிஸ்ட் - 0.63 சதவீதம்</p>
<p>10. விசிக - 1.11 சதவீதம்</p>
<p>11. இந்திய யூனியன் முஸ்லீம் லீக் - 0.28 சதவீதம்</p>
<p>12. பகுஜன் சமாஜ்வாதி - 0.11 சதவீதம்</p>
<p>13.மற்றவர்கள் - 4.83 சதவீதம்</p>
<p>இந்த தேர்தலில் 234 தொகுதிகளில் எடப்பாடி தொகுதி தவிர எஞ்சிய 233 தொகுதிகளில் தமிழக வெற்றிக் கழகம் தனித்துப் போட்டியிட்டது. விஜய் என்ற ஒரே முகத்திற்காக மட்டும் தமிழக வெற்றிக் கழகத்திற்கு வாக்குகள் குவிந்துள்ளது. ஆளுங்கட்சியான திமுக-வின் முக்கிய அமைச்சர்கள், அதிமுகவின் முன்னாள் அமைச்சர்கள் பலரும் தோல்வி அடைந்துள்ளனர். முதலமைச்சரும், திமுக தலைவருமான மு.க.ஸ்டாலின் கொளத்தூர் தொகுதியில் அதிர்ச்சி தோல்வி அடைந்துள்ளார்.</p>
<p>முதன்முறையாக தேர்தல் களத்தை எதிர்கொண்டுள்ள விஜய் தன்னுடைய ரசிகர்கள் பலத்தை நம்பி மட்டுமே களமிறங்கியுள்ளார் என்று விமர்சனங்கள் முன்வைக்கப்பட்டது. ஆனால், அவர் கீழ்மட்ட அளவில் தனது கட்சியை வலுப்படுத்த கடந்த 2 ஆண்டுகளை எடுத்துக்கொண்டார். தமிழக வெற்றிக் கழகம் இந்த தேர்தலில் 1.68 கோடி வாக்குகளைப் பெற்று அசத்தியுள்ளது. </p>
<p>அரசியல் கட்சி தொடங்கிய நடிகரில் இந்தியாவிலே அதிக வாக்கு சதவீதம் பெற்றவர் என்ற பெருமையை என்டிஆர் தன்வசம் வைத்துள்ளார். அவருக்கு அடுத்த இடத்தில் தற்போது <a title="தவெக" href="https://tamil.abplive.com/topic/tvk" data-type="interlinkingkeywords">தவெக</a> தலைவர் விஜய் இடம்பிடித்துள்ளார்.</p>
<p><a title="Tamil Nadu Election Results 2026 LIVE: தமிழ்நாட்டில் வெற்றி பெற்ற விஜய்க்கு பிரதமர் மோடி வாழ்த்து" href="https://tamil.abplive.com/elections/tamil-nadu-election-results-2026-live-updates-dmk-aiadmk-tvk-constituency-wise-winners-losers-party-wise-vote-share-latest-news-259099" target="_self">Tamil Nadu Election Results 2026 LIVE: தமிழ்நாட்டில் வெற்றி பெற்ற விஜய்க்கு பிரதமர் மோடி வாழ்த்து</a></p>
<p><iframe class="vidfyVideo" style="border: 0px;" src="https://tamil.abplive.com/web-stories/health/know-the-correct-way-to-drink-water-stop-these-mistakes-for-better-digestion-259083" width="631" height="381" scrolling="no"></iframe></p>
<p> </p>
<p> </p>
1 month ago
5 
